Agenda, Penderfyniadau a Chofnodion drafft

Daeth ymddiheuriad am golli'r cyfarfod oddi wrth Gynghorydd y Fwrdeistref Sirol L Tomkinson.

Derbyn datganiadau o fuddiannau personol gan Aelodau yn unol â'r Cod Ymddygiad.

Nodwch:

1.     Mae gofyn i Aelodau ddatgan rhif a phwnc yr agendwm mae eu buddiant yn ymwneud ag ef a mynegi natur y buddiant personol hwnnw; a

2.     Lle bo Aelodau'n ymneilltuo o'r cyfarfod o ganlyniad i ddatgelu buddiant sy'n rhagfarnu, rhaid iddyn nhw roi gwybod i'r Cadeirydd pan fyddan nhw'n gadael.

Yn unol â Chod Ymddygiad y Cyngor, ni wnaethpwyd unrhyw ddatganiadau mewn perthynas â'r agenda.

Nodi y dylai Aelodau o'r Pwyllgor, wrth benderfynu materion rheoli datblygu ger eu bron, roi sylw i'r Cynllun Datblygu ac, i'r graddau y bo hynny yn berthnasol, i unrhyw ystyriaethau perthnasol eraill. Rhaid i Aelodau, wrth ddod i benderfyniadau, sicrhau nad ydyn nhw'n gweithredu mewn modd sy'n anghyson â'r Confensiwn ar Hawliau Dynol fel y'i hymgorfforwyd mewn deddfwriaeth gan Ddeddf Hawliau Dynol 1998.

PENDERFYNWYD nodi y dylai Aelodau o'r Pwyllgor, wrth benderfynu ar faterion rheoli datblygu ger eu bron, roi sylw i'r Cynllun Datblygu ac, i'r graddau y bo hynny yn berthnasol, i unrhyw ystyriaethau perthnasol eraill. Rhaid i Aelodau, wrth ddod i benderfyniadau, sicrhau nad ydyn nhw'n gweithredu mewn modd sy'n anghyson â'r Confensiwn Ewropeaidd ar Hawliau Dynol fel y'i hymgorfforwyd mewn deddfwriaeth gan Ddeddf Hawliau Dynol 1998.

Nodi bod Deddf Llesiant Cenedlaethau’r Dyfodol (Cymru) 2015 yn gosod dyletswydd ar gyrff cyhoeddus i gynnal datblygiadau cynaliadwy yn unol â'r egwyddor datblygu cynaliadwy, ac i weithredu mewn modd sy'n anelu at sicrhau y caiff anghenion y presennol eu diwallu heb amharu ar allu cenedlaethau'r dyfodol i ddiwallu eu hanghenion hwythau.

PENDERFYNWYD nodi bod Deddf Llesiant Cenedlaethau'r Dyfodol (Cymru) 2015 yn gosod dyletswydd ar gyrff cyhoeddus i gynnal datblygiadau cynaliadwy yn unol â'r egwyddor datblygu cynaliadwy, ac i weithredu mewn modd sy'n anelu at sicrhau y caiff anghenion y presennol eu diwallu heb amharu ar allu cenedlaethau'r dyfodol i ddiwallu eu hanghenion nhw.

Cadarnhau cofnodion o gyfarfod y Pwyllgor Cynllunio a Datblygu a gynhaliwyd ar 09.11.23 yn rhai cywir.

PENDERFYNWYD cadarnhau'r cofnodion o gyfarfod y Pwyllgor Cynllunio a Datblygu a gynhaliwyd ar 09.11.23 yn rhai cywir.

Cytunodd y Pwyllgor y byddai'r agenda yn cael ei hystyried mewn trefn wahanol yn unol â'r manylion yn y cofnodion isod.

Annedd newydd â phedair ystafell wely gyda garej ar wahân a dau le parcio ychwanegol.

TIR GER 4 STRYD NASH, ABERCYNON, ABERPENNAR, CF45 4PB

Annedd newydd â phedair ystafell wely gyda garej ar wahân a dau le parcio ychwanegol. TIR GER 4 STRYD NASH, ABERCYNON, ABERPENNAR, CF45 4PB

PENDERFYNODD yr Aelodau ohiriopenderfynu ar y cais hyd nes cyfarfod y Pwyllgor Cynllunio a Datblygu yn y dyfodol er mwyn caniatáu rhagor o amser i Swyddogion Cynllunio adolygu gwybodaeth bellach a dderbyniwyd mewn perthynas â'r cais.

Datblygiad preswyl o 20 o fflatiau ag un a dwy ystafell wely, gyda gwaith tirlunio, trin ffiniau a mannau parcio cysylltiedig (Diwygiwyd y disgrifiad wrth dderbyn y cynlluniau diwygiedig ar 31/10/23, lleihau nifer yr unedau a chael gwared ar y llawr uchaf).

Safle'r Hen Glwb Cymdeithas y Llynges Frenhinol, 233 Stryd y Llys, Tonypandy, CF40 2RF.

Datblygiad preswyl o 20 o fflatiau ag un a dwy ystafell wely, gyda gwaith tirlunio, trin ffiniau a mannau parcio cysylltiedig (Diwygiwyd y disgrifiad wrth dderbyn y cynlluniau diwygiedig ar 31/10/23, lleihau nifer yr unedau a chael gwared ar y llawr uchaf). Safle Hen Glwb Cymdeithas y Llynges Frenhinol, 233 Stryd y Llys, Tonypandy, CF40 2RF.

Yn unol â'r gweithdrefnau a gafodd eu mabwysiadu, derbyniodd y Pwyllgor y siaradwyr cyhoeddus canlynol a gafodd bum munud yr un i annerch yr Aelodau yngl?n â'r cynnig uchod:

·       Mr N Ahmed (Asiant)

·       Mr A Silver (Gwrthwynebydd)

Arferodd yr Asiant, Mr N Ahmed, yr hawl i ymateb i'r sylwadau a wnaed gan y gwrthwynebydd.

Cyflwynodd y Pennaeth Materion Cynllunio'r cais a gafodd ei gyflwyno'n wreiddiol i'r Pwyllgor ar 5 Hydref 2023, pan wrthododd yr Aelodau'r cais yn groes i argymhelliad y Cyfarwyddwr Materion Ffyniant a Datblygu.

Cyflwynodd y Pennaeth Materion Cynllunio adroddiad pellach yn amlygu i'r Aelodau y newidiadau a wnaed gan yr Ymgeisydd i'r cynlluniau gwreiddiol a rhoddodd yr Aelodau ystyriaeth i'r adroddiad pellach, gan amlygu'r cryfderau a'r gwendidau posibl. Yn dilyn trafodaethau, PENDERFYNWYD cymeradwyo'r cais am y rheswm a amlinellwyd yn yr adroddiad ac ar sail yr amodau oedd yn yr adroddiad diwygiedig.

(Nodwch: Roedd Cynghorydd y Fwrdeistref Sirol G Hughesam gofnodi ei fod wedi pleidleisio yn erbyn cymeradwyo'r cais uchod).

Estyniad deulawr ar un ochr, estyniad un llawr ar yr ochr arall, trawsnewid yr atig a gwaith peirianneg i'r cefn sy'n cynnwys gwaith i wneud y tir yn wastad a grisiau mynediad.

45 STRYD Y BRYN, HENDREFORGAN, GILFACH-GOCH, PORTH, CF39 8TW

Estyniad deulawr ar un ochr, estyniad un llawr ar yr ochr arall, trawsnewid yr atig a gwaith peirianneg i'r cefn sy'n cynnwys gwaith i wneud y tir yn wastad a grisiau mynediad. 45 STRYD Y BRYN, HENDREFORGAN, GILFACH-GOCH, PORTH, CF39 8TW

(Nodwch: Ymunodd Cynghorydd y Fwrdeistref Sirol M Powell â'r cyfarfod ar yr adeg yma.)

(Nodwch: Cyhoeddodd Cynghorydd y Fwrdeistref Sirol W Lewis fuddiant personol sy'n rhagfarnu mewn perthynas â Chais 23/0641:

"Mae'r Ymgeisydd yn fy nghyflogi ac rydw i wedi gweithio ar y safle yma.")

Yn unol â'r gweithdrefnau a gafodd eu mabwysiadu, derbyniodd y Pwyllgor Ms A Davies (Ymgeisydd). Cafodd bum munud i gyflwyno'r cais uchod i'r Aelodau.

Amlinellodd y Pennaeth Materion Cynllunio gynnwys llythyr 'hwyr' a gyflwynwyd gan eiddo cyfagos yn esbonio eu gwrthwynebiad i'r datblygiad arfaethedig.

Cyflwynodd y Pennaeth Materion Cynllunio y cais i'r Pwyllgor. Ar ôl trafod y cais,PENDERFYNWYD cymeradwyo'r cais yn unol ag argymhelliad y Cyfarwyddwr - Materion Ffyniant a Datblygu.

(Nodwch: Ymatalodd Cynghorydd y Fwrdeistref Sirol M Powell o'r bleidlais gan nad oedd e'n bresennol ar gyfer yr eitem cyfan.)

Datblygu 10 annedd fforddiadwy a gwaith cysylltiedig.

TIR YN HEOL Y DDERWEN, YSTRAD, PENTRE, CF41 7QQ

Datblygu 10 annedd fforddiadwy a gwaith cysylltiedig. TIR YN HEOL Y DDERWEN, YSTRAD, PENTRE, CF41 7QQ

(Nodwch: Ar yr adeg yma, datganodd Cynghorydd y Fwrdeistref Sirol S Emanuel fuddiant personol sy'n rhagfarnu ar gyfer y cais yma:

"Mae'r ymgeisydd, Trivallis, yn fy nghyflogi."

Felly, gadawodd y cyfarfod ar gyfer yr eitem yma ac ni chymerodd ran yn y ddadl na'r bleidlais.)

Yn unol â'r gweithdrefnau a gafodd eu mabwysiadu, derbyniodd y Pwyllgor Ms Abi Hawke (Asiant). Cafodd hi bum munud i gyflwyno'r cais wedi'i nodi uchod i'r Aelodau.

Cyflwynodd y Pennaeth Datblygu Mawr a Buddsoddi y cais i'r Pwyllgor ac ar ôl trafodaeth PENDERFYNWYD caniatáu’r cais yn unol ag argymhelliad y Cyfarwyddwr Gwasanaeth Materion Ffyniant a Datblygu. Roedd hyn yn ddarostyngedig i gwblhau cytundeb Adran 106 i sicrhau bod yr anheddau'n cael eu sefydlu a'u cynnal a'u cadw yn unedau fforddiadwy, i'r diben parhaus o ddiwallu anghenion tai lleol a nodwyd.

Cydymffurfio ag amod 34 (Strategaeth Datblygiad Cynaliadwy) o 10/0845/34 (i'r graddau ag y bo'n berthnasol i Gamau 3 a 4).

TIR AR HEN SAFLE GLO BRIG A THIR I'R GOGLEDD O'R A473, LLANILID (CAMAU 3 A 4)

Cydymffurfio ag amod 34 (Strategaeth Datblygiad Cynaliadwy) o 10/0845/34 (i'r graddau ag y bo'n berthnasol i Gamau 3 a 4). TIR AR HEN SAFLE GLO BRIG A THIR I'R GOGLEDD O'R A473, LLANILID (CAMAU 3 A 4)

(Nodwch: Dychwelodd Cynghorydd y Fwrdeistref Sirol S Emanuel i'r cyfarfod ar ddechrau'r eitem yma a gadawodd Cynghorydd y Fwrdeistref Sirol G Hughes y cyfarfod ar yr adeg yma ac ni ddychwelodd.)

(Nodwch: Ar ôl datgan buddiant yn y cais uchod, gadawodd Cynghorydd y Fwrdeistref Sirol W Lewis y cyfarfod ar gyfer yr eitem yma.)

Siaradodd yr Aelod Lleol, Cynghorydd y Fwrdeistref Sirol D Evans nad yw'n aelod o'r Pwyllgor, am y cais gan fynegi ei bryderon yngl?n â'r cais.

Cyflwynodd y Pennaeth Materion Cynllunio'r cais i'r Pwyllgor. Ar ôl trafod y cais, PENDERFYNWYD  cymeradwyo'r cais yn unol ag argymhelliad y Cyfarwyddwr Materion Ffyniant a Datblygu.

(Nodwch: Eiliwyd cynnig i ohirio'r cais ond methodd.)

Troi hen dafarndy'n fflatiau.

GWESTY'R FULL MOON, HEOL CAERDYDD, ABERAMAN, ABERDÂR, CF44 7HH

Troi hen dafarndy'n fflatiau. GWESTY'R FULL MOON, HEOL CAERDYDD, ABERAMAN, ABERDÂR, CF44 7HH

(Nodwch: Ar yr adeg yma, dychwelodd Cynghorydd y Fwrdeistref Sirol W Lewis i'r cyfarfod.)

Cyflwynodd y Pennaeth Datblygu Mawr a Buddsoddi'r cais uchod i'r Pwyllgor. Yn dilyn trafodaeth, PENDERFYNWYD cymeradwyo'r cais yn unol ag argymhelliad Cyfarwyddwr y Gwasanaeth Materion Ffyniant a Datblygu.

Estyniadau i greu gwesty â 10 gwely gyda bar, bwyty, mannau lles ac estyniad i'r maes parcio. Estyniad i gefn yr eiddo i gynnwys paneli solar (Derbyniwyd Arolwg Coed ar 05/06/23) (Derbyniwyd Gwerthusiad Ecolegol Rhagarweiniol ar 12/06/23) (Derbyniwyd Gwerthusiad Ecolegol Rhagarweiniol newydd ar 29/06/23) (Derbyniwyd Arolygon Ystlumod Ychwanegol ar 06/10/23)

GWESTY T?'R NAVIGATION, Y BASN, HEOL CILFYNYDD, ABERCYNON, ABERPENNAR, CF45 4RR

Estyniadau i greu gwesty â 10 gwely gyda bar, bwyty, mannau lles ac estyniad i'r maes parcio. Estyniad i gefn yr eiddo i gynnwys paneli solar (Derbyniwyd Arolwg Coed ar 05/06/23) (Derbyniwyd Gwerthusiad Ecolegol Rhagarweiniol ar 12/06/23) (Derbyniwyd Gwerthusiad Ecolegol Rhagarweiniol newydd ar 29/06/23) (Derbyniwyd Arolygon Ystlumod Ychwanegol ar 06/10/23) GWESTY NAVIGATION HOUSE, Y BASN, HEOL CILFYNYDD, ABERCYNON, ABERPENNAR, CF45 4RR

Cyflwynodd y Pennaeth Materion Cynllunio'r cais i'r Pwyllgor. Ar ôl trafod y cais, PENDERFYNWYD cymeradwyo'r cais yn unol ag argymhelliad y Cyfarwyddwr Materion Ffyniant a Datblygu.

Adeiladu parc sglefrio ar gyfer pob math o sglefrio – byrddau sglefrio, BMX, WCMX, sgwteri, ac ati, gyda gwaith tirlunio a draenio cysylltiedig.

PARC LLANHARI, HEOL LLANHARI, LLANHARI, PONT-Y-CLUN

Adeiladu parc sglefrio ar gyfer pob math o sglefrio – byrddau sglefrio, BMX, WCMX, sgwteri, ac ati, gyda gwaith tirlunio a draenio cysylltiedig. PARC LLANHARI, HEOL LLANHARI, LLANHARI, PONT-Y-CLUN

Cyflwynodd y Pennaeth Datblygu Mawr a Buddsoddi'r cais uchod i'r Pwyllgor. Yn dilyn trafodaeth, PENDERFYNWYD cymeradwyo'r cais yn unol ag argymhelliad Cyfarwyddwr y Gwasanaeth Materion Ffyniant a Datblygu.

Rhoi gwybod i Aelodau am y canlynol, ar gyfer y cyfnod 13/11/2023 – 01/12/2023.

Penderfyniadau Cynllunio a Gorfodi – Apeliadau a Dderbyniwyd.

Penderfyniadau Dirprwyedig – Ceisiadau wedi'u Cymeradwyo a'u Gwrthod gyda Rhesymau.

Trosolwg o Achosion Gorfodi.

Penderfyniadau Gorfodi Dirprwyedig.

PENDERFYNODD yr Aelodau dderbyn adroddiad y Cyfarwyddwr Gwasanaeth – Materion Cynllunio mewn perthynas â'r Penderfyniadau Cynllunio a Gorfodi – Apeliadau a Dderbyniwyd, Penderfyniadau Dirprwyedig – Ceisiadau wedi'u cymeradwyo a'u gwrthod gyda rhesymau, Trosolwg o Achosion Gorfodi a Phenderfyniadau Gorfodi Dirprwyedig ar gyfer y cyfnod rhwng 13/11/2023 a 01/12/2023.