Manylion y penderfyniad

Derbyn adroddiad ar y cyd y Cyfarwyddwr Gwasanaeth y Gwasanaethau Democrataidd a Chyfathrebu, sy'n rhoi nifer o opsiynau i'r Cabinet a allai wella proses recriwtio'r Cyngor er mwyn ei gwneud hi'n haws i Gymuned y Lluoedd Arfog a chyn-filwyr oresgyn rhwystrau i gyfleoedd gwaith mewn bywyd sifil.

Dywedwyd wrth yr Aelodau mai'r prif gynnig oedd cyflwyno Cynllun Cyfweld Gwarantedig ar gyfer ymadawyr gwasanaeth, milwyr wrth gefn a chyn-filwyr y Lluoedd Arfog os ydynt yn cwrdd â'r meini prawf hanfodol ar gyfer swyddi gwag.

Cyfeiriodd y Dirprwy Arweinydd at hanes cadarnhaol yr Awdurdod o weithio gyda lluoedd Arfog a siaradodd am Gyfamod y Lluoedd Arfog a gwobr cydnabod aur.  Cyfeiriodd yr Aelod at y sgiliau trosglwyddadwy a oedd gan gyn-filwyr y gallai'r Cyngor elwa ohonynt.  Dywedwyd wrth y Cabinet fod Gweithgor y Lluoedd Arfog yn gefnogol iawn o'r cynigion.

Gyda chaniatâd yr Arweinydd, anerchodd Cynghorwyr y Fwrdeistref Sirol P. Jarman y pwyllgor yngl?n â'r eitem yma.

Manteisiodd yr Arweinydd ar y cyfle i ddiolch i'r Dirprwy Arweinydd am y gwaith a wnaeth mewn perthynas â'r lluoedd arfog a chyn-filwyr a chroesawodd y cynigion yn yr adroddiad.

Ar ôl trafod, PENDERFYNWYD:

1.    Nodi a chytuno i weithredu Cynllun Cyfweliad Gwarantedig ar gyfer ymadawyr gwasanaeth, cyn-filwyr a milwyr wrth gefn.

2.    Cytuno bod y Cyngor yn gweithio gyda'r Bartneriaeth Trosglwyddo Gyrfa, sef gwasanaeth recriwtio am ddim i sefydliadau sy'n chwilio am gyn-filwyr uchel eu cymhelliant a phrofiadol, sy'n gadael y Lluoedd Arfog.

3.    Cytuno bod y Cyngor yn gweithio gyda Forces Families Jobs, sef gwasanaeth recriwtio am ddim sy'n cefnogi aelodau Cymuned y Lluoedd Arfog i gael gwaith.

4.    Cytuno i gynnwys is-bennawd ar hysbysebion swyddi sy'n croesawu ceisiadau gan y gymuned filwrol.

The need to provide Cabinet with a number of options that could improve the Council’s recruitment process, so as to make it easier for the Armed Forces Community and veterans to overcome barriers to civilian employment.