Agenda a Chofnodion

Daeth ymddiheuriad am absenoldeb gan y Cynghorydd Bwrdeistref Sirol W. Owen.

Derbyn datganiadau o fuddiannau personol gan Aelodau, yn unol â gofynion y Cod Ymddygiad.

Nodwch:

1.    Mae gofyn i Aelodau ddatgan rhif a phwnc yr eitem mae eu buddiant yn ymwneud ag ef a mynegi natur y buddiant personol hwnnw; a

2.    Lle bo Aelodau'n ymneilltuo o'r cyfarfod o ganlyniad i ddatgelu buddiant sy'n rhagfarnu, mae rhaid iddyn nhw roi gwybod i'r Cadeirydd pan fyddan nhw'n gadael.

Yn unol â Chod Ymddygiad y Cyngor, doedd dim datganiadau o fuddiant yngl?n â'r agenda.

Nodi y dylai Aelodau o'r Pwyllgor, wrth benderfynu materion rheoli datblygu ger eu bron, roi sylw i'r Cynllun Datblygu ac, i'r graddau y bo hynny yn berthnasol, i unrhyw ystyriaethau perthnasol eraill. Rhaid i Aelodau, wrth ddod i benderfyniadau, sicrhau nad ydyn nhw'n gweithredu mewn modd sy'n anghyson â'r Confensiwn Ewropeaidd ar Hawliau Dynol fel y'i hymgorfforwyd mewn deddfwriaeth gan Ddeddf Hawliau Dynol 1998.

PENDERFYNWYD nodi y dylai Aelodau o'r Pwyllgor, wrth benderfynu ar faterion rheoli datblygu ger eu bron, roi sylw i'r Cynllun Datblygu ac, i'r graddau y bo hynny yn berthnasol, i unrhyw ystyriaethau perthnasol eraill. Rhaid i Aelodau, wrth ddod i benderfyniadau, sicrhau nad ydyn nhw'n gweithredu mewn modd sy'n anghyson â'r Confensiwn Ewropeaidd ar Hawliau Dynol fel y'i hymgorfforwyd mewn deddfwriaeth gan Ddeddf Hawliau Dynol 1998.

Nodi bod Deddf Llesiant Cenedlaethau’r Dyfodol (Cymru) 2015 yn gosod dyletswydd ar gyrff cyhoeddus i gynnal datblygiadau cynaliadwy yn unol â'r egwyddor datblygu cynaliadwy, ac i weithredu mewn modd sy'n anelu at sicrhau y caiff anghenion y presennol eu diwallu heb amharu ar allu cenedlaethau'r dyfodol i ddiwallu eu hanghenion hwythau.

PENDERFYNWYD nodi bod Deddf Llesiant Cenedlaethau'r Dyfodol (Cymru) 2015 yn gosod dyletswydd ar gyrff cyhoeddus i gynnal datblygiadau cynaliadwy yn unol â'r egwyddor datblygu cynaliadwy, ac i weithredu mewn modd sy'n anelu at sicrhau y caiff anghenion y presennol eu diwallu heb amharu ar allu cenedlaethau'r dyfodol i ddiwallu eu hanghenion nhw.

Cadarnhau cofnodion cyfarfod y Pwyllgor Cynllunio a Datblygu a gynhaliwyd ar 5 Rhagfyr, 2019, yn rhai cywir.

PENDERFYNWYD cadarnhau'r cofnodion o gyfarfod y Pwyllgor Cynllunio a Datblygu a gynhaliwyd ar 05/12/2019 yn rhai cywir.

Cytunodd y Pwyllgor y byddai'r agenda yn cael ei hystyried mewn trefn wahanol yn unol â'r manylion yn y cofnodion isod.

Datblygiad preswyl hyd at 350 o anheddau, tir ar gyfer ysgol gynradd newydd bosibl, siop leol a gwaith cysylltiedig gan gynnwys man agored cyhoeddus, isadeiledd gwyrdd, tirlunio a chreu dau fan mynediad newydd oddi ar Heol Dowlais.

Datblygiad preswyl hyd at 350 o anheddau, tir ar gyfer ysgol gynradd newydd bosibl, siop leol a gwaith cysylltiedig gan gynnwys man agored cyhoeddus, isadeiledd gwyrdd, tirlunio a chreu dau fan mynediad newydd oddi ar Heol Dowlais.

Dywedodd y Rheolwr Materion Rheoli Datblygu wrth yr Aelodau fod y cais wedi'i dynnu'n ôl ar ôl i'r agenda gael ei chyhoeddi, felly doedd dim angen ei drafod ymhellach.

Newid defnydd o anheddau preswyl (Dosbarth C3) i 8 o fflatiau myfyrwyr preswyl hunangynhwysol (Sui Generis) gan gynnwys estyniad deulawr yn y cefn.

Newid defnydd o anheddau preswyl (Dosbarth C3) i 8 o fflatiau myfyrwyr preswyl hunangynhwysol (Sui Generis) gan gynnwys estyniad deulawr yn y cefn.

TAI HEDDLU 1 A 2, STRYD Y NANT, TREFFOREST, PONTYPRIDD, CF37 1TW

Cyflwynodd y Rheolwr Materion Rheoli Datblygu'r cais a gafodd ei gyflwyno yn wreiddiol i'r Pwyllgor ar 5 Rhagfyr, 2019, lle'r oedd yr Aelodau wedi gwrthod y cais, yn groes i argymhelliad y Cyfarwyddwr - Materion Ffyniant a Datblygu. Roedd yr aelodau o'r farn bod y datblygiad arfaethedig yn groes i ysbryd Canllawiau Cynllunio Atodol y Cyngor ar Dai Amlfeddiannaeth (HMOs) a Deddf Llesiant Cenedlaethau'r Dyfodol, ac y byddai'n cael effaith andwyol ar yr ardal leol ac y byddai'n achosi problemau parcio a phroblemau ar y priffyrdd.

Yn dilyn trafodaeth PENDERFYNODD yr aelodau wrthod y cais yn groes i argymhelliad y Cyfarwyddwr - Materion Ffyniant a Datblygu, a hynny am y rhesymau canlynol:

1. Dydy'r cynnig ddim yn ddatblygiad cynaliadwy, a hynny am iddo fethu â bodloni'r nodau lles sydd wedi'u hamlinellu ym Mholisi Cynllunio Cymru 10. Hynny yw, dydy'r datblygiad ddim yn cyfrannu ar greu Cymru o gymunedau cydlynus, ac, o ganlyniad i hynny, fe fyddai'n cael effaith negyddol ar amwynder yr ardal leol. Byddai'r cynnig, felly, yn mynd yn erbyn Canllawiau Cynllunio Atodol y Cyngor ar Dai Amlfeddiannaeth,  yn ogystal â Pholisi Cynllunio Cymru 10.

2. Bydd y cynllun arfaethedig yn arwain at ragor o barcio afreolus, a fydd yn cael effaith negyddol ar ddiogelwch y priffyrdd sydd o amgylch y safle. Byddai'r datblygiad felly yn groes i Bolisïau AW5 o Gynllun Datblygu Lleol Rhondda Cynon Taf 

Codi byngalo ar dir ger Rhif 40 Teras Ardwyn, y Gelli (Derbyniwyd cynlluniau diwygiedig 24/10/19), tir ger rhif 40, Teras Ardwyn, y Gelli.

Codi byngalo ar dir ger Rhif 40 Teras Ardwyn, y Gelli (Derbyniwyd cynlluniau diwygiedig 24/10/19), tir ger rhif 40, Teras Ardwyn, y Gelli.

Siaradodd yr Aelod Lleol, Cynghorydd y Fwrdeistref Sirol E. Stephens, nad yw'n aelod o'r Pwyllgor, am y cais gan fynegi ei gwrthwynebiad i'r datblygiad arfaethedig.

Cyflwynodd Rheolwr Materion Rheoli Datblygu y cais uchod i'r Pwyllgor. Ar ôl trafod y cynnig, PENDERFYNODD yr Aelodau gymeradwyo'r cais yn unol ag argymhelliad y Cyfarwyddwr - Materion Ffyniant a Datblygu.

Trosi Hen Siambrau'r Banc i 9 fflat (llawr cyntaf, ail a thrydydd llawr) (Defnydd Ddosbarth C3 - Tai Annedd), Hen Siambrau'r Banc, Stryd y Farchnad, Pontypridd.

Trosi Hen Siambrau'r Banc i 9 fflat (llawr cyntaf, ail a thrydydd llawr) (Defnydd Ddosbarth C3 - Tai Annedd). HEN SIAMBRAU'R BANC, STRYD Y FARCHNAD, PONTYPRIDD, CF37 2SU.

Amlinellodd y Rheolwr Materion Rheoli Datblygu gynnwys dau lythyr 'hwyr' a dderbyniwyd. Roedd y llythyr cyntaf gan yr Aelod Lleol, Cynghorydd y Fwrdeistref Sirol H. Fychan, yn gwrthwynebu'r datblygiad, a'r ail gan Gynghorydd y Fwrdeistref Sirol J. Brencher yn nodi pryderon yngl?n â'r datblygiad.

Yn dilyn trafodaeth PENDERFYNODD yr Aelodau gymeradwyo'r cais yn unol ag argymhelliad y Cyfarwyddwr - Materion Ffyniant a Datblygu, yn amodol ar gwblhau Cytundeb Adran 106. Bydd cytundeb Adran 106 yn sicrhau bod yr anheddau'n cael eu sefydlu a'u cynnal fel unedau fforddiadwy ar gyfer rhentu cymdeithasol, a hynny at y diben parhaus o ddiwallu anghenion tai sydd wedi'u nodi yn yr ardal leol.

Nodwch - Cafodd cynnig gan y Cynghorydd Jarman i ddiwygio'r cynnig gwreiddiol ei wrthod gan y Cadeirydd gan ei bod o'r farn fod y drafodaeth wedi dod i ben a'r broses bleidleisio wedi dechrau.

Rhoi gwybod i Aelodau am y canlynol, ar gyfer y cyfnod 06/12/2019 a 10/01/2020.

Penderfyniadau Cynllunio a Gorfodi – Apeliadau a Dderbyniwyd.

Penderfyniadau Dirprwyedig – Ceisiadau wedi'u cymeradwyo a'u gwrthod gyda rhesymau.

Trosolwg o Achosion Gorfodi.

Phenderfyniadau Gorfodi Dirprwyedig.

PENDERFYNODD yr Aelodau dderbyn adroddiad y Cyfarwyddwr Gwasanaeth – Materion Cynllunio mewn perthynas â'r Penderfyniadau Apeliadau Cynllunio a Gorfodi a ddaeth i law, Cymeradwyaethau Penderfyniadau a Gwrthodiadau Dirprwyedig gyda rhesymau, Trosolwg o Achosion Gorfodi a Phenderfyniadau Gorfodi Dirprwyedig ar gyfer y cyfnod XXXX a XXXX.