Agenda a Chofnodion
Lleoliad: Siambr y Cyngor, Y Pafiliynau, Parc Hen Lofa'r Cambrian, Cwm Clydach, Tonypandy CF40 2XX
Cyswllt: Hannah Williams - Uned Busnes y Cyngor - Gwasanaethau Llywodraethol 01443 424062
Rhif | eitem |
---|---|
Ymddiheuriadau Cofnodion: Derbyniwyd ymddiheuriadau am absenoldeb gan Gynghorwyr y Fwrdeistref Sirol P Howe ac S Morgans.
|
|
Datgan Buddiant Derbyn datganiadau o fuddiannau personol gan Aelodau, yn unol â gofynion y Cod Ymddygiad.
Noder:
1. Mae gofyn i Aelodau ddatgan rhif a phwnc yr agendwm mae eu buddiant yn ymwneud ag ef a mynegi natur y buddiant personol hwnnw; a 2. Lle bo Aelodau'n ymneilltuo o'r cyfarfod o ganlyniad i ddatgelu buddiant sy'n rhagfarnu, mae rhaid iddyn nhw roi gwybod i'r Cadeirydd pan fyddan nhw'n gadael. Cofnodion: Yn unol â Chod Ymddygiad y Cyngor, doedd dim datganiadau o fuddiant yngl?n â'r agenda.
|
|
Deddf Hawliau Dynol 1998 a'r Ddeddf Trosedd ac Anhrefn I'w nodi: Pan fydd Aelodau'n ystyried y materion trwyddedu a chofrestru sydd ger eu bron, mae dyletswydd arnyn nhw i beidio â gweithredu mewn modd sy'n anghydnaws â'r confensiwn ar Hawliau Dynol a'r Ddeddf Trosedd ac Anhrefn. Cofnodion: PENDERFYNWYD nodi pan fydd Aelodau'n ystyried y materion trwyddedu a chofrestru sydd ger eu bron, mae dyletswydd arnyn nhw i beidio â gweithredu mewn modd sy'n anghydnaws â'r confensiwn ar Hawliau Dynol a'r Ddeddf Trosedd ac Anhrefn.
|
|
Cymeradwyo cofnodion cyfarfod y Pwyllgor Trwyddedu (yn gweithredu yn unol â'i swyddogaeth o dan ddeddf Trwyddedu 2003) a gynhaliwyd 10 Medi 2019. Cofnodion: PENDERFYNWYD cymeradwyo cofnodion y cyfarfod a gynhaliwyd ar 10 Medi, 2019 yn rhai cywir.
|
|
Adolygiad o Ddeddf Trwyddedu 2003 ac o Ddeddf Gamblo 2005 PDF 129 KB Dogfennau ychwanegol: Cofnodion: Cyflwynodd y Cyfarwyddwr Gwasanaeth – Diogelwch y Cyhoedd adroddiad chwarterol i'r Pwyllgor. Roedd yr adroddiad yn trafod materion perthnasol mewn perthynas â Deddf Trwyddedu 2003 a Deddf Gamblo 2005, yn ogystal â materion atodol eraill sy'n codi o gyfrifoldebau'r Pwyllgor.
Dywedodd y Cyfarwyddwr Gwasanaeth – Diogelwch y Cyhoedd wrth y Pwyllgor fod y Datganiad Polisi Trwyddedu newydd ar gyfer 2020-2025 wedi'i gymeradwyo gan y Cyngor yn ei gyfarfod a gynhaliwyd ar 27 Tachwedd 2019 gyda'r bwriad y bydd y datganiad newydd yn dod i rym o 7 Ionawr 2020.
Adroddwyd y bu nifer uchel o Hysbysiadau Digwyddiadau Dros Dro yn ystod y cyfnod, oherwydd digwyddiadau fel Cwpan Rygbi'r Byd, Calan Gaeaf a Noson Tân Gwyllt yn ystod yr amser hwn.
Nid oedd unrhyw geisiadau a wrthwynebwyd i adrodd amdanynt ond roedd penderfyniad yngl?n ag un apêl ers y cyfarfod diwethaf. Cafodd yr Aelodau wybod bod cyfnod ataliad Chicken and Kebab Land wedi'i ostwng yn dilyn yr Apêl, o dri mis i bythefnos. Cafodd yr aelodau eu cyfeirio at adran 4.3 yr adroddiad a oedd yn amlinellu canlyniadau archwiliadau eiddo a thorcyfraith. Mae'r lefel cyflawniad ar gyfer eiddo sydd wedi'u harchwilio yn parhau yn 91%, sy'n gyson â'r canlyniadau blaenorol.
Adroddodd y Cyfarwyddwr Gwasanaeth fod Pub Watch Pontypridd wedi dod yn ail yng ngwobrau Pub Watch cenedlaethol blynyddol, gyda chydnabyddiaeth i’w waith yn diogelu pobl sy'n agored i niwed a'i berthynas waith agos gyda'r Ardal Gwella Busnes. Hefyd, cafwyd cadarnhad bod Pub Watch Trefforest, sy'n gr?p annibynnol, wedi ailddechrau.
Dywedwyd wrth yr aelodau am ganlyniad ymarfer gyda'r nos a gynhaliwyd gan swyddogion trwyddedu yn dilyn honiadau o yfed dan oed yn ardal Cwm Cynon. Cafodd gwybodaeth bellach am faterion eraill mewn perthynas ag eiddo yn Aberdâr ei hadrodd hefyd. O ganlyniad cafodd mesurau eu gweithredu i fynd i’r afael ag ymddygiad gwrthgymdeithasol, fel Teledu Cylch Cyfyng a darpariaeth ar gyfer canfod cwsmeriaid sydd â chyllyll yn eu meddiant.
Adroddwyd ar nifer o faterion eraill ledled y Fwrdeistref Sirol megis materion parhaus yngl?n â diffyg cydymffurfio yn ardal y Tymbl ym Mhontypridd.
I gloi, diweddarodd y Cyfarwyddwr Gwasanaeth y Pwyllgor yngl?n â materion yn ymwneud â Deddf Gamblo 2005.
Ar ôl trafod, PENDERFYNWYD:-
(i) Nodi cynnwys yr adroddiad ar faterion Deddf Trwyddedu 2003, a gafodd ei ddarparu er gwybodaeth; (ii) Nodi cynnwys Deddf Gamblo 2005, a gafodd ei ddarparu er gwybodaeth.
|
|
Trafod Cadarnhau'r Cynnig Isod yn Benderfyniad:- “Bod y cyfarfod hwn yn cadw aelodau o'r wasg ac aelodau o'r cyhoedd allan o ystafell y cyfarfod, dan Adran 100A(4) o Ddeddf Llywodraeth Leol 1972 (fel y'i diwygiwyd), yn ystod trafod yr agendwm nesaf, ar y sail y byddai'n debygol o olygu datgelu gwybodaeth eithriedig yn ôl diffiniad paragraff 13 o Ran 4 o Atodlen 12A o'r Ddeddf.” Cofnodion: PENDERFYNWYD bod y cyfarfod hwn yn cadw aelodau o'r wasg ac aelodau o'r cyhoedd allan o ystafell y cyfarfod, dan Adran 100A(4) o Ddeddf Llywodraeth Leol 1972 (fel y'i diwygiwyd), yn ystod trafod yr agendwm nesaf, ar y sail y byddai'n debygol o olygu datgelu gwybodaeth eithriedig yn ôl diffiniad paragraff 13 o Ran 4 o Atodlen 12A o'r Ddeddf.
|
|
Trwyddedau a Chofrestriadau a Gyhoeddwyd o dan Ddarpariaeth Pwerau Dirprwyedig ar gyfer y cyfnod: 26.08.19 - 27.11.19 (i) Trwyddedau Personol (ii) Trwyddedau Safle Cofnodion: Rhoddodd y Cyfarwyddwr Gwasanaeth – Diogelwch y Cyhoedd fanylion i'r Pwyllgor am drwyddedau a chofrestriadau a gyhoeddwyd yn ystod y cyfnod o 26 Awst 2019 i 27 Tachwedd 2019.
Yn dilyn trafod, PENDERFYNWYD nodi cynnwys yr adroddiad.
|