Agenda a Chofnodion

Daeth ymddiheuriadau am absenoldeb gan Gynghorwyr y Fwrdeistref Sirol A Dennis, G Hughes ac W Lewis.

Derbyn datganiadau o fuddiannau personol gan Aelodau yn unol â'r Cod Ymddygiad.

Nodwch:

1.    Mae gofyn i Aelodau ddatgan rhif a phwnc yr agendwm mae eu buddiant yn ymwneud ag ef a mynegi natur y buddiant personol hwnnw; a

2.    Lle bo Aelodau'n ymneilltuo o'r cyfarfod o ganlyniad i ddatgelu buddiant sy'n rhagfarnu, rhaid iddyn nhw roi gwybod i'r Cadeirydd pan fyddan nhw'n gadael.

Yn unol â Chod Ymddygiad y Cyngor, ni wnaethpwyd unrhyw ddatganiadau mewn perthynas â'r Agenda.

Nodi y dylai Aelodau o'r Pwyllgor, wrth benderfynu materion rheoli datblygu ger eu bron, roi sylw i'r Cynllun Datblygu ac, i'r graddau y bo hynny yn berthnasol, i unrhyw ystyriaethau perthnasol eraill. Rhaid i Aelodau, wrth ddod i benderfyniadau, sicrhau nad ydyn nhw'n gweithredu mewn modd sy'n anghyson â'r Confensiwn ar Hawliau Dynol fel y'i hymgorfforwyd mewn deddfwriaeth gan Ddeddf Hawliau Dynol 1998.

PENDERFYNWYD nodi y dylai Aelodau o'r Pwyllgor, wrth benderfynu ar faterion rheoli datblygu ger eu bron, roi sylw i'r Cynllun Datblygu ac, i'r graddau y bo hynny yn berthnasol, i unrhyw ystyriaethau perthnasol eraill. Rhaid i Aelodau, wrth ddod i benderfyniadau, sicrhau nad ydyn nhw'n gweithredu mewn modd sy'n anghyson â'r Confensiwn Ewropeaidd ar Hawliau Dynol fel y'i hymgorfforwyd mewn deddfwriaeth gan Ddeddf Hawliau Dynol 1998.

Nodi bod Deddf Llesiant Cenedlaethau’r Dyfodol (Cymru) 2015 yn gosod dyletswydd ar gyrff cyhoeddus i gynnal datblygiadau cynaliadwy yn unol â'r egwyddor datblygu cynaliadwy, ac i weithredu mewn modd sy'n anelu at sicrhau y caiff anghenion y presennol eu diwallu heb amharu ar allu cenedlaethau'r dyfodol i ddiwallu eu hanghenion hwythau.

PENDERFYNWYD nodi bod Deddf Llesiant Cenedlaethau'r Dyfodol (Cymru) 2015 yn gosod dyletswydd ar gyrff cyhoeddus i gynnal datblygiadau cynaliadwy yn unol â'r egwyddor datblygu cynaliadwy, ac i weithredu mewn modd sy'n anelu at sicrhau y caiff anghenion y presennol eu diwallu heb amharu ar allu cenedlaethau'r dyfodol i ddiwallu eu hanghenion nhw.

Cadarnhau cofnodion cyfarfod y Pwyllgor Cynllunio a Datblygu a gynhaliwyd ar 20 Gorffennaf 2023 yn rhai cywir.

PENDERFYNWYD cadarnhau'r cofnodion o gyfarfod y Pwyllgor Cynllunio a Datblygu a gynhaliwyd ar 20.07.23 yn rhai cywir.

Cytunodd y Pwyllgor y byddai'r agenda yn cael ei hystyried mewn trefn wahanol yn unol â'r manylion yn y cofnodion isod.

Amrywio amod 1 o ganiatâd cynllunio 15/1635/10 - ychwanegu blwyddyn at y terfyn amser ar gyfer dechrau datblygu (Derbyniwyd Nodyn Gwybodaeth am Ddraenio 10/02/23, Diwygiad 2 - 10/07/23, ar 16/06/23).

FFERM LLWYNCELYN, LÔN HAFOD, PORTH, CF39 9UE

Amrywio Amod 1 o ganiatâd cynllunio rhif 15/1635/10 – ymestyn y terfyn amser ar gyfer cychwyn y gwaith datblygu am flwyddyn ychwanegol (Nodyn Gwybodaeth Draenio 10/02/23 Diwygiad 2 – 10/07/23, derbyniwyd 16/06/23). FFERM LLWYNCELYN, LÔN HAFOD, Y PORTH, CF39 9UE

Yn unol â'r gweithdrefnau a gafodd eu mabwysiadu, derbyniodd y Pwyllgor y siaradwyr cyhoeddus canlynol a gafodd bum munud yr un i annerch yr Aelodau yngl?n â'r cynnig uchod:

-Mr Rob Griffiths (Asiant)

-Mr Philip Thomas (Gwrthwynebydd)

-Mr Steve Jones (Gwrthwynebydd)

Arferodd yr Asiant, Mr Rob Griffiths, yr hawl i ymateb i'r sylwadau a wnaed gan y gwrthwynebydd.

Siaradodd yr Aelod Lleol, Cynghorydd y Fwrdeistref Sirol J Edwards, nad yw'n aelod o'r Pwyllgor, am y cais gan fynegi ei phryderon yngl?n â'r datblygiad arfaethedig.

Cyflwynodd Arweinydd y Garfan Ceisiadau Cynllunio y cais i'r Pwyllgor ac ar ôl trafod y cais,PENDERFYNWYD gohirio penderfynu ar y cais tan gyfarfod y Pwyllgor Cynllunio a Datblygu yn y dyfodol er mwyn casglu rhagor o wybodaeth am ddraenio, y llwybr posibl ar gyfer ceblau a'r effaith posibl ar y domen, ac am ragor o wybodaeth am yr effaith weledol ar yr ardal leol.

Adeiladu a gweithredu hyd at 14 o dyrbinau gwynt a seilwaith cysylltiedig gan gynnwys: ardaloedd llawr caled i gynnwys sylfeini tyrbinau, ardal ar gyfer craeniau a man storio, gydag ystyriaeth i’r broses o bennu lleoliad; is-orsaf drydanol ac adeilad rheoli gyda cheblau p?er tanddaearol; llwybr mynediad newydd yn cysylltu â'r A472; llwybrau mynediad ar y safle gyda phiblinellau a chroesfannau cwrs d?r; pwll (pyllau) benthyg; mast mesur y gwynt; safle adeiladu a storio dros dro gyda mannau storio cysylltiedig ger mynedfa'r safle; ardal rheoli cynefinoedd; a gwaith oddi ar y safle ar gyfer cerbydau nwyddau sy'n wahanol i'r arfer megis adeiladu mannau gor-redeg ac addasiadau dros dro i gelfi stryd.

TIR I'R GOGLEDD O SENGHENYDD, CAERFFILI, I'W ADNABOD FEL PARC YNNI TWYN HYWEL

Adeiladu a gweithredu hyd at 14 o dyrbinau gwynt a'r seilwaith cysylltiedig, gan gynnwys: gosod mannau llawr caled gan gynnwys sylfeini ar gyfer y tyrbinau, llawr caled ar gyfer craen a man gosod a storio, gyda dyraniad o'r tir ar gyfer gwaith microleoli cysylltiedig (dewis lleoliad penodol ar gyfer tyrbinau gwynt); is-orsaf drydanol ac adeilad rheoli gyda cheblau trydan tanddaearol; llwybr mynediad newydd sy'n cysylltu â'r A472; traciau mynediad ar y safle gyda phiblinellau a chroesfannau cwrs d?r; pwll/pyllau benthyg; mast ar gyfer anemomedr; caeadle ar gyfer adeiladu a storio offer dros dro gyda mannau gosod cysylltiedig ger mynedfa'r safle; ardal rheoli cynefin; a gwaith oddi ar y safle i hwyluso symud llwythi anghyffredin megis adeiladu mannau gor-redeg ac addasiadau dros dro i gelfi stryd. TIR I'R GOGLEDD O SENGHENYDD, CAERFFILI A FYDD YN CAEL EI ADNABOD FEL PARC YNNI TWYN HYWEL

Aelodau nad sy'n rhan o'r pwyllgor/Aelodau Lleol – siaradodd Cynghorwyr y Fwrdeistref Sirol C Lisles, H Gronow a D Wood yngl?n â'r cais a chyflwyno eu pryderon ynghylch y cynnig.

Cyflwynodd y Pennaeth Datblygu Mawr a Buddsoddi Adroddiad y Cyngor ar yr Effaith Leol i'r Pwyllgor ac ar ôl ei ystyried PENDERFYNWYD cymeradwyo'r Adroddiad ar yr Effaith Leol yn unol ag argymhelliad Cyfarwyddwr y Gwasanaeth Materion Ffyniant a Datblygu yn amodol ar lythyr adendwm yn amlinellu'r pryderon a godwyd gan yr Aelodau yn ystod y ddadl.

Newid defnydd o d? amlfeddiannaeth (defnydd C4) i gartref i blant a gwaith cysylltiedig. (Derbyniwyd cynllun lleoliad safle diwygiedig ar 08/06/2023)

37 STRYD ELISABETH, ABERDÂR, CF44 7LN

Newid defnydd o D? Amlfeddiannaeth (defnydd C4) i Gartref Plant a gwaith cysylltiedig. (Cynllun Lleoliad Safle Diwygiedig wedi dod i law ar 08/06/2023) 37 STRYD ELISABETH, ABERDÂR, CF44 7LN

Yn unol â'r gweithdrefnau a gafodd eu mabwysiadu, derbyniodd y Pwyllgor Ms L Hughson-Smith (Asiant). Cafodd hi bum munud i gyflwyno'r cais i'r Aelodau.

Siaradodd yr Aelod Lleol, Cynghorydd y Fwrdeistref Sirol S Bradwick, nad yw'n aelod o'r Pwyllgor, am y cais gan fynegi ei bryderon yngl?n â'r datblygiad arfaethedig.

Darllenodd y Pennaeth Datblygu Mawr a Buddsoddi gynnwys llythyr 'hwyr' a gyflwynwyd gan Swyddog Cymorth Cymunedol yr Heddlu lleol yn amlinellu pryderon ynghylch y gwaith datblygu arfaethedig.

Cyflwynodd y Pennaeth Datblygu Mawr a Buddsoddi ei gais i'r Pwyllgor ac, yn dilyn trafodaeth, penderfynodd yr Aelodau wrthod y cais uchod, yn groes i argymhelliad Cyfarwyddwr y Gwasanaeth Materion Ffyniant a Datblygu. Roedd hyn am fod yr Aelodau o'r farn y byddai'r datblygiad yn cael effaith andwyol o ran diffyg amwynder i breswylwyr a diffyg mannau parcio i staff. O ganlyniad i hynny, cai'r mater ei ohirio tan y cyfarfod priodol nesaf o'r Pwyllgor Cynllunio a Datblygu fel bod modd derbyn adroddiad gan y Cyfarwyddwr Gwasanaeth Materion Ffyniant a Datblygu, a gaiff ei lunio drwy ymgynghori â Chyfarwyddwr y Gwasanaethau Cyfreithiol yn ôl yr angen. Bydd yr adroddiad yn tynnu sylw at y cryfderau a'r gwendidau posibl sydd ynghlwm â dod i benderfyniad yn groes i argymhelliad Swyddog, neu unrhyw reswm arfaethedig neu reswm cynllunio dros ddod i benderfyniad o'r fath.

Dymchwel adeiladau presennol ac adeiladu cartref gofal preswyl arbenigol ag 16 ystafell wely (dosbarth defnydd C2) a gwaith cysylltiedig

TIR Y TU ÔL I RIFAU 15 AC 16 FFORDD Y RHIGOS, HIRWAUN, ABERDÂR, CF44 9PS

Dymchwel adeiladau presennol ac adeiladu cartref gofal preswyl arbenigol ag 16 ystafell wely (dosbarth defnydd cynllunio C2) a gwaith cysylltiedig. TIR Y TU ÔL I RIFAU 15 AC 16 FFORDD Y RHIGOS, HIRWAUN, ABERDÂR, CF44 9PS

Yn unol â'r gweithdrefnau a gafodd eu mabwysiadu, derbyniodd y Pwyllgor Ms L Hughson-Smith (Asiant). Cafodd hi bum munud i gyflwyno'r cais i'r Aelodau.

Cyflwynodd y Pennaeth Datblygu Mawr a Buddsoddi y cais a gafodd ei gyflwyno'n wreiddiol i'r Pwyllgor ar 20 Gorffennaf 2023 pan benderfynodd yr Aelodau ohirio'r cais er mwyn caniatáu trafodaethau pellach rhwng Cyfarwyddwr y Gwasanaeth Materion Cynllunio a'r Ymgeisydd ynghylch manylion y cais (Cofnod rhif 47).

Cyflwynodd y Pennaeth Datblygu Mawr a Buddsoddi fanylion y cais diwygiedig i'r Pwyllgor. Ar ôl trafod y cais, PENDERFYNWYD cymeradwyo'r cais yn unol ag argymhelliad Cyfarwyddwr y Gwasanaeth Materion Ffyniant a Datblygu, yn amodol ar yr Amodau diwygiedig sydd wedi'u nodi yn yr adroddiad.

Estyniad i ystafelloedd newid traddodiadol presennol wedi’u hadeiladu o frics/blociau. (Derbyniwyd Arolwg Ystlumod ac Adar ar 07/11/22) (Derbyniwyd Arolwg Gweithgarwch Ystlumod ar 14/07/23)

YSTAELLOEDD NEWID PENYRENGLYN, STRYD BAGLAN, TREHERBERT, TREORCI, CF42 5AW

Estyniad i adeiladau ystafelloedd newid traddodiadol brics/bloc. (Arolwg Ystlumod ac Adar wedi dod i law ar 07/11/22) (Arolwg Gweithgaredd Ystlumod wedi dod i law ar 14/07/23) YSTAFELLOEDD NEWID PENYRENGLYN, STRYD BAGLAN, TREHERBERT, TREORCI, CF42 5AW

Cyflwynodd yr Uwch Swyddog Cynllunio'r cais i'r Pwyllgor. Ar ôl trafod y cais, PENDERFYNWYD cymeradwyo'r cais yn unol ag argymhelliad Cyfarwyddwr y Gwasanaeth Materion Ffyniant a Datblygu.

Newid defnydd o gartref preswyl i gartref gofal i blant (C2)

41 HEOL Y COED, TREFFOREST, PONTYPRIDD, CF37 1RH

Newid defnydd t? preswyl i fod yn gartref gofal i blant (C2)

41 HEOL Y COED, TREFFOREST, PONTYPRIDD, CF37 1RH

Cyflwynodd y Pennaeth Datblygu Mawr a Buddsoddi ei gais i'r Pwyllgor ac, yn dilyn trafodaeth, penderfynodd yr Aelodau wrthod y cais uchod, yn groes i argymhelliad Cyfarwyddwr y Gwasanaeth Materion Ffyniant a Datblygu. Roedd hyn am fod yr Aelodau o'r farn bod diffyg gofod ar gyfer parcio ac amwynder, ac y byddai'r datblygiad yn cael effaith andwyol ar y gymuned leol.

O ganlyniad i hynny, cai'r mater ei ohirio tan y cyfarfod priodol nesaf o'r Pwyllgor Cynllunio a Datblygu fel bod modd derbyn adroddiad gan Gyfarwyddwr y Gwasanaeth Materion Ffyniant a Datblygu, a gaiff ei lunio drwy ymgynghori â Chyfarwyddwr y Gwasanaethau Cyfreithiol yn ôl yr angen. Bydd yr adroddiad yn tynnu sylw at y cryfderau a'r gwendidau posibl sydd ynghlwm â dod i benderfyniad yn groes i argymhelliad Swyddog, neu unrhyw reswm arfaethedig neu reswm cynllunio dros ddod i benderfyniad o'r fath.

Datblygiad arfaethedig o ddwy annedd, maes parcio a gwaith cysylltiedig.

TIR GWAG YN STRYD WILLIAM, YSTRAD, PENTRE

Cynllun arfaethedig i adeiladu dwy annedd, maes parcio a gwaith cysylltiedig. TIR GWAG AR STRYD WILLIAM, YSTRAD, PENTRE

Amlinellodd y Pennaeth Datblygu Mawr a Buddsoddi gynnwys llythyr 'hwyr' a dderbyniwyd gan Mr G Chappell, a oedd yn gwrthwynebu'r cais.

Cyflwynodd y Pennaeth Datblygu Mawr a Buddsoddi'r cais uchod i'r Pwyllgor. Yn dilyn trafodaeth, PENDERFYNWYD cymeradwyo'r cais yn unol ag argymhelliad Cyfarwyddwr y Gwasanaeth Materion Ffyniant a Datblygu.

Cadw tirffurf yn barhaol a grëwyd trwy ddyddodi tua 19,700m3 o ddeunydd o dirlithriad Tylorstown, creu llwybr troed newydd yn cynnwys dwy bont droed, gwaith draenio ynghyd â gwaith tirlunio a mesurau lliniaru cynefinoedd/ecolegol a gwaith cysylltiedig.

TIR GYFERBYN Â PHARC BUSNES MAES-Y-DERI, GLYNRHEDYNOG

Cadw tirffurf a grëwyd gan tua 19,700m3 o ddyddodion yn dilyn tirlithriad Tylorstown yn barhaol, creu llwybr troed newydd a fydd yn cynnwys dwy bont droed, gwaith draenio, gwaith tirlunio, mesurau lliniaru effaith ar gynefinoedd a'r amgylchedd a gwaith cysylltiedig. TIR GYFERBYN Â PHARC BUSNES MAES-Y-DERI, GLYNRHEDYNOG

Cyflwynodd y Pennaeth Datblygu Mawr a Buddsoddi'r cais uchod i'r Pwyllgor. Yn dilyn trafodaeth, PENDERFYNWYD cymeradwyo'r cais yn unol ag argymhelliad Cyfarwyddwr y Gwasanaeth Materion Ffyniant a Datblygu.

Cadw tua 740m3 o ddeunydd yn barhaol o dirlithriad Tylorstown, gwaith tirlunio a mesurau lliniaru cynefinoedd/ecolegol a gwaith cysylltiedig.

TIR I'R DE O HEOL YR ORSAF, GLYNRHEDYNOG

Cadw tua 740m3 o ddyddodion yn barhaol o dirlithriad Tylorstown, gwaith tirlunio, mesurau lliniaru effaith ar gynefinoedd a'r amgylchedd a gwaith cysylltiedig. TIR I'R DE O HEOL YR ORSAF, GLYNRHEDYNOG

Cyflwynodd y Pennaeth Datblygu Mawr a Buddsoddi'r cais uchod i'r Pwyllgor. Yn dilyn trafodaeth, PENDERFYNWYD cymeradwyo'r cais yn unol ag argymhelliad Cyfarwyddwr y Gwasanaeth Materion Ffyniant a Datblygu.

Uned archebu coffi drwy ffenestr y car (Defnydd A1/A3 Cymysg) a gwaith cysylltiedig (Derbyniwyd disgrifiad diwygiedig a'r wybodaeth ddiweddaraf am ddosbarth defnydd ar 09/06/23)

ASDA STORES LTD, FFORDD TIRWAUN, CWM-BACH, ABERDÂR, CF44 0AH

Siop gwerthu coffi trwy ffenestr y car (Defnydd A1/A3 Cymysg) a gwaith cysylltiedig (Disgrifiad Diwygiedig a'r wybodaeth ddiweddaraf ar Ddosbarth Defnydd wedi dod i law ar 09/06/23) ASDA STORES LTD, FFORDD TIRWAUN, CWM-BACH, ABERDÂR, CF44 0AH

(Noder: Ar yr adeg yma yn y cyfarfod, datganodd Gynghorydd y Fwrdeistref Sirol J Elliott (Aelod nad sy'n rhan o'r pwyllgor/Aelod Lleol) fuddiant personol sy'n rhagfarnu yn ymwneud â'r cais.

"Rydw i'n byw yng Nghaeau Tirfounder sydd gerllaw'r datblygiad arfaethedig."

Siaradodd yr Aelod Lleol, Cynghorydd y Fwrdeistref Sirol J Elliot, nad yw'n aelod o'r Pwyllgor, am y cais gan fynegi ei bryderon yngl?n â'r datblygiad arfaethedig.

Cyflwynodd y Pennaeth Datblygu Mawr a Buddsoddi'r cais uchod i'r Pwyllgor. Yn dilyn trafodaeth, PENDERFYNWYD cymeradwyo'r cais yn unol ag argymhelliad Cyfarwyddwr y Gwasanaeth Materion Ffyniant a Datblygu.

Gosod poster digidol LED wedi'i oleuo'n fewnol yn lle'r poster hysbysebu wedi'i ôl-oleuo presennol.

THEATR Y COLISËWM, STRYD BRYN HYFRYD, TRECYNON, ABERDÂR CF44 8NG

Gosod poster digidol LED wedi'i oleuo'n fewnol yn lle poster hysbysebu statig ôl-oleuedig. THEATR Y COLISËWM, STRYD BRYN HYFRYD, TRECYNON, ABERDÂR, CF44 8NG

Cyflwynodd yr Uwch Swyddog Cynllunio'r cais i'r Pwyllgor. Ar ôl trafod y cais, PENDERFYNWYD  cymeradwyo'r cais yn unol ag argymhelliad Cyfarwyddwr y Gwasanaeth Materion Ffyniant a Datblygu.

Rhoi gwybod i Aelodau am y canlynol, ar gyfer y cyfnod 24/07/2023

– 04/08/2023.

Penderfyniadau Cynllunio a Gorfodi – Apeliadau a Dderbyniwyd.

Penderfyniadau Dirprwyedig – Ceisiadau wedi'u cymeradwyo a'u gwrthod gyda rhesymau.

Trosolwg o Achosion Gorfodi.

Penderfyniadau Gorfodi Dirprwyedig.

PENDERFYNODD yr Aelodau dderbyn adroddiad Cyfarwyddwr y Gwasanaeth Materion Cynllunio mewn perthynas â'r Penderfyniadau Apeliadau Cynllunio a Gorfodi a ddaeth i law, Cymeradwyaethau Penderfyniadau a Gwrthodiadau Dirprwyedig gyda rhesymau, Trosolwg o Achosion Gorfodi a Phenderfyniadau Gorfodi Dirprwyedig ar gyfer y cyfnod 24/07/2023 – 04/08/2023.