Agenda a Chofnodion

Cafodd ymddiheuriadau am absenoldeb eu derbyn gan Gynghorwyr y Fwrdeistref Sirol S. Powderhill a W. Owen.

Derbyn datganiadau o fuddiannau personol gan Aelodau, yn unol â gofynion y Cod Ymddygiad.

Nodwch:

1.    Mae gofyn i Aelodau ddatgan rhif a phwnc yr agendwm mae eu buddiant yn ymwneud ag ef a mynegi natur y buddiant personol hwnnw; a 

2.    Lle bo Aelodau'n ymneilltuo o'r cyfarfod o ganlyniad i ddatgelu buddiant sy'n rhagfarnu, mae rhaid iddyn nhw roi gwybod i'r Cadeirydd pan fyddan nhw'n gadael.

Yn unol â Chod Ymddygiad y Cyngor, doedd dim datganiadau o fuddiant yngl?n â'r agenda.

Nodi y dylai Aelodau o'r Pwyllgor, wrth benderfynu materion rheoli datblygu ger eu bron, roi sylw i'r Cynllun Datblygu ac, i'r graddau y bo hynny yn berthnasol, i unrhyw ystyriaethau perthnasol eraill. Rhaid i Aelodau, wrth ddod i benderfyniadau, sicrhau nad ydyn nhw'n gweithredu mewn modd sy'n anghyson â'r Confensiwn Ewropeaidd ar Hawliau Dynol fel y'i hymgorfforwyd mewn deddfwriaeth gan Ddeddf Hawliau Dynol 1998.

PENDERFYNWYD nodi y dylai Aelodau o'r Pwyllgor, wrth benderfynu materion rheoli datblygu ger eu bron, roi sylw i'r Cynllun Datblygu ac, i'r graddau y bo hynny yn berthnasol, i unrhyw ystyriaethau perthnasol eraill. Rhaid i Aelodau, wrth ddod i benderfyniadau, sicrhau nad ydyn nhw'n gweithredu mewn modd sy'n anghyson â'r Confensiwn Ewropeaidd ar Hawliau Dynol fel y'i hymgorfforwyd mewn deddfwriaeth gan Ddeddf Hawliau Dynol 1998.

Nodi bod Deddf Llesiant Cenedlaethau’r Dyfodol (Cymru) 2015 yn gosod dyletswydd ar gyrff cyhoeddus i gynnal datblygiadau cynaliadwy yn unol â'r egwyddor datblygu cynaliadwy, ac i weithredu mewn modd sy'n anelu at sicrhau y caiff anghenion y presennol eu diwallu heb amharu ar allu cenedlaethau'r dyfodol i ddiwallu eu hanghenion hwythau.

PENDERFYNWYD nodi bod Deddf Llesiant Cenedlaethau'r Dyfodol (Cymru) 2015 yn gosod dyletswydd ar gyrff cyhoeddus i gynnal datblygiadau cynaliadwy yn unol â'r egwyddor datblygu cynaliadwy, ac i weithredu mewn modd sy'n anelu at sicrhau y caiff anghenion y presennol eu diwallu heb amharu ar allu cenedlaethau'r dyfodol i ddiwallu eu hanghenion hwythau.

Cadarnhau cofnodion o gyfarfod y Pwyllgor Cynllunio a Datblygu a gynhaliwyd ar 16 Gorffennaf 2020 yn rhai cywir.

PENDERFYNWYD  cadarnhau'r cofnodion o gyfarfod y Pwyllgor Cynllunio a Datblygu a gynhaliwyd ar 16 Gorffennaf, 2020 yn rhai cywir. 

Cytunodd y Pwyllgor y byddai'r agenda yn cael ei hystyried mewn trefn wahanol yn unol â'r manylion yn y cofnodion isod.

Datblygu Annedd Sengl.

1 MAES ALEXANDRA, ABERCYNON, ABERPENNAR, CF45 4YA

Datblygu Annedd Sengl. 1 MAES ALEXANDRA, ABERCYNON, ABERPENNAR, CF45 4YA

Darllenodd Pennaeth Materion Cynllunio gynnwys sylwadau ysgrifenedig a dderbyniwyd gan Mr Gordon Williams a oedd yn gwrthwynebu'r cais.

Aeth Pennaeth Materion Cynllunio ymlaen i gyflwyno'r cais i'r Pwyllgor a rhannodd gwybodaeth ar lafar mewn perthynas â'r diwygiadau sydd eu hangen mewn perthynas â gwall sydd wedi'i nodi yn Amod 3 o'r adroddiad i sicrhau bod y geiriad cywir yn cael ei nodi sef 'Alexandra Place' yn hytrach na 'Alexander Place'.

Yn dilyn trafodaeth, PENDERFYNODD y Pwyllgor gymeradwyo'r cais yn unol ag argymhellion y Cyfarwyddwr Materion Ffyniant a Datblygu, yn amodol ar ychwanegu Amod Rhif 3 sydd wedi'u hamlinellu uchod.

Ailadeiladu adeilad y crochendy (cafodd yr adeilad gwreiddiol ei ddifrodi gan dân). Derbyniwyd y cynllun safle diwygiedig, yn dangos mynedfa a lleoedd parcio, ar 17 Gorffennaf 2020; derbyniwyd datganiad atodol ar 6 Awst 2020.

SOUTHCLIFFE POTTERY, HEOL CREIGIAU, LLANILLTUD FAERDREF, PONTYPRIDD, CF15 9NN.

Ailadeiladu adeilad y crochendy (cafodd yr adeilad gwreiddiol ei ddifrodi gan dân). Derbyniwyd y cynllun safle diwygiedig, yn dangos mynedfa a lleoedd parcio, ar 17 Gorffennaf 2020; derbyniwyd datganiad atodol ar 6 Awst 2020. SOUTHCLIFFE POTTERY, HEOL CREIGIAU, LLANILLTUD FAERDREF, PONTYPRIDD, CF15 9NN.

Darllenodd Pennaeth Materion Cynllunio gynnwys sylwadau ysgrifenedig gan Mr a Mrs Sharples sy'n nodi'u cefnogaeth gyffredinol ar gyfer y cais, gan godi rhai pryderon yngl?n ag elfennau o'r datblygiad arfaethedig.

Yn unol â'r gweithdrefnau sydd wedi'u mabwysiadu, derbyniodd y Pwyllgor Mr Gareth McDonagh (Ymgeisydd). Cafodd e bum munud i gyflwyno'r cais uchod i'r Aelodau.

Siaradodd yr Aelod Lleol, Cynghorydd y Fwrdeistref Sirol J. James, nad yw'n aelod o'r Pwyllgor, am y cais gan fynegi ei gefnogaeth i'r datblygiad arfaethedig.

Aeth y Pennaeth Materion Cynllunio ymlaen i gyflwyno'r cais, ac yn dilyn trafodaeth, PENDERFYNODD yr Aelodau gymeradwyo'r cais yn unol ag argymhellion y Cyfarwyddwr Materion Ffyniant a Datblygu.

Cam 2 - Ymestyn Parc Busnes/Diwydiannol ar safle cae gwyrdd oddi ar safle Parc Busnes Llantrisant (cynlluniau diwygiedig wedi'u derbyn ar 18/12/19 a 23/04/20).

TIR YN NHAL Y FEDW, PARC BUSNES LLANTRISANT,

LLANTRISANT, PONT-Y-CLUN, CF72 8LF

Cam 2 - Ymestyn Parc Busnes/Diwydiannol ar safle cae gwyrdd oddi ar safle Parc Busnes Llantrisant (cynlluniau diwygiedig wedi'u derbyn ar 18/12/19 a 23/04/20). TIR YN NHAL Y FEDW, PARC BUSNES LLANTRISANT, LLANTRISANT, PONT-Y-CLUN, CF72 8LF

Darllenodd Pennaeth Materion Cynllunio gynnwys sylwadau ysgrifenedig gan Mr J Hope sydd yn siarad o blaid y cais.

Cyflwynodd Pennaeth Materion Cynllunio y cais i'r Pwyllgor. Ar ôl trafod y cais, PENDERFYNWYD cymeradwyo'r cais yn unol ag argymhelliad y Cyfarwyddwr Materion Ffyniant a Datblygu.

Gosod swyddfa y mae modd ei thynnu i lawr, gan gynnwys toiledau, cegin/ystafell egwyl ac ystafell loceri. I'w gosod ar sail sy'n bodoli eisoes yn dilyn dymchwel adeilad â ffrâm ddur.

HEN SAFLE RHONDDA READY MIX CONCRETE, DEPO DINAS, HEOL Y CYMER, DINAS, Y PORTH, CF39 9BL.

Gosod swyddfa y mae modd ei thynnu i lawr, gan gynnwys toiledau, cegin/ystafell egwyl ac ystafell loceri. I'w gosod ar sail sy'n bodoli eisoes yn dilyn dymchwel adeilad â ffrâm ddur. HEN SAFLE RHONDDA READY MIX CONCRETE, DEPO DINAS, HEOL Y CYMER, DINAS, Y PORTH, CF39 9BL

Cyflwynodd Pennaeth Materion Cynllunio y cais i'r Pwyllgor. Ar ôl trafod y cais, PENDERFYNWYD cymeradwyo'r cais yn unol ag argymhelliad y Cyfarwyddwr Gwasanaeth Materion Ffyniant a Datblygu.

Cabinet Telathrebu - Virgin Media

1 Y RHODFA, PONTYPRIDD, CF37 4PU

Cabinet Telathrebu - Virgin Media

1 Y RHODFA, PONTYPRIDD, CF37 4PU

Yn unol â Chofnod Rhif:  262 o'r Pwyllgor Cynllunio a Datblygu a gafodd ei gynnal ar 6 Awst 2020, ystyriodd y Pwyllgor adroddiad Cyfarwyddwr y Gwasanaethau Cyfreithiol a Democrataidd, a oedd yn amlinellu canlyniad yr ymweliad â'r safle a gafodd ei gynnal ar 18 Awst 2020 mewn perthynas â'r cais a gafodd ei argymell i'w gymeradwyo gan y Cyfarwyddwr Gwasanaeth - Materion Cynllunio.

Cyflwynodd Pennaeth Materion Cynllunio y cais i'r Pwyllgor ac yn dilyn trafodaeth PENDERFYNWYD cymeradwyo'r cais, yn unol ag argymhelliad Cyfarwyddwr Gwasanaeth Materion Ffyniant a Datblygu yn amodol ar ddiwygiad Rhif 3 i'r adroddiad sy'n gofyn bod lliw'r cabinet yn newid i fod yn llwyd i sicrhau ei fod yn cyd-fynd â chymeriad a golwg y stryd, yn unol â natur yr ardal gadwraeth.

Rhoi gwybod i Aelodau am y canlynol, ar gyfer y cyfnod 10/08/2020 –

21/08/2020.

Penderfyniadau Cynllunio a Gorfodi – Apeliadau a Dderbyniwyd.

Penderfyniadau Dirprwyedig – Ceisiadau wedi'u cymeradwyo a'u gwrthod gyda rhesymau.

Trosolwg o Achosion Gorfodi.

Phenderfyniadau Gorfodi Dirprwyedig.

PENDERFYNODD yr Aelodau dderbyn adroddiad Cyfarwyddwr Gwasanaeth – Materion Cynllunio – mewn perthynas â Phenderfyniadau Apeliadau Cynllunio a Gorfodi a oedd wedi dod i law, Ceisiadau wedi eu Cymeradwyo a'u Gwrthod gyda rhesymau trwy'r drefn Penderfyniadau wedi'u Dirprwyo, Crynodeb o'r Achosion Gorfodi a Phenderfyniadau Gorfodi trwy'r drefn Ddirprwyo ar gyfer y cyfnod 10/08/2020 hyd at 21/08/2020.