Agenda a Chofnodion

Derbyniwyd ymddiheuriadau am absenoldeb oddi wrth Gynghorwyr y Fwrdeistref Sirol P Binning, S J Davies, A Dennis, J Elliott, D Evans, Sera Evans, D Grehan, H Gronow, K Morgan, M Norris, D Owen-Jones, D Parkin, S Powderhill, M Powell, W Treeby, J Turner, D Williams, T Williams ac R Yeo.

Derbyn datganiadau o fuddiannau personol gan Aelodau yn unol â'r Cod Ymddygiad.

1.     Mae gofyn i Aelodau ddatgan rhif a phwnc yr agendwm y mae eu buddiant yn ymwneud ag e a mynegi natur y buddiant personol hwnnw; a 

2.     Lle bo Aelodau'n ymneilltuo o'r cyfarfod o ganlyniad i ddatgelu buddiant sy'n rhagfarnu, rhaid iddyn nhw roi gwybod i'r Cadeirydd pan fyddan nhw'n gadael.

Yn unol â Chod Ymddygiad y Cyngor, cafodd y datganiadau o fuddiant canlynol eu gwneud yngl?n â'r agenda:

Cynghorydd y Fwrdeistref Sirol S Morgans “Mae fy merch yn nyrs yn Ysbyty Brenhinol Morgannwg”

Cynghorydd y Fwrdeistref Sirol G Caple – “Mae fy mab yn feddyg ac yn cael ei gyflogi gan y Bwrdd Iechyd Lleol”

Cynghorydd y Fwrdeistref Sirol S. Evans – “Rwy'n gweithio i Fwrdd Iechyd Cwm Taf”.

Cynghorydd y Fwrdeistref Sirol K Johnson – “Mae fy ngwraig yn nyrs o fewn Bwrdd Iechyd Cwm Taf Morgannwg”

Cynghorydd y Fwrdeistref Sirol S Trask - “Mae fy ngwraig wedi'i chyflogi gan GIG Cymru"

Cynghorydd y Fwrdeistref Sirol M Ashford – “Mae fy ngwraig yn gweithio yn Ysbyty Brenhinol Morgannwg”

Cynghorydd y Fwrdeistref Sirol R Lewis - “Mae gen i aelod agos o’r teulu sydd

yn gweithio i'r GIG."

Cynghorydd y Fwrdeistref Sirol C Middle – “Mae fy chwaer yn gweithio i Fwrdd Iechyd Cwm Taf Morgannwg”

Noder: Cafodd y buddiant canlynol ei ddatgan yn ddiweddarach yn ystod y cyfarfod:

Cynghorydd y Fwrdeistref Sirol R Yeo – “Mae fy ngwraig yn gweithio i'r GIG”

Derbyn cynrychiolwyr gan Fwrdd Iechyd Prifysgol Cwm Taf Morgannwg, gan roi cyfle i'r Aelodau drafod yr wybodaeth ddiweddaraf o ran pwysau'r Gaeaf a materion strategol eraill.

Cyflwynodd y Llywydd gynrychiolwyr o Fwrdd Iechyd Cwm Taf Morgannwg, a dywedodd wrth yr Aelodau mai dim ond yr eitemau ar yr agenda a fyddai'n cael eu trafod. Fe aeth ati i gydnabod pryderon yr Aelodau ynghylch y newidiadau gyda cherbydau ymateb cyflym ond nododd mai materion i Ymddiriedolaeth Ambiwlans Cymru yw’r rhain. Dywedodd y Llywydd y dylid cyfeirio unrhyw gwestiynau pellach at Wasanaethau Democrataidd y Cyngor, a fyddai wedyn yn cysylltu â Bwrdd Iechyd Prifysgol Cwm Taf i gael ymateb.

Cyflwynodd Cadeirydd Bwrdd Iechyd Prifysgol Cwm Taf Morgannwg, Mr Emrys Elias ei hun a phum aelod o’r Garfan Weithredol, Mr P Mears, Prif Weithredwr, Suzanne Hardacre, Cyfarwyddwr Bydwreigiaeth, Gynaecoleg ac Iechyd Rhywiol Integredig, Sarah Bradley a David Miller, Arweinydd Gweithrediadau ac Arweinydd Meddygol ar gyfer Gofal Sylfaenol a Chymunedol, a Mr Gethin Hughes, Prif Swyddog Gweithredu.

Trwy gymorth sleidiau Powerpoint cyflwynodd Bwrdd Iechyd Prifysgol Cwm Taf, drosolwg o faterion allweddol o dan y penawdau canlynol:

• Y Newyddion Diweddaraf am Wasanaethau Mamolaeth a Newyddenedigol
• Y Newyddion Diweddaraf am Ofal Sylfaenol
• Pwysau'r Gaeaf

Diolchodd Arweinydd y Cyngor i aelodau Bwrdd Iechyd Prifysgol Cwm Taf Morgannwg am eu cyflwyniad a'u presenoldeb rhithwir yng nghyfarfod y Cyngor.

Cyfeiriodd yr Arweinydd at y Newyddion Diweddaraf am Wasanaethau Mamolaeth a Newyddenedigol ac ychwanegodd ei fod wedi gwerthfawrogi ei drafodaethau niferus a’i sesiynau briffio rheolaidd gyda Mick Giannassi, Cadeirydd y Panel Annibynnol ar gyfer Goruchwylio Mamolaeth, ar yr argymhellion, y cynnydd a wnaed ac adborth cleifion. Holodd a oedd y gostyngiadau blaenorol mewn lefelau staffio bellach wedi gwella? Cyfeiriodd hefyd at y tri adroddiad gan Swyddfa Archwilio Cymru ar y methiannau i gyflawni targedau ymateb y Bwrdd Iechyd o fewn yr amserlenni gofynnol ac ansawdd yr ymatebion, a gofynnodd yr Arweinydd am ddiweddariad ar y mater yma. Gofynnodd hefyd am ddiweddariad pellach gan Fwrdd Iechyd Cwm Taf Morgannwg ar y gwasanaethau Newyddenedigol yn dilyn yr adolygiad Bydwreigiaeth.

Cododd yr Arweinydd ymholiad ynghylch Gwasanaethau Meddygon Teulu ac yn enwedig yr hyn sy'n ymddangos yn loteri cod post ledled y Fwrdeistref Sirol mewn perthynas ag apwyntiadau meddygon teulu. Gofynnodd yr Arweinydd am eglurhad ynghylch sut mae'r Bwrdd Iechyd yn cefnogi meddygfeydd teulu gyda chostau Meddygon locwm. Aeth ati i atgoffa'r Aelodau fod y Cyngor wedi parhau i gefnogi'r Bwrdd Iechyd i hyrwyddo ei raglen brechlyn ffliw a Covid tra'n cefnogi ei staff ei hun gyda'r brechlyn ffliw. Ychwanegodd fod y berthynas waith agos rhwng Bwrdd Iechyd Cwm Taf Morgannwg a'r Cyngor wedi parhau, gyda chyfarfodydd rheolaidd a fydd yn helpu'r naill gorff a'r llall i fynd i'r afael â phwysau'r gaeaf gyda'i gilydd.

Roedd yr Arweinydd yn falch o weld bod yr Uned Mân Anafiadau yn Ysbyty Cwm Cynon wedi ailagor. Aeth ati i gydnabod y gwaith cadarnhaol y mae’r Bwrdd Iechyd yn ei wneud i fynd i’r afael â’r ôl-groniad o lawdriniaethau dewisol a chanmolodd ei ymdrechion i fynd i’r afael â’r broblem yma.

Ymatebodd Mr Paul Mears i'r ymholiadau a godwyd gan yr Arweinydd megis y lefelau staffio diogel yn y Gwasanaethau Mamolaeth, gan  ...  view the full Cofnodion text for item 47.