Agenda a Chofnodion

Daeth ymddiheuriad am absenoldeb gan Gynghorydd y Fwrdeistref Sirol G. Hopkins

Derbyn datganiadau o fuddiannau personol gan Aelodau yn unol â gofynion Cod Ymddygiad y Cyngor

1.     Mae gofyn i Aelodau ddatgan rhif a phwnc yr agenda y mae eu buddiant yn ymwneud ag e a mynegi natur y buddiant personol hwnnw; a 

2.     Lle bo Aelodau'n ymneilltuo o'r cyfarfod o ganlyniad i ddatgelu buddiant personol sy'n rhagfarnu, rhaid iddyn nhw roi gwybod i'r Cadeirydd pan fyddan nhw'n gadael.

Yn unol â Chod Ymddygiad y Cyngor, doedd dim datganiadau o fuddiant yngl?n â'r agenda.

Ethol Llywydd y Cyngor.

PENDERFYNWYD – ethol Cynghorydd y Fwrdeistref Sirol G Hughes i fod yn Llywydd ar gyfer Blwyddyn y Cyngor 2022/23.

Yn dilyn hyn, cymerodd Cynghorydd y Fwrdeistref Sirol G Hughes y Gadair ac anerchodd y Cyngor yn ei rôl fel Llywydd.

Derbyn adroddiad y Cyfarwyddwr Gwasanaeth – Gwasanaethau Democrataidd a Chyfathrebu

Cyflwynodd y Cyfarwyddwr Gwasanaeth, Gwasanaethau Democrataidd a Chyfathrebu ei adroddiad a oedd yn cynnig penodi dau Ddirprwy Lywydd yn rhan o strwythur democrataidd y Cyngor, a hynny i gyflawni swyddogaethau'r Llywydd yn ei absenoldeb fel Cadeirydd y Cyngor.

Dywedodd y Cyfarwyddwr Gwasanaeth y byddai'r trefniant yn sicrhau, o dan y rhan fwyaf o amgylchiadau, y byddai un o blith y tri Aelod ar gael i gadeirio cyfarfod hybrid yn y siambr. Mae hyn yn hanfodol er mwyn sicrhau bod cyfarfodydd a ddarlledir yn fyw yn mynd rhagddynt yn ddidrafferth. Pe bai’r Cyngor yn cytuno i’r cynnig, argymhellwyd y dylid penodi Llywydd a dau Dirprwy Lywydd newydd yn flynyddol yng Nghyfarfod Cyffredinol Blynyddol y Cyngor, ac y dylai Cyfarwyddwr y Gwasanaethau Cyfreithiol (yn rhinwedd ei rôl yn Swyddog Monitro) dderbyn awdurdod dirprwyedig i wneud unrhyw newidiadau i Gyfansoddiad y Cyngor yn sgil hynny.

Ar ôl trafod, PENDERFYNWYD:

1. Penodi dau Ddirprwy Lywydd i strwythur y Cyngor i gyflawni swyddogaethau gweinyddol Cadeirydd y Cyngor yn absenoldeb y Llywydd;

2. Penodi dau Ddirprwy Lywydd ar gyfer Blwyddyn y Cyngor 2022-2023 (yn eitem 4 ar yr agenda 'Etholiadau a Phenodiadau') ac yn flynyddol yn y Cyfarfod Cyffredinol Blynyddol wedi hynny; a

3. Y bydd Cyfarwyddwr y Gwasanaethau Cyfreithiol (yn rhinwedd ei rôl yn Swyddog Monitro) yn diwygio Cyfansoddiad y Cyngor i adlewyrchu'r newidiadau yn yr argymhellion uchod ac yn gwneud unrhyw newidiadau angenrheidiol yn sgil hynny.

b) Ethol Dirprwy Lywydd(ion) y Cyngor (yn amodol ar ganlyniad yr adroddiad sydd wedi'i nodi yn eitem 3 ar yr Agenda)

c) Derbyn anerchiad gan Faer y Cyngor ar gyfer 2021-22.

d) Ethol Maer Cyngor Bwrdeistref Sirol Rhondda Cynon Taf ar gyfer Blwyddyn y Cyngor 2022-23.

(Er mwyn i'r Maer gyhoeddi ei gymar/ei chymar ar gyfer Blwyddyn y Cyngor 2022-2023)

e) Penodi Dirprwy Faer Cyngor Bwrdeistref Sirol Rhondda Cynon Taf ar gyfer Blwyddyn y Cyngor 2022-23.

 (Er mwyn i'r Dirprwy Faer gyhoeddi ei gymar/ei chymar ar gyfer Blwyddyn y Cyngor 2022-2023).

f) Penodi Arweinydd y Cyngor.

g) Cadarnhau bod Arweinydd yr Wrthblaid fwyaf yn cael ei benodi'n/ei phenodi'n Arweinydd yr Wrthblaid.

 Ethol Dau Ddirprwy Lywydd y Cyngor

PENDERFYNWYD – ethol Cynghorydd y Fwrdeistref Sirol Sheryl Evans i fod yn Ddirprwy Lywydd cyntaf ar gyfer Blwyddyn y Cyngor 2022/23.

PENDERFYNWYD – ethol Cynghorydd y Fwrdeistref Sirol Barry Stephens yn ail Ddirprwy Lywydd ar gyfer Blwyddyn y Cyngor 2022/23.

Derbyn anerchiad gan ddwy Faer y Cyngor ar gyfer 2021-2022.

Manteisiodd Cynghorydd y Fwrdeistref Sirol J Bonetto ar y cyfle i fyfyrio ar ei chyfnod yn Faer Rhondda Cynon Taf am ran gyntaf Blwyddyn y Cyngor 2021/22, cyn iddi hi ymddiswyddo yn dilyn cael ei phenodi'n Aelod o'r Cabinet ar faterion Addysg a Gwasanaethau Cynhwysiant. Diolchodd i bawb a oedd wedi ei helpu i godi swm sylweddol, mwy na £30,000 i’w helusennau, sef Help for Heroes, AP Cymru a 2 Wish, sy’n gwneud gwaith rhagorol yn y gymuned.

Diolchodd Maer diweddaraf y Fwrdeistref Sirol, y Cynghorydd W Treeby i'w rhagflaenydd, y Cynghorydd Jill Bonetto, a’i llongyfarch ar godi arian sylweddol yn ystod cyfnod anodd. Dywedodd y Cynghorydd Treeby ei bod hi wedi bod yn fraint cael bod yn Faer Rhondda Cynon Taf dros y misoedd diwethaf. Diolchodd i'r trigolion, y cymunedau a'r swyddogion oedd wedi ei chefnogi hi a'i helusennau.  

Wrth ymateb i hyn, talodd Aelodau deyrnged i'r ddwy Faer, gan gymeradwyo a chanmol eu holl waith ac ymdrechion caled yn ystod eu cyfnod yn y swydd.

Ethol Maer Cyngor Bwrdeistref Sirol Rhondda Cynon Taf ar gyfer Blwyddyn y Cyngor 2022-2023.

PENDERFYNWYD - ethol Cynghorydd y Fwrdeistref Sirol W Treeby yn Faer Cyngor Bwrdeistref Sirol Rhondda Cynon Taf ar gyfer Blwyddyn y Cyngor 2022-2023.

Dywedodd y Cynghorydd Treeby ei bod hi'n anrhydedd enfawr gwasanaethu'n Faer Rhondda Cynon Taf yn ystod blwyddyn hanesyddol i'r fwrdeistref sirol wrth ddathlu Jiwbilî Platinwm y Frenhines, yn ogystal â chroesawu Baton y Frenhines sy'n dod i Rondda Cynon Taf unwaith yn rhagor cyn Gemau'r Gymanwlad. Cyfeiriodd at Ryddid y Fwrdeistref Sirol, a fydd yn cael ei gyflwyno i arwr rygbi Cymru, Neil Jenkins MBE, a hefyd i bob gweithiwr hanfodol yn y fwrdeistref sirol er mwyn cydnabod eu hymrwymiad drwy gydol y pandemig byd-eang.

Yn ystod ei chyfnod yn Faer RhCT, cyhoeddodd y Cynghorydd Treeby mai Ambiwlans Awyr Cymru, y Gymdeithas Strôc a Green Meadow Riding for the Disabled, fydd yr elusennau y bydd hi'n eu cefnogi. Bydd hi hefyd yn dal ati i gefnogi’r Lluoedd Arfog.

Dymunodd yr Aelodau’n dda i'r Maer newydd ar gyfer y flwyddyn sydd i ddod.

Penodi Dirprwy Faer Cyngor Bwrdeistref Sirol Rhondda Cynon Taf ar gyfer Blwyddyn y Cyngor 2023 - 2023.

PENDERFYNWYD - ethol Cynghorydd y Fwrdeistref Sirol W Lewis yn Ddirprwy Faer Cyngor Bwrdeistref Sirol Rhondda Cynon Taf ar gyfer Blwyddyn y Cyngor 2022-2023.

Llongyfarchodd y Dirprwy Faer y Maer newydd, yn ogystal â diolch am yr anrhydedd o gael ei hethol yn Ddirprwy Faer ar gyfer 2022-23.

Penodi Arweinydd y Cyngor

PENDERFYNWYD – penodi Cynghorydd y Fwrdeistref Sirol A Morgan yn Arweinydd y Cyngor ar gyfer Blwyddyn y Cyngor 2022-23.

Diolchodd Cynghorydd y Fwrdeistref Sirol A  ...  view the full Cofnodion text for item 157.

Nodi Cynllun yr Arweinydd parthed Dirprwyo Swyddogaethau Gweithredol, gan gynnwys penodi Dirprwy Arweinydd ac Aelodau’r Cabinet, i’w cyflwyno gan yr Arweinydd yn ystod cyfarfod y Cyngor.

PENDERFYNWYD nodi'r Cabinet a'u swyddogaethau unigol, fel y ganlyn: -

• Y Cyng. A Morgan - Arweinydd ac Aelod o'r Cabinet ar faterion Isadeiledd a Buddsoddi   

• Y Cyng. M Webber - Dirprwy Arweinydd ac Aelod o'r Cabinet ar faterion Busnes y Cyngor     

• Y Cyng. M Norris - Aelod o'r Cabinet ar faterion Datblygu a Ffyniant  

• Y Cyng. R Lewis - Aelod o'r Cabinet ar faterion Addysg, Cyfranogiad Pobl Ifainc a'r Gymraeg

• Y Cyng. G Caple - Aelod o'r Cabinet ar faterion Iechyd a Gofal Cymdeithasol  

• Y Cyng. B Harris - Aelod o'r Cabinet ar faterion Iechyd y Cyhoedd a Chymunedau    

• Y Cyng. A Crimmings - Aelod o'r Cabinet ar faterion yr Amgylchedd a Hamdden

·       Y Cyng. C Leyshon - Aelod o'r Cabinet ar faterion yr Hinsawdd a Gwasanaethau Corfforaethol       Infrastructure & Investment

Derbyn adroddiad y Cyfarwyddwr Gwasanaeth – Gwasanaethau Democrataidd a Chyfathrebu.

Cyflwynodd y Cyfarwyddwr Gwasanaeth, Gwasanaethau Democrataidd a Chyfathrebu ei adroddiad, a oedd yn egluro'r trefniadau hanfodol ar gyfer tymor nesaf y Cyngor (2022-2027) ac yn amodol ar gytundeb yr Aelodau, gofynnodd am gymeradwyaeth i ddiwygio'r Cyfansoddiad i adlewyrchu'r cynigion yn yr adroddiad.

Cyfeiriodd y Cyfarwyddwr Gwasanaeth yr Aelodau at y modelau craffu arfaethedig fel y’u nodir yn adran 6 o’r adroddiad, a fyddai’n cefnogi ac yn ymateb i ofynion a chyfarwyddyd Deddf Llywodraeth Leol ac Etholiadau (Cymru) 2021. Dywedodd y byddai'r gostyngiad yn nifer y pwyllgorau craffu yn arwain at gynnydd yn amlder y cyfarfodydd o'r cylch chwe wythnos presennol.

I gynorthwyo'r Aelodau, adroddodd y Cyfarwyddwr Gwasanaeth ar gylch gorchwyl arfaethedig pob un o'r pedwar pwyllgor craffu thematig, gan nodi unrhyw newidiadau i'r model presennol yn ôl yr angen.

I gloi, amlygodd y Cyfarwyddwr Gwasanaeth y rhesymau dros y newidiadau arfaethedig i'r strwythur craffu megis cydbwyso Rhaglenni Gwaith y Pwyllgorau Craffu a chaniatáu rhagor o waith rhag-graffu ar benderfyniadau allweddol y Cabinet a fydd yn cefnogi Cynllun Corfforaethol y Cyngor ymhellach.

Ar ôl trafod yr adroddiad, PENDERFYNWYD:

1.      Cefnogi argymhellion 'Pennaeth y Gwasanaethau Democrataidd' mewn perthynas â threfniadau craffu arfaethedig y Cyngor yn y dyfodol, fel y manylir arnynt yn yr adroddiad yma;

2.       Cytuno y byddai Cylch Gorchwyl pob Pwyllgor Craffu yn cael ei adolygu, ei fireinio a'i gytuno gan y Pwyllgor Trosolwg a Chraffu yn ei gyfarfod cyntaf yn dilyn y CCB, yn dilyn cytundeb ymlaen llaw gan y Cadeiryddion ac Is-gadeiryddion Craffu.

3.     Cytuno i roi awdurdod i Gyfarwyddwr y Gwasanaethau Cyfreithiol (yn rhinwedd ei rôl yn Swyddog Monitro) i ddiweddaru Cyfansoddiad y Cyngor yn briodol i adlewyrchu'r newidiadau i Gylchoedd Gorchwyl y Pwyllgorau, unwaith y byddan nhw wedi'u cytuno.

Trafod adroddiad ar y cyd Cyfarwyddwr y Gwasanaethau Cyfreithiol a Chyfarwyddwr Gwasanaeth, Gwasanaethau Democrataidd a Chyfathrebu.

Yn ei adroddiad ar y cyd â Chyfarwyddwr y Gwasanaethau Cyfreithiol, dywedodd y Cyfarwyddwr Gwasanaeth, Gwasanaethau Democrataidd a Chyfathrebu, wrth yr Aelodau am ganlyniad yr adolygiad o Gydbwysedd Gwleidyddol yr Awdurdod yn dilyn yr etholiadau Llywodraeth Leol ar 5 Mai 2022.

Amlygodd y Cyfarwyddwr Gwasanaeth ganlyniadau'r adolygiad a gynhaliwyd a'r seddi sydd ar gael sydd angen eu llenwi gan y grwpiau gwleidyddol priodol fel y nodir yn nhablau A a B yr atodiad i'r adroddiad. Cyfeiriodd hefyd at y dyraniad o Gadeiryddion pwyllgorau craffu yn amodol ar gytuno ar y trefniadau craffu diwygiedig a gynhigiwyd gan Bennaeth y Gwasanaethau Democrataidd.

Dywedodd fod Adran 5 yn gofyn i'r Cyngor benderfynu ar ddyraniad yr hysbysiadau cynnig ar gyfer blwyddyn newydd y Cyngor, ac y gofynnir am awdurdod hefyd ar gyfer y penodiadau i'r Pwyllgorau unwaith y derbynnir yr enwebiadau gan y grwpiau gwleidyddol.

PENDERFYNWYD-

1.      Mabwysiadu'r cynllun ar gyfer dyrannu seddi i'r gwahanol gyrff a grwpiau gwleidyddol y mae Adran 15 o Ddeddf Llywodraeth Leol a Thai 1989 yn gymwys iddo, fel y manylir yn yr Atodiad i'r adroddiad yma.

2.      Awdurdodi'r Cyfarwyddwr Gwasanaeth, Gwasanaethau Democrataidd a Chyfathrebu, i benodi i gyrff gwleidyddol cytbwys, pan fydd yn derbyn hysbysiad o ddymuniadau'r gr?p gwleidyddol, yn amodol ar dderbyn unrhyw geisiadau dilynol i newid aelodaeth y Pwyllgorau sydd wedi'u cyfeirio at y Cyngor.

3.        Bod y dyraniad o ran cyflwyno Rhybuddion o Gynnig ar gyfer Blwyddyn y Cyngor 2022-2023 fel y ganlyn:

Llafur - 12

Plaid Cymru - 5

Gr?p Annibynnol RhCT - 2

Y Blaid Geidwadol - 1

(Nodyn: Cafodd cynnig a gollwyd i newid dyraniad y Rhybuddion o Gynnig o’r hyn a nodir i Llafur - 12, Plaid Cymru - 4, Gr?p Annibynnol RhCT - 3 a'r Blaid Geidwadol - 1, ei gynnig gan y Cynghorydd M Powell a'i eilio gan y Cynghorydd C Lisles).

Trafod adroddiad ar y cyd Cyfarwyddwr y Gwasanaethau Cyfreithiol a'r Cyfarwyddwr Gwasanaeth – Gwasanaethau Democrataidd a Chyfathrebu.

Amlinellodd Cyfarwyddwr y Gwasanaethau Cyfreithiol y  diwygiadau arfaethedig i Gyfansoddiad y Cyngor, fel yr amlinellwyd yn yr adroddiad ar y cyd sy'n ceisio cymeradwyaeth y Cyngor i'r diwygiadau arfaethedig i'r Cyfansoddiad fel y'u hamlinellir yn Atodiadau A, B, C a D i'r adroddiad. Dywedodd y Cyfarwyddwr fod y cynigion yn adlewyrchu newidiadau deddfwriaethol gan gynnwys newidiadau canlyniadol sydd eu hangen yn sgil darpariaethau perthnasol yn Neddf Llywodraeth Leol ac Etholiadau (Cymru) 2021. Daeth y mwyafrif o'r rhain i rym ar 5 Mai 2022.

Cyfeiriodd y Cyfarwyddwr at y crynodeb o ddarpariaethau Deddf Llywodraeth Leol ac Etholiadau (Cymru) 2021 a nodir yn adran 5.1 o’r adroddiad a ddaeth i rym ar 5 Mai 2022.

Yn dilyn trafodaethau  PENDERFYNWYD cytuno ar y diwygiadau arfaethedig sy'n ymwneud â Chyfansoddiad y Cyngor fel y'u nodwyd yn atodiadau A, B, C a D, ac yn yr adroddiad fel y ganlyn:

Atodiad A (Rhan 1 – Canllaw Cryno ac Eglurhad);

Atodiad B (Rhan 2 – Erthyglau'r Cyfansoddiad);

Atodiad C (Rhan 3 – Cyfrifoldeb am Swyddogaethau - dyfyniad); a

Atodiad D (Rhan 4 - Rheolau Gweithdrefn - dyfyniad)

Trafod adroddiad y Cyfarwyddwr Gwasanaeth, Gwasanaethau Democrataidd a Chyfathrebu sy'n rhannu argymhellion mewn perthynas â phenodi Aelodau i'r Pwyllgorau canlynol ar gyfer Blwyddyn y Cyngor 2022-2023.

Cyflwynodd y Cyfarwyddwr Gwasanaeth Gwasanaethau Democrataidd a Chyfathrebu ei adroddiad, a oedd yn gofyn am benodi  Pwyllgorau canlynol y Cyngor ar gyfer Blwyddyn y Cyngor 2022-2023:

PENDERFYNWYD Penodi'r Pwyllgorau sydd wedi'u nodi isod ar gyfer Blwyddyn y Cyngor 2022-2023:-

a)  Pwyllgor Cynllunio a Datblygu (11 Aelod)

b)  Pwyllgor Trwyddedu (11 Aelod)

c)   Pwyllgor Penodi (5 Aelod)

ch)  Pwyllgor Apeliadau / Apeliadau Gweithwyr / Apeliadau Prif Swyddogion (5

Aelod)

d)  Pwyllgor Trosolwg a Chraffu (14 Aelod)

dd)Pwyllgor Craffu - Addysg a Chynhwysiant (14 Aelod)

e)Pwyllgor Craffu - Gwasanaethau Cymuned (14 Aelod)

f)  Pwyllgor Craffu - Materion yr Hinsawdd, Gwasanaethau Rheng Flaen a Ffyniant (14 Aelod)

ff)Pwyllgor Llywodraethu ac Archwilio (6 Aelod)

g)    Pwyllgor y Gwasanaethau Democrataidd (17 Members)

ng)   Y Pwyllgor Safonau (2 Aelod)

h)    Pwyllgor y Cyfansoddiad (8 Aelod)

i)Pwyllgor y Gronfa Bensiwn (5 Aelod)

j)Cydbwyllgor Trosolwg a Chraffu Bwrdd Gwasanaethau Cyhoeddus Cwm Taf (5 Aelod)

Trafod adroddiad y Cyfarwyddwr Gwasanaeth – Gwasanaethau Democrataidd a Chyfathrebu.

Yn ei adroddiad gofynnodd y Cyfarwyddwr Gwasanaeth, Gwasanaethau Democrataidd a Chyfathrebu, am ystyriaeth i benodi Cadeiryddion ac Is-Gadeiryddion i Bwyllgorau'r Cyngor ar gyfer Blwyddyn y Cyngor 2022-2023, a chadarnhau pa rolau Cadeiryddion Pwyllgorau a fydd yn gymwys ar gyfer uwch gyflog yn unol â'r gofynion. gyda phenderfyniadau'r IRP. PENDERFYNWYD:

1.       Penodi'r Aelodau canlynol i swyddi Cadeiryddion ac Is-gadeiryddion:

2.     Penodi Cynghorydd y Fwrdeistref Sirol W Jones yn Gadeirydd Pwyllgor y Gwasanaethau Democrataidd a Chynghorydd y Fwrdeistref Sirol M.Webber yn Is-gadeirydd ar y pwyllgor hwnnw, yn unol â'r amodau a bennwyd ym Mesur Llywodraeth Leol (Cymru) 2011 (y 'Mesur');

3.  Nodi, yn unol â gofynion Deddf Llywodraeth Leol ac Etholiadau (Cymru) 2021, ac yng nghyfarfod y Cyngor a gynhaliwyd ar y 20 Hydref 2021, cytunwyd i ymestyn tymor swydd yr Aelod Lleyg presennol a benodwyd i'r Pwyllgor Llywodraethu ac Archwilio, Mr. Christopher Jones, tan yr Etholiadau Llywodraeth Leol arferol ym mis Mai 2027 (sydd wedi'u hamserlennu ar hyn o bryd ar gyfer Mai 2027).

4.  Cytuno y dylai'r Pwyllgor Llywodraethu ac Archwilio fod yn gyfrifol am benodi'r Is-gadeirydd ar gyfer y pwyllgor hwnnw;

5. Bod penodiad Cadeirydd y Pwyllgor Craffu -  Addysg a Chynhwysiant yn cael ei ddyrannu i Gr?p Plaid Cymru;

6.     Yn unol â'r enwebiadau a dderbyniwyd gan y Grwpiau Gwleidyddol priodol, bod yr Aelodau canlynol yn cael eu penodi'n Gadeiryddion ac Is-gadeiryddion y Pwyllgorau Craffu sydd wedi'u nodi isod:--

7.     Nodi penodiad y Llywydd a'r Dirprwy Lywydd - y Cynghorwyr G. Hughes a Sheryl Evans - yn Gadeirydd ac Is-gadeirydd y Pwyllgor Llywodraethu Corfforaethol a Materion Cyfansoddiadol, yn y drefn honno;

8.     Nodi, ar gyfer Blwyddyn y Cyngor 2022-2023, y bydd Cadeirydd ac Is-gadeirydd Cydbwyllgor Trosolwg a Chraffu Bwrdd Gwasanaethau Cyhoeddus Cwm Taf (JOSC) yn cael eu penodi gan y Cydbwyllgor hwnnw; a

9.     Bod y 19 swydd a ganlyn, sy’n bodloni’r meini prawf cymhwyso ac a fyddai’n denu Cyflogau Uwch Swyddogion, i’w talu gan y Cyngor yma ar gyfer Blwyddyn y Cyngor 2022/23 yn y modd canlynol:

Trafod adroddiad y Cyfarwyddwr Gwasanaeth – Gwasanaethau Democrataidd a

Chyfathrebu.

Cyflwynodd y Cyfarwyddwr Gwasanaeth Gwasanaethau Democrataidd ei adroddiad mewn perthynas â phenodi Aelodau i'r Pwyllgorau Lled-Farnwrol/Pwyllgorau Ad Hoc ar gyfer Blwyddyn y Cyngor 2022 - 2023 yn amodol ar gydbwysedd gwleidyddol y Cyngor fel y nodir isod:

PENDERFYNWYD penodi'r canlynol:

1.    Pwyllgor Penodi Llywodraethwyr yr Awdurdod Addysg Lleol (5 Aelod). (4 Llafur, 1 Plaid Cymru):

Cynghorwyr y Fwrdeistref Sirol R Lewis, G Stacey, J Brencher, S Hickman a Sera Evans

2.   Panel Ymddeol yn Gynnar o Wirfodd / Ymddiswyddo (5 Aelod – 4 Llafur, 1 Plaid Cymru):

Cynghorwyr y Fwrdeistref Sirol M Webber, L Tomkinson, J Bonetto, G Jones a D Grehan.

3.    Cydbwyllgor Ymgynghori (4 Aelod):

Cynghorwyr y Fwrdeistref Sirol A Crimmings, R Lewis, M Webber ac A Morgan

Derbyn adroddiad y Cyfarwyddwr Gwasanaeth, Gwasanaethau Democrataidd a Chyfathrebu sy'n nodi bod angen penodi cynrychiolwyr i'r cyrff allanol.

Ar ôl ystyried adroddiad y Cyfarwyddwr Gwasanaeth, Gwasanaethau Democrataidd a Chyfathrebu  PENDERFYNWYD - y byddai'r Aelodau isod yn cael eu penodi i'r Cydbwyllgorau Anweithredol a'r Cyrff Allanol canlynol ar gyfer Blwyddyn y Cyngor 2022-2023: -

·       AgeConcern Cymru (1 cynrychiolydd) y Cynghorydd G Caple

·       Consortiwm Awdurdodau Lleol Cymru (C.L.A.W.) (1 cynrychiolydd) y Cynghorydd C Leyshon

·       Pwyllgor Bowls Dan Do Cwm Cynon (1 cynrychiolydd) Y Cynghorydd Andrew Morgan

·     Elusen Edward Thomas (4 cynrychiolydd) y Cynghorwyr R Lewis, R Williams, A Fox, M Rees Jones

·       Cyngor Cyswllt Cymru (2 gynrychiolydd) y Cynghorwyr M Webber a C Leyshon

·        Y Gynghrair (3 chynrychiolydd) y Cynghorwyr S Powderhill, G Jones, E Dunning

·          Pwyllgor Cyswllt Safle'r T?r (3 chynrychiolydd) y Cynghorwyr K Morgan, L Addiscott a Scott Emanuel

·       Tribiwnlys Prisio Cymru - Panel Penodi (1 cynrychiolydd) y Cynghorydd C Leyshon

·       Bwrdd Canolfan Cydweithredol Cymru (1 cynrychiolydd) y Cynghorydd M Norris

·      Cymdeithas Llywodraeth Leol Cymru (5 cynrychiolydd) Y Cynghorwyr A Morgan, M Webber, M Norris, R Lewis a C Leyshon

·      Bwrdd Gweithredol Cymdeithas Llywodraeth Leol Cymru (1 cynrychiolydd / 1 is-gynrychiolydd) y Cynghorydd A Morgan a'r Cynghorydd M Webber yn y drefn honno

·       Bwrdd Llywodraethwyr Coleg y Cymoedd (1 cynrychiolydd) Mrs G Davies

·       Ymddiriedolaeth Judges Hall (1 cynrychiolydd) y Cynghorydd G Hughes)

·      Cist Gymunedol RhCT (1 cynrychiolydd) y Cynghorydd A Crimmings

·       Cymdeithas y Lluoedd Wrth Gefn a'r Cadetiaid (1 cynrychiolydd) y Cynghorydd C Preedy

·      Trivallis (1 cynrychiolydd) y Cynghorydd B Stephens

·       Awdurdod Tân ac Achub De Cymru (4 cynrychiolydd) y Cynghorwyr S Bradwick, A Roberts, G Holmes a D Parkin

·     Awdurdod Parc Cenedlaethol Bannau Brycheiniog (APC)(1 cynrychiolydd) y Cynghorydd S Emmanuel

(Noder: Roedd yr Aelodau a ganlyn yn dymuno i’w henwau gael eu cofnodi fel rhai a bleidleisiodd o blaid penodi’r Cynghorydd Adam Owain Rogers yn gynrychiolydd ar gyfer APC Bannau Brycheiniog:

Y Cynghorwyr K Morgan, Sera Evans, D Evans, C Lisles, A Ellis, D Grehan aC M Powell)

·    Panel Troseddau Heddlu De Cymru (2 gynrychiolydd) y Cynghorwyr B Harris a L Addiscott

·    Cyngor Iechyd Cymuned Cwm Taf (3 chynrychiolydd) y Cynghorwyr Martin Ashford, Emma Dunning ac Amanda Ellis

Trafod adroddiad y Cyfarwyddwr Gwasanaeth – Gwasanaethau Democrataidd a Chyfathrebu mewn perthynas â'r calendr o gyfarfodydd arfaethedig ar gyfer blwyddyn y Cyngor 2022-2023.