Agenda a Chofnodion

Daeth ymddiheuriadau am absenoldeb gan Gynghorydd y Fwrdeistref Sirol W Lewis.

Derbyn datganiadau o fuddiannau personol gan Aelodau, yn unol â'r Cod Ymddygiad.

Nodwch:

1.     Mae gofyn i Aelodau ddatgan rhif a phwnc yr agendwm mae eu buddiant yn ymwneud ag ef a mynegi natur y buddiant personol hwnnw; a

2.     Lle bo Aelodau'n ymneilltuo o'r cyfarfod o ganlyniad i ddatgelu buddiant sy'n rhagfarnu, mae rhaid iddyn nhw roi gwybod i'r Cadeirydd pan fyddan nhw'n gadael.

Yn unol â Chod Ymddygiad y Cyngor, cafodd y datganiadau o fuddiant canlynol eu gwneud:

1)    Datganodd Cynghorydd y Fwrdeistref Sirol M Webber fuddiant personol mewn perthynas â Chais 21/1517 – Ysgol gynradd cyfrwng Cymraeg newydd, ardal gemau aml-ddefnydd, cae chwaraeon, maes parcio, gwaith tirlunio, a gwaith seilwaith cysylltiedig (derbyniwyd asesiad trafnidiaeth diwygiedig, cynllun teithio a chynllun fesul cam, yn ogystal ag asesiad Llwybrau Diogel i'r Ysgol, ar 28 Ionawr 2022). YSGOL GYNRADD HEOL Y CELYN, STRYD Y CELYN, RHYDFELEN, PONTYPRIDD, CF37 5DB

“Rydw i'n llywodraethwr ar gorff llywodraethu Ysgol Gynradd Heol y Celyn ac ar gorff llywodraethu dros dro yr ysgol gynradd cyfrwng Cymraeg newydd arfaethedig”

2)    Datganodd Cynghorydd y Fwrdeistref Sirol P Jarman fuddiant personol mewn perthynas â Chais 21/0783 – Caniatâd Adeilad Rhestredig (LBC) ar gyfer gwaith trosi capel yn annedd, stiwdio gelf/ffilmiau, CAPEL SILOA, Y STRYD LAS, GADLYS, ABERDÂR; a Chais 21/0784 – Newid defnydd o gapel i annedd, stiwdio gelf/ffilmiau. CAPEL SILOA, Y STRYD LAS, GADLYS, ABERDÂR

“Rydw i'n adnabod y siaradwr cyhoeddus.”

Nodi y dylai Aelodau o'r Pwyllgor, wrth benderfynu materion rheoli datblygu ger eu bron, roi sylw i'r Cynllun Datblygu ac, i'r graddau y bo hynny yn berthnasol, i unrhyw ystyriaethau perthnasol eraill. Rhaid i Aelodau, wrth ddod i benderfyniadau, sicrhau nad ydyn nhw'n gweithredu mewn modd sy'n anghyson â'r Confensiwn ar Hawliau Dynol fel y'i hymgorfforwyd mewn deddfwriaeth gan Ddeddf Hawliau Dynol 1998.

PENDERFYNWYD nodi y dylai Aelodau o'r Pwyllgor, wrth benderfynu ar faterion rheoli datblygu ger eu bron, roi sylw i'r Cynllun Datblygu ac, i'r graddau y bo hynny yn berthnasol, i unrhyw ystyriaethau perthnasol eraill. Rhaid i Aelodau, wrth ddod i benderfyniadau, sicrhau nad ydyn nhw'n gweithredu mewn modd sy'n anghyson â'r Confensiwn ar Hawliau Dynol fel y'i hymgorfforwyd mewn deddfwriaeth gan Ddeddf Hawliau Dynol 1998.

Nodi bod Deddf Llesiant Cenedlaethau’r Dyfodol (Cymru) 2015 yn gosod dyletswydd ar gyrff cyhoeddus i gynnal datblygiadau cynaliadwy yn unol â'r egwyddor datblygu cynaliadwy, ac i weithredu mewn modd sy'n anelu at sicrhau y caiff anghenion y presennol eu diwallu heb amharu ar allu cenedlaethau'r dyfodol i ddiwallu eu hanghenion hwythau.

PENDERFYNWYD nodi bod Deddf Llesiant Cenedlaethau'r Dyfodol (Cymru) 2015 yn gosod dyletswydd ar gyrff cyhoeddus i gynnal datblygiadau cynaliadwy yn unol â'r egwyddor datblygu cynaliadwy, ac i weithredu mewn modd sy'n anelu at sicrhau y caiff anghenion y presennol eu diwallu heb amharu ar allu cenedlaethau'r dyfodol i ddiwallu eu hanghenion nhw.

Cymeradwyo cofnodion cyfarfod y Pwyllgor Cynllunio a Datblygu a gynhaliwyd ar 24 Chwefror 2022 yn rhai cywir.

PENDERFYNWYD  cadarnhau'r cofnodion o gyfarfod y Pwyllgor Cynllunio a Datblygu a gynhaliwyd ar 24 Chwefror, 2022 yn rhai cywir. 

Cytunodd y Pwyllgor y byddai'r agenda yn cael ei ystyried mewn trefn wahanol yn unol â'r manylion yn y cofnodion isod.

Caniatâd Adeilad Rhestredig (LBC) ar gyfer gwaith trosi capel yn annedd, stiwdio gelf/ffilmiau. CAPEL SILOA, Y STRYD LAS, GADLYS, ABERDÂR

Caniatâd adeilad rhestredig (LBC) ar gyfer gwaith trosi capel yn annedd, stiwdio gelf/ffilmiau, CAPEL SILOA, Y STRYD LAS, GADLYS, ABERDÂR.

Nododd y Pwyllgor nad oedd David Leslie Davies, a oedd wedi gofyn am gael annerch yr Aelodau yngl?n â'r cais, yn bresennol i wneud hynny.

Cyflwynodd y Pennaeth Materion Datblygu a Buddsoddi Sylweddol y cais i'r Pwyllgor. Yn dilyn trafodaeth, PENDERFYNWYD cymeradwyo'r cais yn unol ag argymhelliad y Cyfarwyddwr - Materion Ffyniant a Datblygu, yn amodol ar atgyfeiriad cadarnhaol at CADW.

Newid defnydd o gapel i annedd, stiwdio gelf/ffilmiau. CAPEL SILOA, Y STRYD LAS, GADLYS, ABERDÂR

Newid defnydd o gapel i annedd, stiwdio gelf/ffilmiau. CAPEL SILOA, Y STRYD LAS, GADLYS, ABERDÂR.

Cyflwynodd y Pennaeth Materion Datblygu a Buddsoddi Sylweddol y cais i'r Pwyllgor. Yn dilyn trafodaeth, PENDERFYNWYD cymeradwyo'r cais yn unol ag argymhelliad y Cyfarwyddwr - Materion Ffyniant a Datblygu.

Ysgol gynradd cyfrwng Cymraeg newydd, ardal gemau aml-ddefnydd, cae chwaraeon, maes parcio, gwaith tirweddu, a gwaith seilwaith cysylltiedig (derbyniwyd asesiad trafnidiaeth diwygiedig, cynllun teithio a chynllun fesul cam, yn ogystal ag asesiad Llwybrau Diogel i'r Ysgol, ar 28 Ionawr 2022). YSGOL GYNRADD HEOL Y CELYN, STRYD Y CELYN, RHYDFELEN, PONTYPRIDD, CF37 5DB

Ysgol gynradd cyfrwng Cymraeg newydd, ardal gemau aml-ddefnydd, cae chwaraeon, maes parcio, gwaith tirlunio, a gwaith seilwaith cysylltiedig (derbyniwyd asesiad trafnidiaeth diwygiedig, cynllun teithio a chynllun fesul cam, yn ogystal ag asesiad Llwybrau Diogel i'r Ysgol, ar 28 Ionawr 2022). YSGOL GYNRADD HEOL Y CELYN, STRYD Y CELYN, RHYDFELEN, PONTYPRIDD, CF37 5DB.

Yn unol â'r gweithdrefnau a gafodd eu mabwysiadu, derbyniodd y Pwyllgor Cathy Lisles (Gwrthwynebydd). Cafodd bum munud i annerch yr Aelodau yngl?n â'r cynnig uchod.

Siaradodd yr Aelod Lleol, Cynghorydd y Fwrdeistref Sirol M Webber, nad yw'n aelod o'r Pwyllgor, am y cais gan fynegi cefnogaeth o'r datblygiad arfaethedig.

Cyflwynodd Pennaeth Materion Cynllunio y cais i'r Pwyllgor. Ar ôl trafod y cais, PENDERFYNWYD cymeradwyo'r cais yn unol ag argymhelliad y Cyfarwyddwr Materion Ffyniant a Datblygu.

Ar yr adeg yma, datganodd y Cynghorydd J Barton fuddiant personol mewn perthynas â Chais 21/1517:

“Rydw i'n adnabod y siaradwr cyhoeddus, Cathy Lisles.”

Campfa ac adeiladau'r 6ed dosbarth arfaethedig, dymchwel 4 adeilad, maes parcio newydd, a gwaith seilwaith a thirweddu cysylltiedig. YSGOL GYFUN BRYNCELYNNOG, HEOL PENYCOEDCAE, BEDDAU, PONTYPRIDD, CF38 2AE

Campfa ac adeiladau'r 6ed dosbarth arfaethedig, dymchwel 4 adeilad, maes parcio newydd, a gwaith seilwaith a thirlunio cysylltiedig. YSGOL GYFUN BRYNCELYNNOG, HEOL PENYCOEDCAE, BEDDAU, PONTYPRIDD, CF38 2AE.

Yn unol â'r gweithdrefnau a gafodd eu mabwysiadu, derbyniodd y Pwyllgor Cathy Lisles (Gwrthwynebydd). Cafodd bum munud i annerch yr Aelodau yngl?n â'r cynnig uchod.

Siaradodd yr Aelod Lleol, Cynghorydd y Fwrdeistref Sirol R Yeo, nad yw'n aelod o'r Pwyllgor, am y cais gan fynegi cefnogaeth o'r datblygiad arfaethedig.

Cyflwynodd y Pennaeth Materion Datblygu a Buddsoddi Sylweddol y cais i'r Pwyllgor. Yn dilyn trafodaeth, PENDERFYNWYD cymeradwyo'r cais yn unol ag argymhelliad y Cyfarwyddwr - Materion Ffyniant a Datblygu.

Ar yr adeg yma, datganodd y Cynghorydd J Barton fuddiant personol mewn perthynas â Chais 21/0028:

“Rydw i'n Gadeirydd Corff Llywodraethu Ysgol Gynradd Gymraeg Castellau sy'n agos i'r datblygiad arfaethedig.”

Gwaith arfaethedig i adeiladu 5 uned storio/dosbarthu Dosbarth B8 (Derbyniwyd cynlluniau diwygiedig ar 20/12/21). M AND M GARAGES, FFORDD BLEDDYN, FFYNNON TAF, CAERDYDD, CF15 7QR

Gwaith arfaethedig i adeiladu 5 uned storio/dosbarthu Dosbarth B8 (Derbyniwyd cynlluniau diwygiedig ar 20/12/21). M AND M GARAGES, FFORDD BLEDDYN, FFYNNON TAF, CAERDYDD, CF15 7QR.

Cyflwynodd Pennaeth Materion Cynllunio y cais i'r Pwyllgor. Ar ôl trafod y cais, PENDERFYNWYD cymeradwyo'r cais yn unol ag argymhelliad y Cyfarwyddwr Materion Ffyniant a Datblygu.

(Nodwch: Ar yr adeg yma, gadawodd Cynghorydd y Fwrdeistref Sirol J. Barton y cyfarfod 16:09))

Pont droed newydd arfaethedig i gymryd lle pont droed bresennol Castle Inn. (LBC 21/0714/11) PONT DROED CASTLE INN, STRYD Y CASTELL, TREFFOREST,

PONTYPRIDD

Pont droed newydd arfaethedig i gymryd lle pont droed bresennol Castle Inn. (LBC 21/0714/11) PONT DROED CASTLE INN, STRYD Y CASTELL, TREFFOREST, PONTYPRIDD.

Cyflwynodd y Pennaeth Materion Cynllunio y cais i'r Pwyllgor. Ar ôl trafod y cais, PENDERFYNWYD cymeradwyo'r cais yn unol ag argymhelliad y Cyfarwyddwr - Materion Ffyniant a Datblygu, yn amodol ar newid Amodau 2 a 6 i'r canlynol:

2.      Bydd y datblygiad sy'n cael ei gymeradwyo drwy hyn yn cael ei gyflawni yn unol â'r cynlluniau wedi eu cymeradwyo:

·                 Cynllun safle'r lleoliad, darlun rhif: GC3913-RED-01-XX-DR-S-0100, Diwygiad T01;

·                 Cynllun Trefniant Cyffredinol Presennol, rhif y dyluniad GC3913-RED-01-XX-DR-S-0101, Diwygiad T01;

·                 Pont Arfaethedig – Trefniant Cyffredinol, rhif y dyluniad GC3913-RED-01-XX-DR-S-0103, Diwygiad T01;

·                 Wal Hyfforddi'r De-ddwyrain – Cynllun Trefniant Cyffredinol Arfaethedig, rhif y dyluniad GC3913-RED-01-RW-DR-S-0102, Diwygiad T01;

·                 PONT CASTLE INN, ADRODDIAD AROLWG YSTLUMOD, Lluniwyd gan Redstart, Medi 2021, a

·                 Pont Castle Inn, Trefforest, ADRODDIAD AROLWG DYFRGWN, Lluniwyd gan Redstart, Medi 2021

Rheswm: Sicrhau cydymffurfio â'r cynlluniau a'r dogfennau wedi eu cymeradwyo a diffinio ffiniau'r caniatâd yn glir.

6.       Yn ogystal â'r Cynllun Rheoli Amgylcheddol Gwaith Adeiladu (CEMP) y cyfeiriwyd ato yn amod 5, ni chaniateir gweithgareddau ar wely'r afon yn ystod y cyfnod gwahardd oherwydd silio pysgod (15 Hydref tan 15 Mai) heb gyflwyno cymeradwyaeth ysgrifenedig Cyfoeth Naturiol Cymru (CNC) i'r Awdurdod Cynllunio Lleol.

Rheswm: Gwella a darparu diogelwch ar gyfer rhywogaethau planhigion ac anifeiliaid yn unol â Pholisïau AW5 ac AW8, Cynllun Datblygu Lleol Rhondda Cynon Taf.

Cymeradwyo holl faterion wedi'u cadw'n ôl ar gyfer datblygiad diwydiannol a gweithgynhyrchu yn Llain C5. LLAIN C5 SAFLE CYFLOGAETH STRATEGOL COED-ELÁI, HEOL CWM ELÁI, COED-ELÁI, TONYREFAIL

Cymeradwyo holl faterion wedi'u cadw'n ôl ar gyfer datblygiad diwydiannol a gweithgynhyrchu yn Llain C5. LLAIN C5, SAFLE CYFLOGAETH STRATEGOL COED-ELÁI, HEOL CWM ELÁI, COED-ELÁI, TONYREFAIL.

Cyflwynodd y Pennaeth Materion Cynllunio y cais i'r Pwyllgor. Ar ôl trafod y cais, PENDERFYNWYD cymeradwyo'r cais yn unol ag argymhelliad y Cyfarwyddwr - Materion Ffyniant a Datblygu, yn amodol ar newid Amod 2 i:

Er gwaethaf y manylion sydd i'w gweld ar y cynlluniau sy’n cael eu cymeradwyo drwy hyn, bydd manylion pellach ynghylch gwaith tirlunio'r safle, sy’n ystyried gohebiaeth gan ecolegydd y Cyngor dyddiedig 18 Chwefror 2022, yn cael eu cyflwyno i'r Awdurdod Cynllunio Lleol a'u cymeradwyo ganddo cyn i'r gwaith ddechrau ar y safle. Bydd manylion o'r fath y cytunir arnyn nhw yn cael eu gweithredu yn y tymor plannu cyntaf ar ôl cwblhau'r datblygiad.

Rheswm: Er budd cynnal bioamrywiaeth y safle yn unol â pholisi AW8 Cynllun Datblygu Lleol Rhondda Cynon Taf.

Rhoi gwybod i Aelodau am y canlynol, ar gyfer y cyfnod 07/03/2022 a 11/03/2022.

Penderfyniadau Cynllunio a Gorfodi – Apeliadau a Dderbyniwyd.

Penderfyniadau Dirprwyedig, Ceisiadau wedi'u Cymeradwyo a'u Gwrthod gyda Rhesymau.

Trosolwg o Achosion Gorfodaeth.

Gorfodi Penderfyniadau Dirprwyedig.

PENDERFYNODD yr Aelodau dderbyn adroddiad y Cyfarwyddwr Gwasanaeth – Materion Cynllunio, mewn perthynas â Phenderfyniadau Apeliadau Cynllunio a Gorfodi a oedd wedi dod i law, Ceisiadau wedi eu Cymeradwyo a'u Gwrthod gyda rhesymau trwy'r drefn Penderfyniadau wedi'u Dirprwyo, Crynodeb o'r Achosion Gorfodi a Phenderfyniadau Gorfodi trwy'r drefn Ddirprwyo ar gyfer y cyfnod 07/03/2022 hyd at 11/03/2022.