Agenda a Chofnodion

Derbyn datganiadau o fuddiannau personol gan Aelodau, yn unol â gofynion y Cod Ymddygiad.

Noder:

1.    Mae gofyn i Aelodau ddatgan rhif a phwnc yr agendwm mae eu buddiant yn ymwneud ag ef a mynegi natur y buddiant personol hwnnw; a

2.    Lle bo Aelodau'n ymneilltuo o'r cyfarfod o ganlyniad i ddatgelu buddiant sy'n rhagfarnu, mae rhaid iddyn nhw roi gwybod i'r Cadeirydd pan fyddan nhw'n gadael.

Yn unol â Chod Ymddygiad y Cyngor, cafodd y datganiadau o fuddiant canlynol eu gwneud yngl?n â'r agenda:

·       Roedd Cynghorydd y Fwrdeistref Sirol S. Morgans wedi datgan diddordeb mewn perthynas ag Eitem 7 ar yr agenda: 'Mae cyflogwr yr ymgeisydd yn ffrind i'r teulu a fydda i ddim yn pleidleisio ar yr eitem yma'; a

·       Roedd Cynghorydd y Fwrdeistref Sirol P Howe wedi datgan buddiant mewn perthynas ag Eitem 7 ar yr agenda: 'Rydw i'n 'nabod cyflogwr yr ymgeisydd a fydda i ddim yn pleidleisio ar yr eitem yma'.

I'w nodi: Pan fydd Aelodau'n ystyried y materion trwyddedu a chofrestru sydd ger eu bron, mae dyletswydd arnyn nhw i beidio â gweithredu mewn modd sy'n anghydnaws â'r confensiwn ar Hawliau Dynol a'r Ddeddf Trosedd ac Anhrefn.

PENDERFYNWYD nodi pan fydd Aelodau'n ystyried y materion trwyddedu a chofrestru sydd ger eu bron, mae dyletswydd arnyn nhw i beidio â gweithredu mewn modd sy'n anghydnaws â'r confensiwn ar Hawliau Dynol a'r Ddeddf Trosedd ac Anhrefn.

Cymeradwyo cofnodion cyfarfod y Pwyllgor Trwyddedu a gynhaliwyd 23 Mawrth 2021.

PENDERFYNWYD cymeradwyo cofnodion o'r cyfarfod a gynhaliwyd ar 23 Mawrth, 2021 yn rhai cywir.

Rhoddodd Pennaeth y Gwasanaeth Diogelu'r Cyhoedd a Gwasanaethau Rheoleiddio wybod i'r Pwyllgor Trwyddedu bod Undeb Unite wedi sefydlu Cangen yn RhCT i gynrychioli gyrwyr tacsi sydd wedi cael trwydded gan Gyngor Bwrdeistref Sirol Rhondda Cynon Taf.

Tynnodd y swyddog sylw'r Aelodau at Adran 3 yr adroddiad, a oedd yn rhannu manylion yngl?n â'r cyfleoedd cadarnhaol sy'n gysylltiedig â sefydlu Undeb Llafur.

Cafodd yr Aelodau wybod bod y materion allweddol canlynol wedi cael eu nodi gan y Gangen, a'u bod nhw'n dymuno archwilio'r rhain gyda'r Cyngor:

•                Ffioedd a Chostau - cais am adolygiad o'r costau cyfredol a chais penodol sy'n gofyn bod y cynnydd mewn ffioedd ar gyfer 21/22 ddim yn cael ei weithredu; a

•                Safle Tacsis Pontypridd - problemau sy'n codi gyda'i leoliad newydd (dros dro) yn Stryd y Taf.

Roedd yr Aelodau wedi cydnabod bod sefydlu Undeb Llafur yn rhywbeth cadarnhaol, a byddai'r cam yma'n hwyluso trafodaethau gwell a chyfleoedd ymgysylltu gyda'r maes. PENDERFYNWYD cymeradwyo'r cynllun i sefydlu Cangen RhCT o Undeb UNITE a fydd yn cynrychioli gyrwyr tacsis sydd wedi derbyn trwydded gan Gyngor Bwrdeistref Sirol Rhondda Cynon Taf

(i) Trwyddedu Anifeiliaid

Yn ei adroddiad, rhoddodd y Cyfarwyddwr Materion Iechyd a Diogelwch y Cyhoedd a Gwasanaethau Cymuned fanylion i'r Aelodau am drwyddedau a chofrestriadau a gafodd eu rhoi yn ystod y cyfnod rhwng 8 Mawrth 2021 a 18 Ebrill 2021.

PENDERFYNWYD nodi'r diweddariad.

“Bod y cyfarfod hwn yn cadw aelodau o'r wasg ac aelodau o'r cyhoedd allan o ystafell y cyfarfod, dan Adran 100A(4) o Ddeddf Llywodraeth Leol 1972 (fel y'i diwygiwyd), yn ystod trafod yr agendwm nesaf, ar y sail y byddai'n debygol o olygu datgelu gwybodaeth eithriedig yn ôl diffiniad paragraff 13 o Ran 4 o Atodlen 12A o'r Ddeddf.”

PENDERFYNWYD bod y cyfarfod hwn yn cadw aelodau o'r wasg ac aelodau o'r cyhoedd allan o ystafell y cyfarfod, dan Adran 100A(4) o Ddeddf Llywodraeth Leol 1972 (fel y'i diwygiwyd), yn ystod trafod yr agendwm nesaf, ar y sail y byddai'n debygol o olygu datgelu gwybodaeth eithriedig yn ôl diffiniad paragraff 13 o Ran 4 o Atodlen 12A o'r Ddeddf.

Mr R Caswell

Rhoddodd Cyfarwyddwr Materion Iechyd a Diogelwch y Cyhoedd a Gwasanaethau Cymuned fanylion y cais canlynol am Drwydded Yrru Cerbyd Hacni/Cerbyd Hurio Preifat.

Yn unol â'r gweithdrefnau wedi eu mabwysiadu, cafodd Mr RC ei groesawu gan yr Aelodau – roedd ei gais am Drwydded Yrru Cerbyd Hacni/Cerbyd Hurio Preifat ger bron y Pwyllgor.

Ar ôl trafod yr adroddiad a'r dystiolaeth ger eu bron, PENDERFYNODD y Pwyllgor wrthod y cais.

Cyflwynodd Cyfarwyddwr Materion Iechyd a Diogelwch y Cyhoedd a Gwasanaethau Cymuned yr adroddiad sy'n amlinellu'r gwaith gorfodi diweddaraf, gan gynnwys y diweddaraf am apeliadau ac erlyniadau ar gyfer y cyfnod rhwng 24 Mawrth 2021 a 23 Ebrill 2021.

PENDERFYNODD y Pwyllgor nodi'r diweddariad.

(i)   Trwyddedau gyrru ar y cyd – Cerbyd Hacni / Cerbyd Hurio Preifat

(ii)  Trwyddedau Cerbyd Hacni

(iii)  Trwyddedau Cerbyd Hurio Preifat

(iv)  Trwyddedau Gweithredwyr Hurio Preifat

Cyflwynodd Cyfarwyddwr Gwasanaeth - Iechyd a Diogelwch y Cyhoedd, a Gwasanaethau Cymuned adroddiad i'r Aelodau sy'n amlinellu manylion y Trwyddedau a/neu Gofrestriadau a gafodd eu rhoi o dan ddarpariaeth Awdurdod Dirprwyedig ar gyfer y cyfnod rhwng 8 Mawrth 2021 ac 18 Ebrill 2021.

PENDERFYNODD y Pwyllgor nodi'r diweddariad.