Agenda a Chofnodion

Derbyn datganiadau o fuddiannau personol gan Aelodau, yn unol â gofynion y Cod Ymddygiad.

Nodwch:

1.    Mae gofyn i Aelodau ddatgan rhif a phwnc yr agendwm mae eu buddiant yn ymwneud ag ef a mynegi natur y buddiant personol hwnnw; a 

2.    Lle bo Aelodau'n ymneilltuo o'r cyfarfod o ganlyniad i ddatgelu buddiant sy'n rhagfarnu, mae rhaid iddyn nhw roi gwybod i'r Cadeirydd pan fyddan nhw'n gadael.

Yn unol â'r Cod Ymddygiad, gwnaeth Cynghorydd y Fwrdeistref Sirol G Hughes ddatganiad buddiant personol yngl?n â Chais Rhif: 20/0654/10 - Cadw dec uchel a chodi adeilad allanol yn yr ardd gefn. Bynglo Philden, Stryd Rhys, Trealaw, Tonypandy, CF40 2QQ.

“Rydw i'n adnabod yr ymgeisydd”.

Nodi y dylai Aelodau o'r Pwyllgor, wrth benderfynu materion rheoli datblygu ger eu bron, roi sylw i'r Cynllun Datblygu ac, i'r graddau y bo hynny yn berthnasol, i unrhyw ystyriaethau perthnasol eraill. Rhaid i Aelodau, wrth ddod i benderfyniadau, sicrhau nad ydyn nhw'n gweithredu mewn modd sy'n anghyson â'r Confensiwn Ewropeaidd ar Hawliau Dynol fel y'i hymgorfforwyd mewn deddfwriaeth gan Ddeddf Hawliau Dynol 1998.

PENDERFYNWYD nodi y dylai Aelodau o'r Pwyllgor, wrth benderfynu ar faterion rheoli datblygu ger eu bron, roi sylw i'r Cynllun Datblygu ac, i'r graddau y bo hynny yn berthnasol, i unrhyw ystyriaethau perthnasol eraill. Rhaid i Aelodau, wrth ddod i benderfyniadau, sicrhau nad ydyn nhw'n gweithredu mewn modd sy'n anghyson â'r Confensiwn Ewropeaidd ar Hawliau Dynol fel y'i hymgorfforwyd mewn deddfwriaeth gan Ddeddf Hawliau Dynol 1998.

Nodi bod Deddf Llesiant Cenedlaethau’r Dyfodol (Cymru) 2015 yn gosod dyletswydd ar gyrff cyhoeddus i gynnal datblygiadau cynaliadwy yn unol â'r egwyddor datblygu cynaliadwy, ac i weithredu mewn modd sy'n anelu at sicrhau y caiff anghenion y presennol eu diwallu heb amharu ar allu cenedlaethau'r dyfodol i ddiwallu eu hanghenion hwythau.

PENDERFYNWYD nodi bod Deddf Llesiant Cenedlaethau'r Dyfodol (Cymru) 2015 yn gosod dyletswydd ar gyrff cyhoeddus i gynnal datblygiadau cynaliadwy yn unol â'r egwyddor datblygu cynaliadwy, ac i weithredu mewn modd sy'n anelu at sicrhau y caiff anghenion y presennol eu diwallu heb amharu ar allu cenedlaethau'r dyfodol i ddiwallu eu hanghenion nhw.

Cadarnhau cofnodion o gyfarfod y Pwyllgor Cynllunio a Datblygu a gynhaliwyd ar 20 Awst 2020 yn rhai cywir.

PENDERFYNWYD cadarnhau'r cofnodion o gyfarfod y Pwyllgor Cynllunio a Datblygu a gynhaliwyd ar 20 Awst 2020 yn rhai cywir. 

Cytunodd y Pwyllgor y byddai'r agenda yn cael ei ystyried mewn trefn wahanol yn unol â'r manylion yn y cofnodion isod.

Cadw dec uchel a chodi adeilad allanol yn yr ardd gefn.

Bynglo Philden, Stryd Rhys, Trealaw, Tonypandy, CF40 2QQ

Cadw dec uchel a chodi adeilad allanol yn yr ardd gefn. Bynglo Philden, Stryd Rhys, Trealaw, Tonypandy, CF40 2QQ

Yn unol â'r gweithdrefnau a gafodd eu mabwysiadu, derbyniodd y Pwyllgor y siaradwyr cyhoeddus canlynol a gafodd bum munud yr un i annerch yr Aelodau yngl?n â'r cynnig uchod:

·         Ms Lisa Bruford (Ymgeisydd)

·         Ms Kathryn Lee (Gwrthwynebydd)

·         Ms Debbie Jones (Gwrthwynebydd)

Arferodd yr Ymgeisydd, Ms Lisa Bruford, yr hawl i ymateb i'r sylwadau a wnaed gan y gwrthwynebydd.

Cyflwynodd y Pennaeth Materion Cynllunio y cais i'r Pwyllgor. Ar ôl trafodaeth, PENDERFYNWYD gwrthod y cais yn unol ag argymhelliad y Cyfarwyddwr - Materion Ffyniant a Datblygu.

Annedd arfaethedig.

Tir rhwng Clwb Rygbi Wattstown a 25 Teras Dan-y-graig, Ynys-hir.

Annedd arfaethedig. Tir rhwng Clwb Rygbi Wattstown a 25 Teras Dan-y-graig, Ynys-hir.

Siaradodd yr Aelod Lleol, Cynghorydd y Fwrdeistref Sirol J Edwards, nad yw'n aelod o'r Pwyllgor, am y cais gan fynegi ei chefnogaeth o'r datblygiad arfaethedig.

Cyflwynodd y Pennaeth Materion Cynllunio'r cais i'r Pwyllgor ac, yn dilyn trafodaeth, penderfynodd yr Aelodaugymeradwyo'r cais, yn groes i argymhellion y Cyfarwyddwr, Materion Ffyniant a Datblygu. Roedd hyn am eu bod nhw o'r farn na fyddai'r datblygiad arfaethedig yn cael effaith andwyol ar gymeriad nac edrychiad yr ardal gyfagos. Mynegodd yr aelodau bryderon ynghylch sefydlogrwydd y tir y tu ôl i'r datblygiad, a gofynnon nhw am  gynnwys amod yn gofyn am adroddiad manwl sy'n asesu'r sefydlogrwydd a'r angen posibl am unrhyw waith adfer a/neu'r angen am gadw strwythur(au) pan fyddai'r mater yn cael ei adrodd yn ôl i'r Pwyllgor; ynghyd ag asesiad o'r goblygiadau o ran y cwrs d?r y tu ôl i'r safle.

O ganlyniad i hynny, caiff y mater ei ohirio tan y cyfarfod priodol nesaf o'r Pwyllgor Cynllunio a Datblygu fel bod modd derbyn adroddiad gan y Cyfarwyddwr Materion Ffyniant a Datblygu, a gaiff ei lunio drwy ymgynghori â Chyfarwyddwr y Gwasanaethau Cyfreithiol yn ôl yr angen. Bydd yr adroddiad yn tynnu sylw at y cryfderau a'r gwendidau posibl sydd ynghlwm â gwneud penderfyniad yn groes i argymhelliad swyddog, neu unrhyw reswm arfaethedig neu reswm cynllunio dros wneud penderfyniad o'r fath. Caiff yr adroddiad yma ei ystyried cyn dod i benderfyniad ar y mater.

Caniatâd Ardal Gadwraeth ar gyfer newid defnydd adeilad o Swyddfeydd y Cyngor i 20 o fflatiau hunan-gynhaliol preswyl i fyfyrwyr (Sui Generis), gan gynnwys dymchwel rhan o'r adeilad sy'n bodoli eisoes a gwaith cysylltiedig.

Yr Hen Lys, Stryd y Llys, Y Graig, Pontypridd, CF37 1LJ

Caniatâd Ardal Gadwraeth ar gyfer newid defnydd adeilad o Swyddfeydd y Cyngor i 20 o fflatiau hunan-gynhaliol preswyl i fyfyrwyr (Sui Generis), gan gynnwys dymchwel rhan o'r adeilad sy'n bodoli eisoes a gwaith cysylltiedig. Yr Hen Lys, Stryd y Llys, Y Graig, Pontypridd, CF37 1LJ

Siaradodd yr Aelod Lleol, Cynghorydd y Fwrdeistref Sirol J. Brencher, nad yw'n aelod o'r Pwyllgor, am y cais gan fynegi ei phryderon yngl?n â'r datblygiad arfaethedig.

Cyflwynodd Pennaeth Materion Cynllunio y cais i'r Pwyllgor. Ar ôl trafod y cais, PENDERFYNWYD cymeradwyo'r cais yn unol ag argymhelliad y Cyfarwyddwr Materion Ffyniant a Datblygu.

Newid defnydd adeilad o Swyddfeydd y Cyngor i 20 o fflatiau hunan-gynhaliol preswyl i fyfyrwyr (Sui Generis), gan gynnwys dymchwel rhan o'r adeilad sy'n bodoli eisoes a gwaith cysylltiedig (Derbyniwyd yr Arolwg Ystlumod a'r Arolwg Adar sy'n Nythu ar 15/07/2020) (Derbyniwyd yr Adroddiad S?n ar 05/08/2020)

Yr Hen Lys, Stryd y Llys, Y Graig, Pontypridd, CF37 1LJ

Newid defnydd adeilad o Swyddfeydd y Cyngor i 20 o fflatiau hunan-gynhaliol preswyl i fyfyrwyr (Sui Generis), gan gynnwys dymchwel rhan o'r adeilad sy'n bodoli eisoes a gwaith cysylltiedig (Derbyniwyd yr Arolwg Ystlumod a'r Arolwg Adar sy'n Nythu ar 15/07/2020) (Derbyniwyd yr Adroddiad S?n ar 05/08/2020), Yr Hen Lys, Stryd y Llys, Y Graig, Pontypridd, CF37 1LJ.

Siaradodd yr Aelod Lleol, Cynghorydd y Fwrdeistref Sirol J. Brencher, nad yw'n aelod o'r Pwyllgor, am y cais gan fynegi ei phryderon yngl?n â'r datblygiad arfaethedig.

Cyflwynodd y Pennaeth Materion Cynllunio y cais i'r Pwyllgor. Ar ôl trafod y cais, PENDERFYNWYD cymeradwyo'r cais yn unol ag argymhelliad y Cyfarwyddwr - Materion Ffyniant a Datblygu, yn amodol ar yr Amodau a amlinellir yn yr adroddiad.

(Nodwch: Ar yr adeg yma, gadawodd Cynghorydd y Fwrdeistref Sirol S. Powderhill y cyfarfod).

Cais amlinellol i ddymchwel t? tafarn ac adeiladu 8 eiddo preswyl gyda lleoedd parcio (rhai materion wedi'u cadw).

Rhydyfelin Sports Bar, Heol y Dyffryn, Rhydfelen, Pont-y-clun, CF37 5ES

Cais amlinellol i ddymchwel t? tafarn ac adeiladu 8 eiddo preswyl gyda lleoedd parcio (rhai materion wedi'u cadw). Rhydyfelin Sports Bar, Heol y Dyffryn, Rhydfelen, Pont-y-clun, CF37 5ES.

Cyflwynodd y Pennaeth Cynllunio y cais i'r Pwyllgor a PHENDERFYNWYD cymeradwyo'r cais yn unol ag argymhelliad y Cyfarwyddwr Gwasanaeth - Materion Cynllunio yn ddarostyngedig i'r Amodau a nodir yn yr adroddiad a Chytundeb Adran 106 i sicrhau bod un uned yn cael ei sefydlu a'i chynnal fel uned fforddiadwy, a hynny er mwyn bodloni anghenion a nodwyd yn lleol.

(Nodwch: Ar y pwynt yma, gadawodd Cynghorydd y Fwrdeistref Sirol W. Owen y cyfarfod.)

Adeilad storio a dosbarthu arfaethedig (Defnydd Dosbarth B8) (derbyniwyd y cynlluniau diwygiedig ar 27/08/2020).

Tir gyferbyn â Storamove, Ystad Ddiwydiannol Parc Aberaman, Aberaman, Aberdâr

Adeilad storio a dosbarthu arfaethedig (Defnydd Dosbarth B8) (derbyniwyd y cynlluniau diwygiedig ar 27/08/2020). Tir gyferbyn â Storamove, Ystad Ddiwydiannol Parc Aberaman, Aberaman, Aberdâr

Cyflwynodd y Pennaeth Materion Cynllunio y cais i'r Pwyllgor. Ar ôl trafod y cais, PENDERFYNWYD cymeradwyo'r cais yn unol ag argymhelliad y Cyfarwyddwr - Materion Ffyniant a Datblygu, yn amodol ar yr Amodau a amlinellir yn yr adroddiad.

Gosod ffenestri to yn y blaen a'r cefn.

2 Wesley Cottage, Heol Aberdâr, Abercynon, Aberpennar, CF45 4NP             

Gosod ffenestri to yn y blaen a'r cefn.

2 Wesley Cottage, Heol Aberdâr, Abercynon, Aberpennar, CF45 4NP

Cyflwynodd y Pennaeth Materion Cynllunio y cais i'r Pwyllgor. Ar ôl trafod y cais, PENDERFYNWYD cyhoeddi Tystysgrif Cyfreithlondeb unol ag argymhelliad y Cyfarwyddwr Materion Ffyniant a Datblygu, yn amodol ar yr Amodau a amlinellir yn yr adroddiad.

Estyniad deulawr yn y cefn.

27 Stryd Dumfries, Treherbert, Treorci, CF42 5PP

Estyniad deulawr yn y cefn.

27 Stryd Dumfries, Treherbert, Treorci, CF42 5PP

Cyflwynodd y Pennaeth Materion Cynllunio y cais i'r Pwyllgor. Ar ôl trafod y cais, PENDERFYNWYD cymeradwyo'r cais yn unol ag argymhelliad y Cyfarwyddwr - Materion Ffyniant a Datblygu, yn amodol ar yr Amodau a amlinellir yn yr adroddiad.

Rhoi gwybod i Aelodau am y canlynol, ar gyfer y cyfnod 04/09/2020 – 02/10/2020

Penderfyniadau Cynllunio a Gorfodi – Apeliadau a Dderbyniwyd.

Penderfyniadau Dirprwyedig – Ceisiadau wedi'u cymeradwyo a'u gwrthod gyda rhesymau.

PENDERFYNODD yr Aelodau dderbyn adroddiad y Cyfarwyddwr Gwasanaeth – Materion Cynllunio mewn perthynas â'r Penderfyniadau Apeliadau Cynllunio a Gorfodi a ddaeth i law, Cymeradwyaethau Penderfyniadau a Gwrthodiadau Dirprwyedig gyda rhesymau, Trosolwg o Achosion Gorfodi a Phenderfyniadau Gorfodi Dirprwyedig ar gyfer y cyfnod 04/09/2020 – 02/10/2020.

Trafod unrhyw faterion sydd, yn ôl doethineb y Cadeirydd, yn rhai brys yng ngoleuni amgylchiadau arbennig.

Rhoddodd y Pennaeth Materion Cynllunio gyflwyniad cryno i'r Aelodau ar addasrwydd cynnal ymweliadau safle o dan gyfyngiadau cyfredol Covid-19. Yn dilyn hyn, trafododd yr Aelodau opsiynau amgen er mwyn dal ati i gynnal ymweliadau safle, a chytunwyd y byddai'r Swyddogion yn edrych ar y defnydd o dechnoleg i gynorthwyo gydag ymweliadau safle presennol ac yn y dyfodol. Mewn perthynas â'r ymweliad safle ar gyfer cais 20/0680 (Cofnod 300), cytunodd yr aelodau'n unfrydol y bydd swyddogion yn cael lluniau drôn ac, os credir eu bod yn briodol, lluniau fideo ychwanegol o'r ardal. Bydd y rhain yn cael eu cyflwyno i'r pwyllgor er mwyn mynd i'r afael â'u pryder, yn hytrach na chynnal ymweliad safle ffurfiol.