Penderfyniadau

Penderfyniadau

Defnyddiwch yr opsiynau chwilio isod ar waelod y dudalen i ddod o hyd i wybodaeth yngl â’r hyn y mae cyrff penderfynu'r cyngor wedi'i benderfynu yn ddiweddar.

Neu gallwch ymweld â thudalen Penderfyniadau Dirprwyedig ar gyfer gwybodaeth am benderfyniadau y mae swyddogion penodol y cyngor wedi'u.

Cynharach - Hwyrach

Cyhoeddwyd y penderfyniadau

23/09/2021 - ADRODDIAD MONITRO BLYNYDDOL YR ARDOLL SEILWAITH CYMUNEDOL ref: 403    Argymhellion wedi'u cymeradwyo

Y sawl sy'n gwneud penderfyniad: Cabinet

Gwnaed yn y cyfarfod: 23/09/2021 - Cabinet

Cyhoeddwyd y penderfyniad: 23/09/2021

Effective from: 29/09/2021

Penderfyniad:

Cyflwynodd y Cyfarwyddwr Materion Ffyniant a Datblygu yr adroddiad i'r Aelodau, a oedd yn gofyn am gymeradwyaeth i gynnwys Adroddiad Monitro Blynyddol yr Ardoll Seilwaith Cymunedol a diwygio Rheoliad 123.

 

Hysbyswyd yr Aelodau, er bod angen dau welliant i'r Rhestr Rheoliad 123 sydd wedi'i ddiweddaru gan y Cyngor (yn dilyn trafodaeth gan y Cabinet ar 17 Tachwedd 2020) bod cwmpas eang y Rhestr yn aros yr un fath, gan gynnig prosiectau trafnidiaeth ac addysg sy'n cefnogi ac yn lliniaru'r twf a ragwelir trwy'r Cynllun Datblygu Lleol y Cyngor.

 

Cyfeiriodd y Cyfarwyddwr at y gwaith cyn-graffu a wnaed gan y Pwyllgor Craffu – Cyllid a Chyflawniad i gynorthwyo'r Cabinet yn eu trafodaethau.

 

Gwnaeth yr Aelod o'r Cabinet ar faterion Menter, Datblygu, a Thai sylwadau ar y dderbynneb Ardoll Seilwaith Cymunedol is na'r blaenorol, yn sgil effaith pandemig Covid.  Diolchodd yr Aelod o'r Cabinet i Aelodau'r Pwyllgor Craffu – Cyllid a Chyflawniad a hefyd Aelodau'r Pwyllgor Cyd-gysylltu â'r Gymuned a siaradodd am bwysigrwydd gwaith y Pwyllgor Cyd-gysylltu â'r Gymuned wrth gefnogi Cynghorau Tref a Chymuned i ddatblygu eu rhestr 123 eu hunain i arddangos eu gwariant i'r cyhoedd.

 

Adleisiodd y Dirprwy Arweinydd sylwadau'r Aelod o'r Cabinet a myfyrio ei bod hi'n bwysig i Gynghorau Tref a Chymuned gymryd agwedd ragweithiol tuag at ddatblygu rhestr 123.

 

Ar ôl trafod, PENDERFYNWYD:

 

(1)   Adroddiad Monitro Blynyddol yr Ardoll Seilwaith Cymunedol fel y mae wedi'i atodi yn Atodiad A.

 

(2)   Mae Rhestr Rheoliad 123 wedi'i atodi fel Atodiad B yr Adroddiad ac i'w chyhoeddi ar wefan y Cyngor am gyfnod o 28 o ddiwrnodau ar gyfer ymgynghori, fel y nodwyd ym mharagraff 5.9 yr adroddiad.

 

(3)   Cymeradwyo mabwysiadu'r Rhestr Rheoliad 123 os nad oes sylwadau yn ei wrthwynebu yn dod i law.

 


23/09/2021 - CYNON VALLEY WASTE DISPOSAL COMPANY LIMITED AC AMGEN RHONDDA LIMITED - CYFARFOD CYFFREDINOL BLYNYDDOL ref: 407    Argymhellion wedi'u cymeradwyo

Y sawl sy'n gwneud penderfyniad: Cabinet

Gwnaed yn y cyfarfod: 23/09/2021 - Cabinet

Cyhoeddwyd y penderfyniad: 23/09/2021

Effective from: 29/09/2021


23/09/2021 - 6. ADRODDIAD EFFAITH ADDASU TAI TRIVALLIS A DIWEDDARIAD YNGL?N Â GWAITH PARTNERIAETH EHANGACH RHWNG RCT A TRIVALLIS I DDARPARU CARTREFI WEDI'U HADDASU I RAI O'N PRESWYLWYR SYDD FWYAF AGORED I NIWED ref: 405    Argymhellion wedi'u cymeradwyo

Y sawl sy'n gwneud penderfyniad: Cabinet

Gwnaed yn y cyfarfod: 23/09/2021 - Cabinet

Cyhoeddwyd y penderfyniad: 23/09/2021

Effective from: 29/09/2021

Penderfyniad:

Rhannodd Cyfarwyddwr Materion Ffyniant a Datblygu yr wybodaeth ddiweddaraf am ddulliau arloesol Trivallis o wario eu Cyllideb Addasiadau 2020/2021 yn ystod pandemig Covid 19. Tynnwyd sylw'r Aelodau at y gwaith partneriaeth ehangach rhwng RhCT a Trivallis i ddarparu cartrefi wedi'u haddasu ar gyfer rhai o drigolion mwyaf agored i niwed y Cyngor ar draws RhCT.

 

Cyfeiriodd y Cyfarwyddwr at y modd yr oedd Trivallis wedi defnyddio tanwariant cyllideb addasiadau 2020/21, a grëwyd oherwydd cyfyngiadau Covid-19, mewn ffordd fwy hyblyg ac arloesol, drwy arbrofi gyda dulliau newydd o ddiwallu anghenion cymunedau RhCT.  Parhaodd y Cyfarwyddwr trwy ychwanegu bod y prosiectau a gyflawnwyd, y deilliannau a'r adborth gan rai o drigolion mwyaf agored i niwed Bwrdeistref Sirol RhCT wedi bod yn gadarnhaol iawn yn tystio i lwyddiant y ffordd yr oedd Trivallis wedi defnyddio'r gyllideb addasiadau a'r bartneriaeth barhaus rhwng y Cyngor a Trivallis er mwyn diwallu anghenion cymunedau. 

 

Diolchodd yr Aelod o'r Cabinet ar faterion Menter, Datblygu, a Thai i Trivallis am yr addasiadau a gyflwynwyd a chyfeiriodd at y lluniau yn yr adroddiad a oedd yn dangos y buddsoddiad.

 

Ar ôl trafod, PENDERFYNWYD:

1.     Nodi bod Trivallis wedi defnyddio'r gyllideb addasiadau tai ar gyfer 2020/2021, yn dilyn cymeradwyaeth y Cyngor, mewn ffordd fwy hyblyg ac arloesol sydd wedi darparu eiddo wedi'u haddasu sydd wir eu hangen ar ein cymunedau.

 

2.     Cydnabod y gwaith partneriaeth ehangach rhwng RhCT a Trivallis i ddarparu cartrefi wedi'u haddasu ar gyfer rhai o'n preswylwyr mwyaf agored i niwed ar draws RhCT. 

 

3.     Er mwyn i Trivallis barhau i weithredu'r model cyflenwi yma, yn amodol ar gymeradwyaeth swyddogion, ar gyfer y gyllideb addasiadau tai ar gyfer 2021/2022, er mwyn darparu eiddo wedi'u haddasu ar gyfer ein cymunedau mewn ymateb i'r pandemig.

 


23/09/2021 - STRATEGAETH DWRISTIAETH RHCT ref: 404    Argymhellion wedi'u cymeradwyo

Y sawl sy'n gwneud penderfyniad: Cabinet

Gwnaed yn y cyfarfod: 23/09/2021 - Cabinet

Cyhoeddwyd y penderfyniad: 23/09/2021

Effective from: 29/09/2021

Penderfyniad:

Cyflwynodd y Cyfarwyddwr Materion Ffyniant a Datblygu y Strategaeth Dwristiaeth ddrafft RhCT i'r Aelodau. Mae'r strategaeth yn amlygu blaenoriaethau allweddol sy'n gysylltiedig â thwristiaeth. Cyfeiriwyd yr Aelodau at yr ymarfer ymgynghori cyhoeddus a gynhaliwyd ar ddrafft Strategaeth Dwristiaeth RhCT, gan nodi bod y bobl a wnaeth ymateb, ar y cyfan, yn gefnogol i'r Strategaeth a'i chynnwys, ac yn croesawu'r cynigion.

 

Dywedwyd wrth yr Aelodau bod y Strategaeth Dwristiaeth RhCT ddrafft wedi'i diweddaru i gynnwys mân ddiwygiadau (a ddaeth yn sgil sylwadau a gyflwynwyd yn ystod yr ymgynghoriad a chan y Pwyllgor Craffu – Cyllid a Chyflawniad).

 

Croesawodd yr Aelod o'r Cabinet ar faterion Menter, Datblygu, a Thai yr adroddiad a chyfeiriodd at bwysigrwydd annog twristiaeth gan gydnabod effeithiau cadarnhaol y pandemig a'r neges i aros gartref mewn perthynas â thwristiaeth. Cyfeiriodd yr Aelod o'r Cabinet at y £179 miliwn mae'r diwydiant twristiaeth yn ei gyfrannu at economi RhCT a gwnaeth sylwadau hefyd ar y buddion o ran cyflogaeth.

 

Siaradodd yr Aelod o'r Cabinet am yr adborth ymgynghori cadarnhaol a dyfodol disglair y diwydiant twristiaeth yn y Fwrdeistref Sirol.

 

Siaradodd y Dirprwy Arweinydd am yr ystod amrywiol o weithgareddau ledled y Fwrdeistref Sirol a'r angen i barhau i fuddsoddi yn y diwydiant twristiaeth i wella'r cyfleusterau i bawb.

 

Ar ôl trafod, PENDERFYNWYD:

 

1.     Ar ôl trafod yr ymatebion i'r ymarfer ymgynghori cyhoeddus gafodd ei gynnal mewn perthynas â drafft Strategaeth Dwristiaeth RhCT nad oes angen unrhyw newidiadau pellach i'r cynigion, ac eithrio'r rhai a fabwysiadwyd eisoes yn y Strategaeth.

 

2.     Cymeradwyo drafft Strategaeth Dwristiaeth RhCT fel y ddogfen strategol swyddogol a fydd yn sail i flaenoriaethau ac ymdrechion twristiaeth y Cyngor.

 


23/09/2021 - ADOLYGU'R GORCHYMYN DIOGELU MANNAU CYHOEDDUS MEWN PERTHYNAS Â SYLWEDDAU MEDDWOL (GAN GYNNWYS ALCOHOL) YN RHCT ref: 402    I'w Benderfynu

Y sawl sy'n gwneud penderfyniad: Cabinet

Gwnaed yn y cyfarfod: 23/09/2021 - Cabinet

Cyhoeddwyd y penderfyniad: 23/09/2021

Effective from: 29/09/2021

Penderfyniad:

Cyflwynodd Cyfarwyddwr, Iechyd a Diogelwch y Cyhoedd, a Gwasanaethau'r Gymuned drosolwg i'r Aelodau o'r adroddiad ger eu bron sy'n gofyn i'r Cabinet gymeradwyo Gorchymyn Diogelu Mannau Cyhoeddus newydd i Rondda Cynon Taf. Yn ogystal â hynny, rhannodd y Cyfarwyddwr ganlyniadau'r ymarfer ymgynghori cyhoeddus i adolygu Gorchymyn Diogelu Mannau Cyhoeddus 2018 a chadarnhau cefnogaeth y cyhoedd a rhanddeiliaid ar gyfer Gorchymyn newydd sy'n rheoli ymddygiad gwrthgymdeithasol yn ymwneud â sylweddau meddwol yn Rhondda Cynon Taf, ac yn cynnwys dau barth gwaharddedig penodol i reoli defnydd sylweddau meddwol (gan gynnwys alcohol) yng nghanol trefi Pontypridd ac Aberdâr. 

 

Darparodd y Cyfarwyddwr y rhesymeg ar gyfer y Gorchymyn Diogelu Mannau Cyhoeddus newydd gan gynghori bod angen trafod y cynigion yn rhan o ystod eang o fesurau i fynd i'r afael â phroblemau cymhleth fel ymddygiad gwrthgymdeithasol ac yfed ar y stryd.  Ychwanegodd fod y Gorchymyn Diogelu Mannau Cyhoeddus yn offeryn defnyddiol ond nid yw'n ddigon i ddatrys yr holl broblemau. 

 

Dywedwyd wrth yr Aelodau fod gan y Cyngor gysylltiadau partneriaeth cryf a sefydledig â Heddlu De Cymru ac asiantaethau cymorth eraill a'r bwriad yw parhau i gryfhau'r perthnasoedd hyn i sicrhau eu bod yn defnyddio'r adnoddau mwyaf priodol sydd ar gael i fynd i'r afael ag achosion unigol o ymddygiad o'r fath.

 

Cyfeiriwyd yr Aelodau at y data yn yr adroddiad a oedd yn cefnogi'r rhesymeg dros fynd â'r penderfyniadau ymlaen ac amlygwyd manylion yr ymgynghoriad cyhoeddus a gynhaliwyd mewn perthynas â'r cynigion i'r Aelodau hefyd.

 

Croesawodd yr Aelod o'r Cabinet ar faterion Cymunedau Cadarn, Llesiant a Gwasanaethau Diwylliannol y cynigion a'r sylwadau yn yr ymgynghoriad cyhoeddus mewn perthynas ag ychwanegu Gorchymyn Diogelu Mannau Cyhoeddus newydd a chyfeiriodd at y data yn yr adroddiad a oedd yn cefnogi'r farn yma.  Yn ogystal, croesawodd yr Aelod y cyfle i adolygu Gorchymyn Diogelu Mannau Cyhoeddus 2018.

 

Gwnaeth Aelod o'r Cabinet sylwadau ar yr angen i fusnesau ymddiried yn y Gorchymyn Diogelu Mannau Cyhoeddus a bod angen i fusnesau rhoi gwybod am faterion sy'n codi. Gwnaeth sylwadau ar y rhwystredigaethau a brofir weithiau gyda'r gweithdrefnau adrodd cyfredol a soniodd am wasanaeth e-bost newydd yr heddlu, gan ddweud bod angen ei hyrwyddo ymhellach.

 

Gyda chytundeb yr Arweinydd, anerchodd y Cynghorydd Bwrdeistref Sirol J Brencher y pwyllgor ar yr eitem yma, gan groesawu cyflwyno Gorchymyn Diogelu Mannau Cyhoeddus.

 

Gwnaeth y Dirprwy Arweinydd sylwadau ynghylch cefnogaeth y cyhoedd a'r angen i gryfhau'r trefniadau adrodd a siaradodd am bwysigrwydd y trefniadau partneriaeth gyda'r heddlu, a oedd yn rhan greiddiol o lwyddiant y cynllun. Cyfeiriodd y Dirprwy Arweinydd hefyd at ddefnyddio Ardal Gwella Busnes Pontypridd i gynorthwyo i fynd i'r afael â phroblemau yng nghanol y dref.

 

Ar ôl trafod, PENDERFYNWYD:

 

1.     Nodi canfyddiadau'r adolygiad y Gorchymyn Diogelu Mannau Cyhoeddus a sefydlwyd yn 2018 ynghyd ag adborth y cyhoedd a rhanddeiliaid allweddol mewn perthynas â sefydlu Gorchymyn Diogelu Mannau Cyhoeddus i gynnwys gwaharddiadau a gofynion i reoli ymddygiad gwrthgymdeithasol sy'n gysylltiedig ag alcohol a sylweddau meddwol.

 

2.     Cymeradwyo Gorchymyn Diogelu Mannau Cyhoeddus newydd ar gyfer y Fwrdeistref Sirol gyfan i reoli alcohol ac ymddygiad gwrthgymdeithasol sy'n gysylltiedig â sylweddau. Bydd y Gorchymyn yn cwmpasu dau barth gwahardd penodol i reoli'r defnydd o sylweddau meddwol (gan gynnwys alcohol) mewn mannau cyhoeddus yng nghanol trefi Aberdâr a Pontypridd.

 

3.     Cymeradwyo newidiadau i'r ffin Parth Sylweddau Meddwol 2018 ym Mhontypridd, sydd wedi'i nodi yn Atodiad 2 yr adroddiad, i gynnwys yr ardal o amgylch Fflatiau Dyffryn Taf yn ardal y Graig Isaf, yr ardal y tu allan i D? Pennant, Pontypridd a'r ardal danffordd ger Gorsaf Fysiau Pontypridd.

 

4.     Cymeradwyo Gorchymyn Diogelu Mannau Agored Cyhoeddus newydd am gyfnod o 3 blynedd i gynnwys yr un amodau â Gorchymyn Diogelu Mannau Agored Cyhoeddus 2018 a rhoi awdurdod dirprwyedig i'r Cyfarwyddwr Gwasanaeth - Iechyd a Diogelwch y Cyhoedd, a'r Gymuned i lunio'r Gorchymyn Diogelu Mannau Cyhoeddus terfynol sy'n ymwneud â Sylweddau Meddwol gan gynnwys Alcohol a sicrhau ei fod yn cael ei gyhoeddi ar wefan y Cyngor.

 

5.     Cynnal y ddirwy am gosbau penodedig ar gyfer troseddau sy'n groes i'r Gorchymyn Diogelu Mannau Agored Cyhoeddus yn £100.

 


23/09/2021 - GWASANAETHAU MAETHU - LWFANSAU RHIENI MAETH ref: 406    Argymhellion wedi'u cymeradwyo

Y sawl sy'n gwneud penderfyniad: Cabinet

Gwnaed yn y cyfarfod: 23/09/2021 - Cabinet

Cyhoeddwyd y penderfyniad: 23/09/2021

Effective from: 29/09/2021


23/09/2021 - Adroddiad Blynyddol Cyfarwyddwr y Gwasanaethau Cymdeithasol ref: 401    I'w Benderfynu

Y sawl sy'n gwneud penderfyniad: Cabinet

Gwnaed yn y cyfarfod: 23/09/2021 - Cabinet

Cyhoeddwyd y penderfyniad: 23/09/2021

Effective from: 29/09/2021

Penderfyniad:

Cyflwynodd Cyfarwyddwr Cyfadran y Gwasanaethau Cymuned a Gwasanaethau i Blant ei adroddiad i'r Aelodau. Mae'r adroddiad yn nodi cyflawniad Gwasanaethau Cymdeithasol y Cyngor y llynedd, gan amlygu'r cyfeiriad a'r blaenoriaethau a osodwyd ar gyfer y flwyddyn i ddod.

 

Rhoddwyd trosolwg i'r Aelodau o'r gwaith a wnaed, a oedd hefyd yn adlewyrchu ar y cynnydd a wnaed yn erbyn y blaenoriaethau a nodwyd yn yr adroddiad blynyddol blaenorol. Hysbyswyd yr Aelodau bod yr adroddiad yn wahanol i adroddiadau blaenorol i'r graddau ei fod hefyd yn cynnwys pennod benodol yn nodi ymateb y gwasanaethau i bandemig Covid-19 yn ystod y flwyddyn gyfan. Cyfeiriodd y Cyfarwyddwr Cyfadran at yr amgylchiadau heriol y mae pawb yn eu hwynebu a'r effaith aruthrol pandemig Covid ar staff ac ar y gallu i ddarparu'r gwasanaeth.

 

Fe wnaeth yr Aelod o'r Cabinet ar faterion Gwasanaethau i Oedolion a'r Gymraeg longyfarch y Cyfarwyddwr Cyfadran ar ei Adroddiad Blynyddol cyntaf fel Cyfarwyddwr y Gwasanaethau Cymdeithasol a myfyrio ar ddigwyddiadau pwysig y flwyddyn flaenorol yn sgil pandemig Covid, a'r effeithiau ar staff a defnyddwyr y gwasanaeth.  Gwnaeth yr Aelod o'r Cabinet sylwadau ar yr heriau a wynebwyd a sut llwyddwyd i ddarparu gwasanaethau yn barhaus trwy'r pandemig, gan nodi ei fod yn dyst i ymroddiad, ymrwymiad ac ymdrechion staff, nid yn unig yn y gwasanaethau cymdeithasol ond ar draws y Cyngor cyfan.

Parhaodd yr Aelod o'r Cabinet trwy drafod gweledigaethau'r gwasanaeth ar gyfer y dyfodol a'r angen am ymgysylltiad cyhoeddus wrth helpu i lunio'r gwasanaethau hyn i sicrhau eu bod yn addas at y diben.

 

Croesawodd yr Aelod o'r Cabinet ar faterion Plant a Phobl Ifainc yr adroddiad a manteisiodd ar y cyfle i gyfeirio at waith y gwasanaethau ieuenctid a'u dull rhagweithiol o ddarparu gwasanaethau i bobl ifainc y Fwrdeistref Sirol, gan gyfeirio at y ffaith bod y cynnig ar gael i bawb a oedd ei angen wedi'i gynnal ar-lein o fewn 72 awr i'r cyhoeddiad am gyfnod clo.

 

Adleisiodd yr Arweinydd sylwadau'r Aelod o'r Cabinet, gan ddiolch i staff a nodi'r pwysau aruthrol a oedd yn wynebu’r sector gofal cymdeithasol.

 

Ar ôl trafod, PENDERFYNWYD:

 

1.     Cymeradwyo Adroddiad Blynyddol Cyfarwyddwr y Gwasanaethau Cymdeithasol Rhondda Cynon Taf, sydd wedi'i atodi fel Atodiad 1 yr adroddiad.

 


21/09/2021 - Dynodi Tir Yng Nghwm Clydach, Tonypandy A Elwir Ar Hyn O Bryd Yn Barc Cefn Gwlad Cwm Clydach Yn Barc Gwledig ref: 398    Argymhellion wedi'u cymeradwyo

Y sawl sy'n gwneud penderfyniad: Cabinet

Gwnaed yn y cyfarfod: 21/09/2021 - Cabinet

Cyhoeddwyd y penderfyniad: 21/09/2021

Effective from: 25/09/2021

Penderfyniad:

Cyflwynodd Cyfarwyddwr Eiddo'r Cyngor ei adroddiad i'r Aelodau yn gofyn am awdurdod i ddynodi tir a elwir ar hyn o bryd yn 'Barc Cefn Gwlad Cwm Clydach' yng Nghwm Clydach, Tonypandy (Cwm Rhondda Fawr) yn Barc Gwledig yn unol â darpariaethau Deddf Cefn Gwlad 1968.  Dywedwyd wrth yr Aelodau am y rhesymeg dros y cynnig. 

 

Dywedodd y Cyfarwyddwr wrth y Cabinet y byddai ei ddynodi'n Barc Gwledig yn caniatáu i'r Cyngor godi arwyddion Cyrchfan Twristiaeth, nodi statws penodol yr ardal a hyrwyddo'r ardal i ymwelwyr. Byddai'r Gwasanaeth Twristiaeth yn hyrwyddo'r lleoliad yn rhan o gynnig ehangach i ymwelwyr y parc, a fyddai'n cyfrannu at y thema 'gweithgareddau awyr agored' a nodwyd yn Strategaeth Dwristiaeth y Cyngor.  Byddai dynodi'r tir yn Barc Gwledig hefyd yn caniatáu i'r Cyngor a'i bartneriaid wneud cais am arian grant allanol i wella'r cyfleoedd i drigolion ac ymwelwyr a gwella iechyd a lles y bobl sy'n defnyddio'r Parc Gwledig.

 

Gwnaeth yr Aelod o'r Cabinet ar faterion Gwasanaethau Corfforaethol sylwadau cadarnhaol ar y cynnig a'r effaith gadarnhaol y byddai hyn yn ei chael ar ardal leol Cwm Clydach a chodi ymwybyddiaeth ymhellach o ardaloedd cefn gwlad y Fwrdeistref Sirol. Roedd yr Aelod yn gobeithio y byddai'r dynodiad yma'n arwain at ddenu cyllid i'r ardal.

 

Gwnaeth y Dirprwy Arweinydd sylwadau ar y nodweddion ym mharc gwledig Cwm Clydach a soniodd am y gwelliannau y byddai'r dynodiad yma'n ei gynnig i'r nodweddion cadarnhaol sydd eisoes yn bodoli.

 

Ar ôl trafod, PENDERFYNWYD:

1.    Cymeradwyo dynodi darn o dir a elwir ar hyn o bryd yn Barc Cefn Gwlad Cwm Clydach, yn mesur oddeutu 67.2 ha / 166 erw yng Nghwm Clydach, Tonypandy yn 'Barc Gwledig Cwm Clydach' yn unol â darpariaethau Deddf Cefn Gwlad 1968

 


21/09/2021 - Cynllun Corfforaethol Y Cyngor - Blaenoriaethau Buddsoddi ref: 399    Argymhellion wedi'u cymeradwyo

Y sawl sy'n gwneud penderfyniad: Cabinet

Gwnaed yn y cyfarfod: 21/09/2021 - Cabinet

Cyhoeddwyd y penderfyniad: 21/09/2021

Effective from: 21/09/2021

Penderfyniad:

Cyfeiriodd Cyfarwyddwr Materion Cyllid a Digidol at ei adroddiad sy'n nodi'r sefyllfa o ran cyfle'r Cabinet i gynnig bod y Cyngor yn buddsoddi ymhellach yn ei feysydd o flaenoriaeth, yn unol â'r Cynllun Corfforaethol, "Gwneud Gwahaniaeth" 2020-2024. 

 

Soniodd y Cyfarwyddwr am bwysigrwydd buddsoddi mewn meysydd sy'n cefnogi blaenoriaeth allweddol yn y Cynllun Corfforaethol, sydd wedi'i gydnabod eisoes gan y Cyngor, a'r adnoddau ychwanegol o £123 miliwn, ar ben dyraniadau arferol y Rhaglen Gyfalaf sydd wedi'i fuddsoddi ers Hydref 2015.  Esboniodd fod adroddiad arfaethedig y Cyngor yn cynnig parhau i fuddsoddi £6.5 miliwn arall mewn blaenoriaethau allweddol drwy ddefnyddio adnoddau presennol sydd eisoes wedi'u neilltuo ar gyfer buddsoddi mewn seilwaith.

 

Siaradodd yr Arweinydd am y buddsoddiad pwysig yn y seilwaith a'r priffyrdd a siaradodd am y rhaglen ariannu a oedd wedi parhau ochr yn ochr â'r buddsoddiad yr oedd ei angen ar gyfer atgyweiriadau yn dilyn Storm Dennis. Soniodd yr Arweinydd am yr anghyfleustra a brofir weithiau wrth wneud atgyweiriadau a gwaith yn sgil buddsoddiad o'r fath ond soniodd hefyd am y buddion tymor hir.

 

Croesawodd yr Aelod o'r Cabinet ar faterion Gwasanaethau Corfforaethol y £6.5 miliwn ychwanegol a soniodd am y buddsoddiadau a oedd eisoes i'w gweld ledled y Fwrdeistref Sirol.

 

Ar ôl trafod, PENDERFYNWYD:

1.    Cynnig y trefniadau buddsoddi ac ariannu ychwanegol fel y'u nodwyd yn Atodiad A yr adroddiad cafodd ei gyflwyno i'r Cyngor yn ei gyfarfod ar 29 Medi 2021

 


21/09/2021 - Adolygu Rheoliadau, Ymwybyddiaeth A Gorfodi Deddfwriaeth Llifogydd A Dwr ref: 395    Argymhellion wedi'u cymeradwyo

Y sawl sy'n gwneud penderfyniad: Cabinet

Gwnaed yn y cyfarfod: 21/09/2021 - Cabinet

Cyhoeddwyd y penderfyniad: 21/09/2021

Effective from: 21/09/2021

Penderfyniad:

Cyflwynodd Cyfarwyddwr Gwasanaeth y Priffyrdd a Gwasanaethau Rheng Flaen drosolwg o'i adroddiad a rhannodd fanylion am yr adolygiad yn trafod rheoleiddio, ymwybyddiaeth a gorfodi deddfwriaeth llifogydd a d?r i'w gynnal gan y Cyngor yn dilyn Storm Dennis.

 

Manteisiodd y Cyfarwyddwr ar y cyfle i gynghori Aelodau ymhellach mewn perthynas â sefydlu Carfan Ymwybyddiaeth a Gorfodi Llifogydd arbennig a chyflwyno mwy o reoleiddio trwy ddeddfu Is-ddeddfau Draenio Tir o dan A66 Deddf Draenio Tir 1991.

 

Dywedwyd wrth yr Aelodau bod Strategaeth Genedlaethol Risg Llifogydd Llywodraeth Cymru a gyhoeddwyd ym mis Hydref 2020 yn sbarduno'r gofyniad o dan Adran 10 Deddf Rheoli Llifogydd a D?r 2010 i'r Cyngor fel Awdurdod Llifogydd Lleol Arweiniol i adolygu'r Strategaeth Rheoli Risg Llifogydd Lleol. Amlygwyd felly y cyfle i osod strategaeth gynaliadwy i reoli risg llifogydd, meithrin gwytnwch a hwyluso gwaith addasu ar gyfer cenedlaethau'r dyfodol. 

 

Byddai mabwysiadu'r is-ddeddfau a chreu'r garfan orfodi a'r swyddog cymorth ac ymwybyddiaeth llifogydd hefyd yn helpu i amddiffyn yr asedau sydd gan y Cyngor, yn atal risgiau newydd rhag cael eu creu, yn adeiladu gwytnwch o fewn cymunedau ac yn y pen draw yn helpu cymunedau i addasu i'r sgil effaith penodol yma o newid yn yr hinsawdd. Yn ogystal, bydd y datblygiadau yma'n darparu gwybodaeth werthfawr i fwydo'r Adolygiad i Strategaeth Risg Llifogydd Lleol i ddarparu strategaeth gadarn i reoli'r risg gynyddol o lifogydd yn sgil newid yn yr hinsawdd.

 

Cyfeiriodd Arweinydd y Cyngor at yr adroddiad a gyflwynwyd i'r Cabinet ym mis Rhagfyr 2020 a'r argymhellion a ddaeth yn ei sgil, gan gyfeirio at yr angen am swyddog gorfodi a chyfeirio'n benodol at gyrsiau d?r ar dir preifat a'r angen i godi ymwybyddiaeth o fewn cymunedau a gwneud cymunedau'n fwy gwydn i atal llifogydd.

 

Gwnaeth y Dirprwy Arweinydd sylwadau ar lifogydd blaenorol yn ei ward a chyfeiriodd at y gefnogaeth a ddarparwyd gan Gymdeithas Tai Newydd, a ddarparodd lefel uchel o ddiogelwch i'w thrigolion a'r ddyletswydd a osodwyd ar landlordiaid i'w tenantiaid.

 

Croesawodd yr Aelod o'r Cabinet ar faterion yr Amgylchedd, Hamdden, a Gwasanaethau Treftadaeth y syniad o sefydlu carfan gorfodi a'r angen i'r Cyngor weithio gyda chymunedau i sicrhau bod cymunedau'n gweithio'n rhagweithiol yn hytrach nag yn ymatebol i unrhyw lifogydd.

 

Gyda chytundeb yr Arweinydd, anerchodd y Cynghorydd Bwrdeistref Sirol P Jarman y Pwyllgor ar yr adeg yma yn y cyfarfod. Ymatebodd yr Arweinydd iddi gan gynghori, gyda chytundeb yr Aelodau, y gellid darparu sesiwn wybodaeth i Aelodau mewn perthynas â'r is-ddeddfau cyn cyflwyno adroddiad i'r Cyngor ar ddiwedd y mis.

 

Ar ôl trafod, PENDERFYNWYD:

1.       Creu carfan gorfodi a'r swydd fel y nodir yn Adran 4.3 ac Adran 7 yr adroddiad.

2.       Creu swydd Swyddog Cymorth ac Ymwybyddiaeth Llifogydd fel y nodir yn Adran 4.4 yr adroddiad

3.       Bod swyddogion yn cychwyn y broses ar gyfer mabwysiadu'r is-ddeddfau draenio ac yn cyfeirio'r mater at y Cyngor i'w drafod, gyda sesiwn wybodaeth yn cael ei darparu i'r holl Aelodau cyn cyfarfod y Cyngor.

4.       Nodi'r cynnig i adolygu goblygiadau ymarferol y gwaith gweithredu cyn pen 12 mis ar ôl sefydlu'r is-ddeddfau a'r garfan gorfodi newydd i ystyried a yw'r adnoddau'n cyfateb i'r llwyth gwaith.

5.       Bod y goblygiadau ariannol ar gyfer y flwyddyn gyfredol yn dod o adnoddau sy'n bodoli'n barod. Diweddaru'r Cynllun Ariannol Tymor Canolig ar gyfer 2022/23 gyda'r costau refeniw parhaus ychwanegol


21/09/2021 - Ffyrdd Heb Eu Mabwysiadu ref: 396    Argymhellion wedi'u cymeradwyo

Y sawl sy'n gwneud penderfyniad: Cabinet

Gwnaed yn y cyfarfod: 21/09/2021 - Cabinet

Cyhoeddwyd y penderfyniad: 21/09/2021

Effective from: 25/09/2021

Penderfyniad:

Darparodd y Cyfarwyddwr Gwasanaeth, Gwasanaethau Rheng Flaen drosolwg o'i adroddiad a gynigiodd raglen beilot o waith i strydoedd preifat nad yw'r Cyngor yn credu eu bod yn cyrraedd safonau'r Cyngor o ran gwaith carthffos, lefelau, gosod palmantau, arwyneb y ffordd, fflagio, sianeli, goleuo a gwelliannau. Dywedwyd wrth yr Aelodau bod oddeutu 190km o strydoedd preifat wedi'u nodi ar draws RhCT ynghyd â nifer anhysbys o strydoedd preifat anhysbys. Mae mwy na 90% o strydoedd preifat wedi'u nodi.

 

Dywedwyd wrth yr Aelodau fod Llywodraeth Cymru wedi dyrannu cyllid i brosiect peilot i gynorthwyo cynghorau i wneud gwaith i ddod â strydoedd preifat i safon addas ac i'w mabwysiadu fel priffyrdd y gellir eu cynnal ar draul y cyhoedd.  Rhannwyd i'r Cyngor gyflwyno cynnig llwyddiannus am £157,000 o gyllid i wneud gwaith ar stryd breifat yn Belle Vue, a gofynnodd y Cyfarwyddwr am gymeradwyaeth y Cyngor i symud ymlaen â gwaith ar stryd breifat yn Belle Vue, Trecynon gan ddefnyddio cyllid grant Llywodraeth Cymru.

 

Cyfeiriodd yr Arweinydd at ei ran ar un o weithgorau Llywodraeth Cymru yn edrych ar faterion o'r fath gan ei fod yn broblem ledled Cymru.  Cyfeiriodd yr Arweinydd at y cyllid gan Lywodraeth Cymru a'r ardal a awgrymwyd ar gyfer y buddsoddi yn Belle Vue a chyfeiriodd hefyd at y 6 ardal a nodwyd gan y Cyngor ar gyfer y rhaglen beilot.  Gwnaeth yr Arweinydd sylwadau am yr ymateb cadarnhaol i waith ymgysylltu gyda'r cyhoedd.

 

Croesawodd yr Aelod o'r Cabinet ar faterion yr Amgylchedd, Hamdden a Gwasanaethau Treftadaeth y rhaglen beilot a’r cyllid a gafwyd gan Lywodraeth Cymru.

 

Yna, anerchodd y Cynghorydd Bwrdeistref Sirol P Jarman y Pwyllgor.

 

Ar ôl trafod, PENDERFYNWYD:

 

1.    Nodi a chymeradwyo'r strydoedd sydd wedi'u rhestru i fod yn rhan o'r prosiect peilot yn Atodiad A yr adroddiad.

 

2.    Penderfynu nad yw'r gwaith carthffosiaeth, lefelau, palmentydd, arwyneb y ffordd, gwaith fflagio, sianeli na golau stryd ar y strydoedd sydd wedi'u rhestru yn Atodiad A yn cyrraedd safon yr Awdurdod.

 

3.    Cyfarwyddo'r Cyfarwyddwr Gwasanaeth - Gwasanaethau Rheng Flaen i baratoi cynlluniau, amcangyfrifon a dosraniadau dros dro a chyflwyno'r rhain i'w cymeradwyo mewn adroddiad yn y dyfodol i Gyfarwyddwr Cyfadran - Ffyniant, Datblygu, a Gwasanaethau Rheng Flaen i'w hystyried a'u cymeradwyo ar y cyd â deiliad y portffolio.

 

4.    Nodi a chymeradwyo'r gwaith arfaethedig a'r amcangyfrif ar gyfer Belle Vue, Trecynon fel y dangosir yn Atodiad B yr adroddiad. 

 

5.    Fydd perchnogion yr eiddo ar y ffyrdd ddim yn gyfrifol am dalu unrhyw gostau


21/09/2021 - Rhaglen Ysgolion Yr 21ain Ganrif - Cynnig I Wella'r Ddarpariaeth Addysg Yn Ysgol Gynradd Gymraeg Llyn Y Forwyn ref: 397    Argymhellion wedi'u cymeradwyo

Y sawl sy'n gwneud penderfyniad: Cabinet

Gwnaed yn y cyfarfod: 21/09/2021 - Cabinet

Cyhoeddwyd y penderfyniad: 21/09/2021

Effective from: 25/09/2021

Penderfyniad:

Adroddodd Cyfarwyddwr Gwasanaeth Ysgolion yr 21ain Ganrif a Thrawsnewid am ddeilliant cyhoeddi'r Hysbysiad Statudol diweddar ynghylch y cynnig i gynnal newidiadau a reoleiddir yn Ysgol Gynradd Gymraeg Llyn y Forwyn trwy symud yr ysgol i adeilad newydd ar safle newydd.

 

Dywedwyd wrth yr Aelodau, yn dilyn cyfarfod y Cabinet a gynhaliwyd ar 17 Mehefin 2021, y penderfynwyd symud ymlaen i gam nesaf y broses statudol a chyhoeddi'r Hysbysiad Statudol angenrheidiol. Cyhoeddwyd yr Hysbysiad Statudol ar 25 Mehefin 2021, gan ddechrau'r Cyfnod Gwrthwynebu.  Roedd yr hysbysiad yn para am gyfnod o 28 diwrnod a dywedwyd wrth yr Aelodau na chyflwynwyd unrhyw wrthwynebiadau na sylwadau yn ystod y cyfnod.

 

Gwnaeth yr Aelod o'r Cabinet dros Addysg a Chynhwysiant sylwadau ar y cynllun uchelgeisiol sy'n cael ei ddatblygu a'r angen i drawsnewid yr ysgol i sicrhau'r addysg orau i bobl ifainc y Fwrdeistref Sirol. Siaradodd yr Aelod o'r Cabinet am yr ymateb cadarnhaol i'r cynllun. Cafodd hyn ei bwysleisio ymhellach gan na dderbyniwyd unrhyw wrthwynebiadau yn ystod y cyfnod gwrthwynebiadau.

 

Croesawodd y Dirprwy Arweinydd y buddsoddiad pellach yn yr ysgolion yn y Fwrdeistref Sirol. Mynegodd yr Arweinydd ei fod yntau'n croesawu'r buddsoddiad hefyd.

 

Ar ôl trafod, PENDERFYNWYD:

1.    Nodi na dderbyniwyd unrhyw wrthwynebiadau, na sylwadau mewn ymateb i gyhoeddiad yr hysbysiad statudol i weithredu'r cynnig yma.

 

2.    Gweithredu'r cynnig heb unrhyw newidiadau.

 

3.    Derbyn adroddiadau pellach wrth i'r prosiect ddatblygu a symud ymlaen trwy brosesau cymeradwyo Ysgolion a Cholegau'r 21ain Ganrif Llywodraeth Cymru.

 


21/09/2021 - Bwrdd Rhianta Corfforaethol - Adroddiad Blynyddol ref: 394    Argymhellion wedi'u cymeradwyo

Y sawl sy'n gwneud penderfyniad: Cabinet

Gwnaed yn y cyfarfod: 21/09/2021 - Cabinet

Cyhoeddwyd y penderfyniad: 21/09/2021

Effective from: 25/09/2021

Penderfyniad:

Rhannodd y Cyfarwyddwr Gwasanaeth - Gwasanaethau Democrataidd a Chyfathrebu Adroddiad Blynyddol y Bwrdd Rhianta Corfforaethol ar gyfer 2020 - 2021 â'r Aelodau, a amlinellodd waith y Bwrdd trwy gydol Blwyddyn y Cyngor.  Dywedwyd wrth yr Aelodau bod yr adroddiad hefyd yn cynnwys y meysydd blaenoriaeth y byddai'r Bwrdd yn eu trafod yn y dyfodol er mwyn sicrhau bod y Cyngor yn gwella'r gwasanaethau mae'n eu darparu i blant a phobl ifainc sy'n derbyn gofal.

 

Manteisiodd yr Aelod o'r Cabinet ar faterion Plant a Phobl Ifainc a Chadeirydd y Bwrdd ar y cyfle i ddiolch i holl Aelodau'r Bwrdd am eu gwaith dros y flwyddyn ddiwethaf, fel yr adlewyrchir yn yr adroddiad a'r gwaith cadarnhaol a ddatblygwyd yn y gwasanaeth er budd y plant a'r bobl ifainc sy'n derbyn gofal. Cofnododd hefyd ei diolch i'r staff yn y gwasanaeth am barhau i gyflawni yn ystod y pandemig.

 

Adleisiodd yr Aelod o'r Cabinet ar faterion Gwasanaethau i Oedolion a'r Gymraeg y sylwadau a wnaed ac fel Is-gadeirydd y Bwrdd, talodd deyrnged i'r Cadeirydd am ei stiwardiaeth yn ystod y flwyddyn.

 

PENDERFYNWYD:

1.    Nodi Adroddiad Blynyddol y Bwrdd Rhianta Corfforaethol ar gyfer 2020/21

 


21/09/2021 - Adroddiad Cyflawniad Ac Adnoddau'r Cyngor (Ch1) ref: 400    Argymhellion wedi'u cymeradwyo

Y sawl sy'n gwneud penderfyniad: Cabinet

Gwnaed yn y cyfarfod: 21/09/2021 - Cabinet

Cyhoeddwyd y penderfyniad: 21/09/2021

Effective from: 21/09/2021

Penderfyniad:

Rhoddodd Cyfarwyddwr Gwasanaeth - Gwasanaethau Cyllid a Gwella, drosolwg i'r Aelodau am gyflawniad y Cyngor dros dri mis cyntaf y flwyddyn ariannol hon (hyd at 30 Mehefin 2021), o ran materion ariannol a gweithredol.

 

Dywedodd y Cyfarwyddwr Gwasanaeth fod yr adroddiad wedi'i lunio yng nghyd-destun pandemig Covid-19 a'i fod yn parhau i achosi heriau sylweddol wrth ddarparu Gwasanaethau'r Cyngor ochr yn ochr â chostau ychwanegol sylweddol a cholledion incwm sydd, hyd yma, wedi gweld y rhan fwyaf o achosion yn cael eu hariannu gan Lywodraeth Cymru.

 

Dywedwyd wrth yr Aelodau fod sefyllfa cyllideb refeniw Chwarter 1 yn rhagamcanu gorwariant o £0.415 miliwn, a oedd yn amcanestyniad cynnar ar gyfer y flwyddyn lawn ac sy'n adlewyrchu effaith y newidiadau a ragwelir yn y galw hyd at ddiwedd y flwyddyn, gyda phwysau yn bennaf o fewn y Gwasanaethau Gofal Cymdeithasol i Oedolion a'r Gwasanaethau i Blant. Mae'n ystyried costau ychwanegol a cholledion incwm a ragwelir o ganlyniad uniongyrchol i bandemig Covid-19 (gan dybio eu bod yn cael eu hariannu'n llawn gan Lywodraeth Cymru).  Dywedodd y Cyfarwyddwr Gwasanaeth y bydd gwaith yn parhau i fonitro sefyllfa ariannol y Cyngor, adnewyddu rhagolygon ariannol wrth i wybodaeth wedi'i diweddaru ddod ar gael a pharhau i ymgysylltu â Llywodraeth Cymru i dynnu sylw at bwysigrwydd darparu cyllid ychwanegol i gefnogi goblygiadau ariannol Covid-19 a phwysau parhaus costau parhaol.

 

Roedd buddsoddiad cyfalaf ar 30 Mehefin 2019 yn £10.624 miliwn, gyda nifer o gynlluniau yn cael eu hail-broffilio yn ystod y chwarter i adlewyrchu newidiadau mewn costau yn ogystal â cheisiadau am grant allanol newydd sydd wedi'u cymeradwyo. Mae'r gwariant hyd yma yn cynrychioli parhad rhaglen fuddsoddi tymor hir sy'n cefnogi gwelliannau gweladwy i seilwaith ac asedau ledled y Fwrdeistref Sirol, a hynny gan ystyried gofynion diogelwch Covid-19.

 

O ran blaenoriaethau Cynllun Corfforaethol y Cyngor, sef 'Pobl, Lleoedd a Ffyniant', gwnaed cynnydd da ar y cyfan yn ystod tri mis cyntaf y flwyddyn.

 

Daeth y Cyfarwyddwr Gwasanaeth â'i adroddiad i ben drwy rannu'r trydydd diweddariad cynnydd parthed cyflwyno argymhellion i wella ymateb y Cyngor i dywydd garw, roedd y Cyngor mewn lle da, gyda chamau allweddol yn cael eu datblygu i ddangos cyfeiriad clir ar gyfer y dyfodol.

 

Diolchodd yr Aelod o'r Cabinet ar faterion Gwasanaethau Corfforaethol i swyddogion am yr adroddiad a gwnaeth sylwadau ar y gorwariant a ragwelir a'r pwysau sy'n wynebu'r Cyngor mewn perthynas â'r gwasanaethau cymdeithasol a'r angen am gefnogaeth barhaus gan Lywodraeth Cymru i gynorthwyo i leddfu'r pwysau hyn.  Croesawodd yr Aelod o'r Cabinet y buddsoddiad parhaus yn y rhaglen gyfalaf a'r gwaith parhaus a wnaed a oedd yn cyd-fynd â'r gwaith adfer sydd ei angen ar draws y Fwrdeistref Sirol yn dilyn y tywydd garw.  Talodd yr Aelod o'r Cabinet deyrnged i staff y Cyngor a siaradodd am y pwysau ychwanegol a roddir ar wasanaethau oherwydd y pandemig a allai fod wedi cael effaith ar y cynnydd bach yn lefelau salwch.

Parhaodd yr Aelod o'r Cabinet trwy ddarparu trosolwg manwl o waith cadarnhaol y Cyngor mewn ystod o wahanol wasanaethau a oedd yn edrych yn bennaf ar wella'r gwasanaethau a ddarperir i drigolion Rhondda Cynon Taf.

 

Adleisiodd yr Arweinydd sylwadau'r Aelod i'r Cabinet a soniodd am sut llwyddodd y Cyngor i barhau i ddarparu ei wasanaethau craidd yn ystod y pandemig a sut datblygwyd gwasanaethau newydd i helpu i gefnogi preswylwyr a phartneriaid yn ystod yr amser yma, drwy ffyrdd arloesol o feddwl a darparu gwasanaethau i sicrhau diogelwch pawb.

 

Manteisiodd y Dirprwy Arweinydd ar y cyfle i dalu teyrnged i waith caled ac ymroddiad staff y Cyngor yn ystod y pandemig a thu hwnt.

 

Siaradodd yr Aelod o'r Cabinet ar faterion Gofal Cymdeithasol i Oedolion a’r Gymraeg am y pwysau a roddir ar y sector gofal cymdeithasol a’r angen i Lywodraeth Cymru fod yn effro i’r pwysau a’r angen am gymorth ychwanegol yn y maes yma ac unwaith eto talodd deyrnged i’r staff yn y sector sy'n mynd y tu hwnt i'r disgwyl er budd eraill.

 

Dywedodd yr Arweinydd fod pwysau aruthrol ar wasanaethau gofal cymdeithasol ledled Cymru a chroesawodd unrhyw arian ychwanegol y gellid ei sicrhau gan Lywodraeth Cymru.

 

Ar ôl trafod, PENDERFYNWYD:

 

1.       Nodi effaith barhaus pandemig Covid-19 ar ddarparu gwasanaethau ac, ochr yn ochr, ailgyflwyno gwasanaethau wrth i gyfyngiadau Covid-19 gael eu codi'n raddol

 

Refeniw

 

2.       Nodi a chytuno ar sefyllfa alldro refeniw'r Gronfa Gyffredinol ar 30 Mehefin 2021 (Adran 2 o'r Crynodeb Gweithredol) a nodi'r cyllid parhaus gan Lywodraeth Cymru i gefnogi gwasanaethau yn sgil Covid-19.

 

Cyfalaf

 

3.       Nodi sefyllfa alldro cyfalaf y Cyngor fel y mae ar 30 Mehefin 2021 (Adrannau 3a-e o'r Crynodeb Gweithredol).

 

4.       Nodi manylion Dangosyddion Materion Darbodusrwydd Cylch Rheoli’r Trysorlys fel y mae ar 30 Mehefin 2019 (Adran 3f o'r Crynodeb Gweithredol).

 

Blaenoriaethau'r Cynllun Corfforaethol

 

5.       Nodi diweddariadau cynnydd Chwarter 2 ar gyfer blaenoriaethau Cynllun Corfforaethol y Cyngor (Adrannau 5 a - c o'r Crynodeb Gweithredol).

 

6.       Nodi'r adroddiad cynnydd i wella ymateb tymor byr a thymor hir y Cyngor i ddigwyddiadau tywydd eithafol (adran 6 o'r Grynodeb Weithredol)

 


21/09/2021 - Rhaglen Waith Y Cabinet ref: 393    Argymhellion wedi'u cymeradwyo

Y sawl sy'n gwneud penderfyniad: Cabinet

Gwnaed yn y cyfarfod: 21/09/2021 - Cabinet

Cyhoeddwyd y penderfyniad: 21/09/2021

Effective from: 25/09/2021

Penderfyniad:

Darparodd y Cyfarwyddwr Gwasanaeth – Gwasanaethau Democrataidd a Chyfathrebu raglen waith ddrafft ar gyfer Blwyddyn y Cyngor 2021-22 i'r Aelodau, a oedd yn rhestru'r materion y mae angen i'r Cabinet eu hystyried.  

 

Cafodd yr Aelodau eu cyfeirio at Atodiad 1 yr adroddiad a dywedwyd wrthyn nhw bod y rhaglen yn ddogfen fyw fel bydd modd ychwanegu neu ddileu adroddiadau yn ystod y flwyddyn. Atgoffodd y Cyfarwyddwr Gwasanaeth yr Aelodau, mewn ymateb i ofynion Deddf Llywodraeth Leol ac Etholiadau (Cymru) 2021, y cytunwyd yn 26ain Cyfarfod Cyffredinol Blynyddol y Cyngor y byddai manylion pellach yn cael eu darparu yn Rhaglen Waith y Cabinet yn y dyfodol. Bwriad hyn yw caniatáu digon o gyfle i ymgynghori ac i gynnal y gwaith cyn y cam craffu ac, o'r herwydd, mae cyfansoddiad y Cyngor wedi'i ddiwygio i adlewyrchu'r newidiadau hynny.

 

Hysbysodd y Cyfarwyddwr Gwasanaeth yr Aelodau y byddai cynnwys y Rhaglen Waith yn cefnogi trafodaethau rhwng Cadeiryddion Craffu ac Aelodau'r Cabinet mewn sesiynau ymgysylltu yn y dyfodol ac, o ganlyniad, yn helpu i lunio Rhaglenni Gwaith y Pwyllgorau Craffu yn y dyfodol.

 

Nododd y Dirprwy Arweinydd gynnwys y rhaglen waith ddrafft a nododd fod Deddf Llywodraeth Leol ac Etholiadau (Cymru) 2021 yn mynnu bod yn rhaid i wybodaeth am benderfyniadau gweithredol sydd ar ddod fod ar gael i'r Pwyllgor Trosolwg a Chraffu, er mwyn sicrhau bod y Pwyllgorau yn meddu ar yr holl wybodaeth berthnasol i ymgymryd â nhw a chynllunio eu gwaith yn well. Cydnabu'r Dirprwy Arweinydd y byddai datblygu Rhaglen Waith gywir a chadarn ar gyfer y Cabinet yn cryfhau trefniadau Llywodraethu cadarn yr Awdurdod Lleol ymhellach.

 

PENDERFYNWYD cymeradwyo'r Rhaglen Waith ar gyfer Blwyddyn y Cyngor 2021-22 (gan addasu'n briodol ar ôl yr angen) a chael yr wybodaeth ddiweddaraf bob 3 mis.