Agenda a Chofnodion

Daeth ymddiheuriadau am absenoldeb gan Gynghorwyr y Fwrdeistref Sirol D. Grehan a P. Jarman.

Derbyn datganiadau o fuddiannau personol gan Aelodau, yn unol â'r Cod Ymddygiad.

Nodwch:

1.     Mae gofyn i Aelodau ddatgan rhif a phwnc yr agendwm mae eu buddiant yn ymwneud ag ef a mynegi natur y buddiant personol hwnnw; a 

2.     Lle bo Aelodau'n ymneilltuo o'r cyfarfod o ganlyniad i ddatgelu buddiant sy'n rhagfarnu, mae rhaid iddyn nhw roi gwybod i'r Cadeirydd pan fyddan nhw'n gadael.

Yn unol â Chod Ymddygiad y Cyngor, ni wnaethpwyd unrhyw ddatganiadau mewn perthynas â'r Agenda.

Nodi y dylai Aelodau o'r Pwyllgor, wrth benderfynu materion rheoli datblygu ger eu bron, roi sylw i'r Cynllun Datblygu ac, i'r graddau y bo hynny yn berthnasol, i unrhyw ystyriaethau perthnasol eraill. Rhaid i Aelodau, wrth ddod i benderfyniadau, sicrhau nad ydyn nhw'n gweithredu mewn modd sy'n anghyson â'r Confensiwn ar Hawliau Dynol fel y'i hymgorfforwyd mewn deddfwriaeth gan Ddeddf Hawliau Dynol 1998.

PENDERFYNWYD nodi y dylai Aelodau o'r Pwyllgor, wrth benderfynu materion rheoli datblygu ger eu bron, roi sylw i'r Cynllun Datblygu ac, i'r graddau y bo hynny yn berthnasol, i unrhyw ystyriaethau perthnasol eraill. Rhaid i Aelodau, wrth ddod i benderfyniadau, sicrhau nad ydyn nhw'n gweithredu mewn modd sy'n anghyson â'r Confensiwn Ewropeaidd ar Hawliau Dynol fel y'i hymgorfforwyd mewn deddfwriaeth gan Ddeddf Hawliau Dynol 1998.

Nodi bod Deddf Llesiant Cenedlaethau’r Dyfodol (Cymru) 2015 yn gosod dyletswydd ar gyrff cyhoeddus i gynnal datblygiadau cynaliadwy yn unol â'r egwyddor datblygu cynaliadwy, ac i weithredu mewn modd sy'n anelu at sicrhau y caiff anghenion y presennol eu diwallu heb amharu ar allu cenedlaethau'r dyfodol i ddiwallu eu hanghenion hwythau.

PENDERFYNWYD nodi bod Deddf Llesiant Cenedlaethau'r Dyfodol (Cymru) 2015 yn gosod dyletswydd ar gyrff cyhoeddus i gynnal datblygiadau cynaliadwy yn unol â'r egwyddor datblygu cynaliadwy, ac i weithredu mewn modd sy'n anelu at sicrhau y caiff anghenion y presennol eu diwallu heb amharu ar allu cenedlaethau'r dyfodol i ddiwallu eu hanghenion hwythau.

Cadarnhau cofnodion o gyfarfod y Pwyllgor Cynllunio a Datblygu a gynhaliwyd ar 13 Ionawr 2022 yn rhai cywir.

PENDERFYNWYD cadarnhau'r cofnodion o gyfarfod y Pwyllgor Cynllunio a Datblygu a gynhaliwyd ar 13 Ionawr 2022 yn rhai cywir.

Troi'r garej ddwbl bresennol wrth y fynedfa i'r cytiau c?n yn dderbynfa, newid cynllun y maes parcio presennol (Derbyniwyd yr Adroddiad Ystlumod ar 7/1/22), Cytiau C?n Cynllan Lodge, Heol Llanhari, Llanhari, Pont-y-clun.

Cyflwynodd Pennaeth Materion Cynllunio'r cais i'r Pwyllgor. Ar ôl trafodaeth hir yngl?n â'r cais, PENDERFYNWYD cymeradwyo'r cais yn unol ag argymhelliad y Cyfarwyddwr - Materion Ffyniant a Datblygu, yn amodol ar atodi nodyn gwybodaeth i'r caniatâd cynllunio mewn perthynas â'r pryderon ynghylch cael gwared ar y gwrychoedd.

Cais am faterion wedi'u cadw'n ôl yn unol ag amod 9 o 19/0380/15 ar gyfer Cam 4 – dymchwel pont bresennol y rheilffordd ac adeiladu pont newydd gan gynnwys lifftiau, Gorsaf Drenau Ffynnon Taf, Heol Caerdydd, Ffynnon Taf, Caerdydd.

Cyflwynodd Pennaeth Materion Cynllunio'r cais i'r Pwyllgor. Ar ôl trafod y cais, PENDERFYNWYD cymeradwyo'r cais yn unol ag argymhelliad y Cyfarwyddwr Materion Ffyniant a Datblygu.

Annedd â thair ystafell wely, Tir ger 2 Heol Cas-gwent, Cwm-parc, Treorci.

Cyflwynodd Pennaeth Materion Datblygu Mawr a Buddsoddi'r cais uchod i'r Pwyllgor. Yn dilyn trafodaeth, PENDERFYNWYD cymeradwyo'r cais yn unol ag argymhelliad y Cyfarwyddwr Materion Ffyniant a Datblygu.

Adeiladu uned ddiwydiannol ysgafn (Dosbarth Defnydd B1) (Derbyniwyd Asesiad Risg Mwyngloddio Glo (CMRA) ar 07/12/2021), Uned G J M Upholstery Ltd, Uned 35, Ystad Ddiwydiannol Ynys-wen, Ynys-wen, Treherbert, Treorci.

Cyflwynodd Pennaeth Materion Datblygu Mawr a Buddsoddi'r cais uchod i'r Pwyllgor. Yn dilyn trafodaeth, PENDERFYNWYD cymeradwyo'r cais yn unol ag argymhelliad y Cyfarwyddwr Materion Ffyniant a Datblygu.

Newid defnydd garej/swyddfa gymeradwy i lety gwyliau â 2 ystafell wely gyda newidiadau, Fferm Gwrangon Isaf, Cwm Isaac, Rhigos, Aberdâr.

Cyflwynodd Pennaeth Materion Cynllunio'r cais i'r Pwyllgor ac yn dilyn trafodaeth PENDERFYNWYD cymeradwyo'r cais yn unol ag argymhelliad y Cyfarwyddwr Gwasanaeth Materion Ffyniant a Datblygu, yn amodol ar gwblhau cytundeb adran 106 sy'n golygu mai dim ond un o'r ddau ganiatâd cynllunio, naill ai 20/1243/10 (Trosi ysgubor i greu 2 uned Air B&B) neu 21/14751/0 (y cais cyfredol am 1 uned Air B&B â 2 ystafell wely) y mae modd ei weithredu.

Newid defnydd siop gardiau (Dosbarth A1) i siop gludfwyd (Dosbarth A3), 27B Stryd Rhydychen, Aberpennar.

Cyflwynodd Pennaeth Materion Datblygu Mawr a Buddsoddi'r cais uchod i'r Pwyllgor. Yn dilyn trafodaeth, PENDERFYNWYD cymeradwyo'r cais yn unol ag argymhelliad y Cyfarwyddwr Materion Ffyniant a Datblygu.

Datblygiad defnydd cymysg (gan gynnwys dymchwel rhan o adeilad) sy'n cynnwys man masnachol (swyddfa a manwerthu) a datblygiad preswyl (adeilad 5 llawr sydd â 52 fflat, 7 ohonyn nhw ar gyfer cynllun anawsterau dysgu yr Awdurdod Lleol), man troi newydd, draenio, tirweddu, maes parcio, gwasanaethu, a gwaith cysylltiedig (Derbyniwyd yr Asesiad Risg Mwyngloddio Glo diweddaraf ar 15/12/21, yr Asesiad Ecolegol Rhagarweiniol a'r Adroddiad Arolwg Ystlumod diweddaraf ar 28/01/22 a'r Asesiad Effaith S?n diweddaraf ar 01/02/22), Hen Co-Operative, Stryd Dunraven, Tonypandy.

Cyflwynodd Pennaeth Materion Datblygu Mawr a Buddsoddi'r cais i'r Pwyllgor ac yn dilyn trafodaeth, PENDERFYNWYD cymeradwyo'r cais yn unol ag argymhelliad y Cyfarwyddwr - Materion Ffyniant a Datblygu yn ddarostyngedig i gytundeb Adran 106 i sicrhau bod yr anheddau'n cael eu sefydlu a'u cynnal a'u cadw fel unedau fforddiadwy am byth, i'r diben parhaus o ddiwallu anghenion tai lleol a nodwyd.

Datblygiad arfaethedig o unedau Dosbarth B2 a/neu Ddosbarth B8, mynediad, maes parcio, tirweddu a gwaith cysylltiedig Plot F, Dolydd Felindre, Parc Technoleg Pencoed, Llanharan, Pen-y-bont ar Ogwr.

Cyflwynodd Pennaeth Materion Cynllunio’r cais i'r Pwyllgor. Ar ôl trafod y cais, PENDERFYNWYD cymeradwyo'r cais yn unol ag argymhelliad y Cyfarwyddwr Materion Ffyniant a Datblygu.

Garej ddomestig ar wahân i gefn eiddo, 33 Stryd y Wern, Cwm Clydach, Tonypandy.

Roedd Cynghorwyr y Fwrdeistref Sirol G Hughes ac W Lewis wedi datgan buddiant personol a buddiant sy'n rhagfarnu mewn perthynas â Chais 22/0114 gan adael y cyfarfod ar gyfer yr eitem yma:

"Mae gen i berthynas agos gyda'r ymgeisydd, Cynghorydd y Fwrdeistref Sirol M. Norris"

Cyflwynodd Pennaeth Materion Cynllunio'r cais i'r Pwyllgor. Ar ôl trafod y cais, PENDERFYNWYD cymeradwyo'r cais yn unol ag argymhelliad y Cyfarwyddwr Materion Ffyniant a Datblygu.

Rhoi gwybod i'r Aelodau am y canlynol, am y cyfnod 31/01/2022 – 11/02/2022.

Penderfyniadau Cynllunio a Gorfodi – Apeliadau a Dderbyniwyd.

Penderfyniadau Dirprwyedig, Ceisiadau wedi'u Cymeradwyo a'u Gwrthod gyda Rhesymau.

Trosolwg o Achosion Gorfodaeth.

Gorfodi Penderfyniadau Dirprwyedig.

PENDERFYNODD yr Aelodau dderbyn adroddiad y Cyfarwyddwr Gwasanaeth – Materion Cynllunio mewn perthynas â'r Penderfyniadau Apeliadau Cynllunio a Gorfodi a ddaeth i law, Cymeradwyaethau Penderfyniadau a Gwrthodiadau Dirprwyedig gyda rhesymau, Trosolwg o Achosion Gorfodi a Phenderfyniadau Gorfodi Dirprwyedig ar gyfer y cyfnod XXXX i XXXX.